Нвпкқтмои педагогика ва педагогик технологиялар кафедраси ўқитувчиси М

Янгиқўрғон туман АРМ раҳбари Ф.Атаджанова
НВПКҚТМОИ таълимда педагогик-психологик ва инновацион технологияларни жорий этиш кафедраси ўқитувчиси М.Шамсиеванинг “Соғлом турмуш тарзини тарғиб этишда кутубхоналарнинг ўрни” мавзусида тайёрланган методик тавсиясига

Т А Қ Р И З.

НВПКҚТМОИ таълимда педагогик-психологик ва инновацион технологияларни жорий этиш кафедраси ўқитувчиси М.Шамсиеванинг “Соғлом турмуш тарзини тарғиб этишда кутубхоналарнинг ўрни” мавзусида тайёрланган методик тавсияси орқали умуминсоний ва миллий қадриятларнинг сақланиши ва мустаҳкамлашда, соғлом ва баркамол авлодни давлатнинг келажагини яратувчилари ва эгалари сифатида шакллантириш ҳамда уларнинг замонавий талабларини ҳисобга олган ҳолда янада кенгроқ, тизимли ахборот билан таъминлаш давлат сиёсати даражасига кўтарилганлиги ҳамда шарқ халқларида ёшларни соғлом турмуш тарзи руҳида тарбиялашда китоблардан ўринли фойдаланиб келинган. Китоблар орқали уларда юксак инсоний хислатлар, соғлом турмуш маданияти тарбияланади. Айниқса, китоблар орқали ўзбек милий хусусиятимизга хос ахлоқий-маънавий фазилатлар, дастлабки меҳнат кўникма ва малакаларини сингдирилиши хақидагиади масалани ёритиб берган. Китоблар маънавий меросимизнинг энг қадимги қатламларига хос қадриятлар тизимига кириб, халқ оммасининг ижодий салоҳияти натижасида юзага келгалиги, асрлар давомида бадиий-эстетик анъана тарзида яшаб келаётганлиги билан характерланади.
Методик тавсияда муаллиф кутубхоналар китобхонларни маънавий эстетик тарбиялабгина қолмасдан, уларни соғлом турмуш тарзини шакллантириш , комил инсон қилиб тарбиялашга кўмаклашиш ҳам кутубхона ишларининг таркибий қисмида тизимли асосда ташкил этилиши лозимлиги тўғрисида фикрларини баён этган.
Шунингдек, ушбу тавсия орқали кутубхона ва ахборот-ресурс марказларида соғлом ва баркамол авлодни тарбиялашда давлат ва жамият кўмагини ошириш, соғлом болани, айниқса, қиз болаларни тарбиялаб вояга етказишда замонавий билим ва касб-ҳунарларни эгаллаши учун уларга кўмак бериш, болаларни турли тўгаракларга жалб этиш, тадбиркорликни ривожлантириш бўйича маҳалла ва бошқа жамоат тузилмаларининг ролини ошириш, оила ва жамиятда тинчлик ва осойишталикни, ўзаро ҳурмат ва ҳамжиҳатлик муҳитини мустаҳкамлаш, кам таъминланган оилаларга моддий ва маънавий ёрдам кўрсатиш борасида уларнинг масъулиятини кучайтириш ҳамда “Соғлом бола йили” Давлат дастурининг мақсад ва аҳамияти, унда белгиланган вазифаларнинг бажарилишини бориши тўғрисида кенг тарғибот-ташвиқот ишларини олиб бориш лозимлиги хақида фикрлар берилган.
Ахборот-кутубхона тизимларида “Соғлом болани тарбиялаш-барчамизнинг бурчимиз”, “Болани тарбиялашда оила ва маҳалланинг ўрни, аҳамияти ва масъулияти” мавзуларида тағибот-ташвиқот тадбирлари,“Жаҳолатга қарши маърифат” мавзуидаги китоблар кўргазмаси, “Энг кўп ўқийдиган оила” ва “Энг кўп ўқийдиган мактаб” танлови, “Соғлом болани тарбиялаш-барчамизнинг бурчимиз”, “Болани тарбиялашда оила ва маҳалланинг ўрни, аҳамияти ва масъулияти” мавзуларида давра суҳбатлари ва учрашувлар ташкил этиш орқали соғлом турмуш тарзини тарғиб этиш борасидаги вазифалар тўғрисида тавсиялар берилган.
Ушбу методик тавсиядан мактаб кутубхоначилари ва ахборот-ресурс марказларида соғлом турмуш тарзини тарғиб этиш бўйича амалиётда фойдаланишлари мумкин.