«noshirlik asoslari» fanidan o`quv-uslubiy majmua (1-kurslar uchun) Samarqand – 2021 annotatsiya

Badiiy asar tahriri – tahrir turi. Bunda mazmun va shakl birligi, muallif ijod yo’li (yoki uslubi), obrazlilik, tasviriylik, ta’sirchanlikka alohida e’tibor beriladi. Adabiy til uslublarining barchasidan o’rni bilan foydalanishga yo’l qo’yiladi.
Bibliografiya (yun. – kitob, yozaman), asosiy ma’lumotlari – chiqqan yili, joyi, nashriyoti ba bosh. bilan berilgan kitob, jurnal, maqolalar ro’yxati; adabiyotlar ko’rsatkichi.
Broshyura (fr.) – hajmi uncha katta bo’lmagan asar, yumshoq muqovali yupqa kitob (4-5 bosma taboq – 64-80 bet bo’ladi), daftarga o’xshatib muqovalanadi.
Bayon – sharh, talqin; pedagogika fani va xalq ta’limining ahvoli, yo’nalishlari va istiqboldagi rivojlanishi haqidagi tizimlashtirilgan ma’lumotlar va ilmiy umumlashmalar. U o’z ichiga tavsif, tahlil, baholash va umumlashmani oladi, rivojlanish istiqbollari va yo’nalishlarini belgilaydi. Aniq taklif va tavsiyalardan iborat bo’ladi. Bayonning o’ziga xos xususiyati bo’lib, hujjatlarda bevosita bo’lmagan xulosalarni olish hisoblanadi. Bayonning tuzilishi uning qanday maqsadga qaratilganligiga bog’liq va sarlavha, referat (annotatsiya), kirish, asosiy analitik qism, xulosalar va tavsiyalar, adabiyotlar ro’yxati, mundarijani o’z ichiga oladi. Axborot bayoni aniq va qisqa bo’lishi, muayyan mavzu bo’yicha manbalarni to’la qamrab olishi, muntazamlik tavsifiga ega bo’lishi, ishonchli, operativ bo’lishi, iqtiboslar olingan yoki foydalanilgan manbalarga havolalar aniq bo’lishi kerak. Bayonning hajmi uch bosma taboqdan ortiq bo’lmaydi. Axborotning tavsifiga bog’liq tarzda analitik bibliografik va referativ bayonlar farqlanadi.
Bayon tarzdagi axborotnoma sharhlar – bir yoki bir necha bayondan iborat nashr, bir necha manbalarni tahlil qilish asosida tuziladi. Odamlar va tanqidchilarga boshlang’ich manbalar haqida tizimli va umumlashgan ma’lumotlarni beradi, masalaning qay ahvoldaligini yoki ijtimoiy muammoni yaxshi tasavvur etishga yordam beradi.
Bibliografik yozuv – bibliografik tavsifdan iborat bibliografik ma’lumot, u sarlahalar, annotatsiyalar yoki referatlar, turli malakaviy indekslar, ruknlar, saqlanish raqamlari va boshqa unsurlar biln to’ldirilishi mumkin.