"nuqtai nazaring bo‘lsin" usuli

BOB. ISHNING AMALIYOTGA TATBIQI

3.1 Oybek asarlarining ta'lim tizimida o‘rganilishi

Umumta'lim maktablarining 9 sinfi dasturida Oybekning “Qutlug‘ qon” romanini o‘rganishga 5 soat ajratilgan. Oybek hayoti va ijodi haqida ma'lumot beriladi. “Qutlug‘ qon” romanining yaratilish tarixi, romandagi obrazlar tizimi, Yo‘lchi va Gulnor obrazlarida o‘zbek yoshlariga xos xususiyatlarning badiiy mujassamlanishi haqida ma'lumot beriladi. Romandagi Yo‘lchi va Mirzakarimboy obrazlarida turli ma'naviy qutbdagi shaxslarga xos xususiyatlarning aks etishi kuzatiladi. Romanning badiiy qimmati tahlil etilib, yozuvchining obraz yaratish va asar komrozitsiyasini qurishdagi mahorati o‘rganiladi. Umumta'lim maktablarining 9-sinfi darsligida “Qutlug‘ qon” romanidan ayrim boblar keltirilgan²⁷.

Yozuvchining “Navoiy” romani akademik litseyning 3 bosqichida 2 soat o‘rganiladi. Unda Navoiyning shoir va inson sifatidagi siymosi o‘rganiladi. SHu bosqich uchun tuzilgan majmuada “Navoiy” romanidan boblar keltiriladi²⁸.

Umumta'lim maktablari va akademik litseylarda badiiy asar tahlilida ko‘proq didaktik tahlilga murojaat qilamiz. Didaktik tahlil badiiy matnning sirini kashf etishga, muallifning niyatini anglashga, asar jozibasini ta'minlaydigan jihatlarni aniqlashga qaratilgan faoliyatdir.

Didaktik tahlili hamisha jamoa bo‘lib amalga oshiriladigan pedagogik- psixologik va badiiy-estetik jarayondir. Pedagogik maqsadga yo‘naltirilganlik didaktik tahlilning asosiy belgisi bo‘lgani va har qanday pedagogik tadbir hamisha kamida ikki kishi tomonidan yuzaga keltirilgani uchun didaktik tahlil jamoa faoliyatdir. Didaktik tahlilning ishtirokchilari ko‘proq bo‘lishadi va barcha aqliy- estetik operatsiyalar makon, zamon hamda qatnashchilarning imkoniyati-yu saviyasi hisobga olingan holda amalga oshiriladi²⁹.

O‘quv tahliliga o‘rganilayotgan badiiy asardagi tasvirning hozirgi hayotiy va badiiy mantig‘i hamda estetik o‘ziga xosligini anglash orqali o‘quvchilarni barkamol shaxs sifatida shakllantirishga yo‘naltirilgan va jamoa shaklida amalga oshiriladigan estetik-pedagogik faoliyatdir tarzida ta'rif berish mumkin.

Pedagogika fanlari doktori Q.Yo‘ldoshev badiiy asarni didaktik tahlil etish jarayonida o‘qituvchi va o‘quvchi faoliyati uch yo‘nalishda uyushtirilishi mumkinligini ta'kidlab o‘tadi. Bular muallifga ergashib tahlil qilish, timsol (obraz)lar asosidagi tahlil, muammoli tahlillardir.

Muallifga ergashib yoki tekstual tahlil 5-7- sinf o‘quvchilari bilan olib boriladigan mashg‘ulotlarda ko‘proq qo‘llaniladi. Ayniqsa, kichikroq hajmli she'riy va nasriy asarlarni didaktik tahlil etishda bu yo‘nalish juda qo‘l keladi.

Katta hajmli epik asarlar ko‘proq yuqori sinflarda o‘rganiladi. Bunday asarlarni tekshirishda timsolli tahlil usulidan foydalanish yaxshi samara beradi. Masalan, Oybekning “Qutlug‘ qon” romanini timsolli tahlil qilish katta samara beradi. Yo‘lchi, Gulnor, Yormat, Unsun obrazlarining o‘quvchilar tomonidan jonli odamlar, o‘z taqdiriga, o‘ziga xos insoniy tabiatga ega tirik kishilar tarzida qabul etilishiga erishish kerak bo‘ladi. SHundagina, bu timsollar tuygan tuyg‘ular o‘quvchilarga ham yuqadi, ta'sirlantiradi, binobarin, tarbiyalaydi. O‘quvchilarning badiiy timsollarni darhol ijobiy va salbiy guruhlarga ajratishlariga yo‘l qo‘ymaslik, har bir badiiy timsolning qarama-qarshi tabiatli kishilar nuqtai nazaridan qanday baholanishi mumkinligiga e'tibor qaratish lozim.

Asarning dastlabki qismida ikki qahramon-Yo‘lchi va Mirzakarimboy obrazlari markazga chiqadi. Ulardan biri-Yo‘lchi otasi bir yil tushakda yotib qolib, ekin ham yaxshi bo‘lmaganida, «bir parcha yer»ni sotib, tog‘asi qoshiga madad izlab kelgan. Ikkinchisi-Mirzakarimboy esa mahalla baqqolining ishbilarmon o‘g‘li edi. Jussasi kichkina bo‘lgani uchun Karim chittak laqabini orttirgan bu zot bir paytlar boshiga mushkul bir ish tushganida ham otadan qolgan yerni sotmay, vaziyatdan amal-taqal bilan chiqib ketgan va hatto tez orada Toshkentning manaman degan boylaridan ham o‘zib ketgan.

Sho‘ro mafkurasi hukmron yillarda Mirzakarimboy “ilonning yog‘ini yalagan”, “hamma boylar kabi ayyor, mug‘ombir, puxta-pishiq” kishi sifatida talqin qilib kelindi. Bugun mamlakatimizdagi ijtimoiy va iqtisodiy vaziyat o‘zgargan bir paytda Mirzakarimboy obraziga munosabat ham o‘zgacha tus oldi. Ayrim adabiyotshunos va yozuvchilar Mirzakarimboy obrazi tasvirida qora buyoqlardan ko‘p foydalangani uchun Oybekka ta'na toshlarini otsalar, ishbilarmonlarning mamlakatimizdagi bugungi mavqelaridan kelib chiqib, ayrim adabiyot muallimlari uni ijobiy qahramon sifatida talqin etmoqdalar.

Oybek tasviridagi Mirzakarimboy faqat salbiy yo faqat ijobiy qahramon emas. U g‘oyat ishbilarmon bo‘lgani, pulning, yerning qadriga yetgani va hisobsiz boylikka ega bo‘lgani holda, oddiy insoniy fazilatlarga ega emas. U Yo‘lchining onasi og‘ir ahvolda qolganida, hatto bolasining qonuniy mehnat haqini ham qiynalib, og‘rinib, ming pisanda bilan beradi; keksayib, kuchdan-madordan qolgan SHoqosimni itdan badtar qilib haydaydi; Gulnorni sevishini bila turib, Yo‘lchidan uni yulib, tortib oladi; Yormatning manqurtlashishi-yu Yo‘lchining qamalishi ham uning holisona xizmatisiz ruy bermagan... Sh”nday ekan, u qanday qilib romanning “bosh ijobiy qahramoni” bo‘ladi?! Nahotki, mustaqillik mafkurasi Mirzakarimboydek insonparvarlik g‘oyalaridan mutlaqo olis bo‘lgan ishbilarmon kishilarni himoya etsa?! Nahotki, mustaqil davlatimiz Yo‘lchilarning kelajakda mirzakarimboylar tomonidan toptalishi va xor-zor bo‘lishiga yo‘l qo‘ysa?!

“Mirzakarimboy yerga o‘ch odam edi. Yerli-suvli odamlar, qanday bo‘lmasin bir sababdan qiynalib qolsalar, darrov ularning pinjiga tiqilar yo o‘rtaga kishi qo‘yib, yerni tezroq o‘z qo‘liga o‘tkazishga tirishar edi. Hatto, yer sotishni hayoliga keltirmagan odamlar” ning yerlarini, agar ularning yerlari o‘z yerlariga chegaradosh bo‘lsa, o‘zinikiga qo‘shish uchun hech nimadan toymas. har qanday nomus va adolatning betiga tupurar edi”.

Oybek tasviridagi ana shu Mirzakarimboy yo‘lchiga (u olis-qarindoshi bo‘lgani uchun!) o‘ziga o‘xshashni emas, balki «nomusli kambag‘al» bo‘lishni maslahat beradi: «Sen har narsani Ollohdan so‘ra, u bersa-xo‘p; bermasa-xafa bo‘lma, taqdirga shukr qil, nomusli kambag‘al bo‘l. U dunyoda foydasini bilasan».

Mirzakarimboy-ikki qiyofali kishi. U Yo‘lchiga bir xil maslahat beradi, ammo o‘zi teskarisini qiladi. o‘zi bu «foniy» dunyoning boyligi va barcha lazzatlaridan to‘la bahramand bo‘lsa-yu, ammo Yo‘lchidagi iymon nurini narigi «boqiy» dunyoga qaratsa...

“Rahmatli onasi nimalarni orzu qilar edi!-deb yozadi Oybek Unsinni qurshagan hayollar haqida,-Boy tog‘anikida ishlab, Yo‘lchi ko‘p pul orttiradi, uy- joy qiladi, yer oladi... qani?”/

Nafaqat bechora onaning uy-joy, yer-suv haqidagi orzulari, balki Yo‘lchining Mirzakarimboydan hatto bir tiyin ham olmay turib, Gulnor bilan baxtli bo‘lish xaqidagi orzulari payhon bo‘ladi. bo‘larni suk,ir hayot emas, balki togasi Mirzakarimboy ko‘ra-bila turib o‘z k$li bilan payhon etadi.

Oybek yo‘lchi bilan Mirzakarimboy o‘rtasidagi munosabatlarni izchil kuzatar ekan, 1916 yil qo‘zg‘oloni arafasidagi halq hayoti manzaralari o‘zining barcha “ijtimoiy» ranglari bilan tobora yorqinroq, gavdalanib boradi. Ikki qutbga ajralgan personajlar o‘z taqdirlarida qo‘zg‘olonning har ikki tomonida qolgan kuchlarni umumlashtiradilar. nihoyat, qo‘zg‘olon kapitalistik tuzum unsurlarining Turkistondagi feodal turmush tarziga notekis kirib kelishi oqibatida murakkablashgan ijtimoiy va iqtisodiy vaziyatning Qonuniy natijasi sifatida ruy beradi va shunday tasvirlanadi. Buni tushuntirish orqali o‘quvchida shu davr va yozuvchi maqsadi haqida aniq tasavvurlar hosil qilish lozim.

Badiiy asar muammoli tahlil puxta bo‘lishi uchun o‘quvchilar badiiy matn bilan yaxshi tanishibgina qolmay, uni to‘liq hazm qilgan bo‘lishlari ham kerak. Chunki faqat o‘zlashtirilgan fikr fikr uyg‘otadi, singdirilgan hissiyotgina tuyg‘u qo‘zg‘atadi. Muammoli usul bilan tahlil etishda o‘quvchilarni shunchaki bahsga tortish kerak emas, balki ularning butun kuchi badiiy matnning mag‘zini ochishga yo‘naltirilgan bo‘lishi lozim. Muammoli tahlil kutilgan samarani berishi uchun matnga sinfdagi o‘quvchilar hayotiy tajribalari va egallagan bilimlari darajasidan kelib chiqib erkin yondasha olishlari zarur. Misol uchun, Oybekning “Navoiy» asari muammoli yo‘l bilan tahlil etiladigan bo‘lsa, o‘qituvchi o‘quvchilar oldiga: “Mo‘min Mirzo o‘limida Husayn Boyqaro gunohkormi?» tarzida savol qo‘yishi va o‘quvchilardan o‘z fikrlarini faqat badiiy matnga tayangan holdagina asoslashlarini talab etishi mumkin. Gunoh, gunohkorlik, ayb va aybdorlik, qismat, inson ma'naviyati singari tushunchalar atrofida fikr yuritish jarayonida o‘quvchilar Husayn Boyqaroning ulkan fojiasini yaqindan, bevosita, his etadilar. SHuningdek, asar tahlilida bir necha muammolarni qo‘yib, ular orqali o‘quvchilarning mustaqil fikr yurita olish ko‘nikmalarini shakllantirish mumkin. Muammolar quyidagicha qo‘yilishi mumkin: “Navoiy va Husayn Boyqaro orasidagi ziddiyatlarga nima sabab bo‘ldi?”, “Navoiy ruhiy iztiroblari romanda qanday aks ettirilgan?”, “Navoiyning saroydan uzoqlashishi sabablarini izohlang.”, “Oybek Navoiyning ijod onlaridagi holatini qanday tasvirlagan?” va boshqalar.

Badiiy asarni muammoli tahlili jarayonida sinf o‘quvchilarini guruhlarga ajratish va qo‘yilayotgan muammoga har bir guruhning javobini tinglash orqali yaxlit xulosaga kelish ham samara beradi. Bunda guruhlarda aytilgan fikrlar keyingi guruhlar tomonidan to‘ldirilib boriladi va yakunida barcha fikrlar umumlashtiriladi.

Umuman, Oybek romanlarini o‘rganishda qo‘llaniladigan usullar o‘quvchini ma'naviy yetukligini ta'minlashga, estetik didini yuksaltirishga xizmat qiladi.

3.2 Interfaol usullari orqali Oybek ijodini tadqiq etish

"Interfaol" so‘zi ("inter") ingliz tilidan olingan bo‘lib, «inter» - o‘zaro, "akt" - faol harakat, faollik, ta'sirchanlik) o‘zaro harakat, birgalikdagi faoliyat ma'nolarini anglatadi. O‘zaro, birgalikdagi faoliyat jarayonida tarbiyachi- tarbiyalanuvchi, tarbiyalanuvchi-tarbiyalanuvchi orasida ta'lim maqsadlariga erishish yo‘lida tashkil etiluvchi hamkorlikni anglatishi. Tarbiyachi va tarbiyachilar, shuningdek, tarbiyalanuvchilar o‘rtasidagi o‘zaro hamkorlikni yuzaga kelishini ta'minlovchi ta'limiy faoliyat interfaol ta'lim deb yuritiladi. Interfaol metod-ta'lim jarayonida tarbiyalanuvchilar hamda tarbiyachi o‘rtasidagi faollikni oshirish orqali tarbiyalanuvchilarning bilimlarni o‘zlashtirishini faollashtirish, shaxsiy sifatlarini rivojlantirishga xizmat qiladi.