Normativ hujjatlarning ekspertizasiga doir

Meyoriy hujjatlar ilmiy-texnikaviy darajasini baholash 
O‘zbekiston Respublikasining «Standartlashtirish to‘g‘risida»gi Qonuni 6-
moddasida standartlashtirish bo‘yicha MHlarga quyidagi talablar belgilangan: 
«Standartlashtirishga doir normativ hujjatlar vatanimiz hamda chet el fan va 
texnikasining zamonaviy yutuqlariga asoslangan va O‘zbekiston Respublikasining 
qonun hujjatlariga muvofiq bo‘lishi lozim. Ular xalqaro savdo- sotiq uchun ortiqcha 
to‘sqinliklarni vujudga keltirmasligi lozim.» 
O‘zbekiston Respublikasi Vazirlar Mahkamasining 1994 yil 12 avgustdagi 
410-sonli Qarori bilan tasdiqlangan «O‘zbekiston Respublikasida standartlar va 
o‘lchash vositalari ustidan davlat nazorati to‘g‘risidagi Nizom»da standartlar va 
o‘lchash vositalari ustidan davlat nazoratining asosiy vazifalari «ishlab chiqarish 
samaradorligini oshirish maqsadida fan va texnika yutuqlaridan samarali 
foydalanishga yordam berish, ilmiy-texnikaviy taraqqiyotni jadallashtirish, mehnat 
samaradorligini o‘stirish, mahsulotning texnikaviy darajasi va sifatini oshirish»dan 
iboratligi qayd etilgan. 
Yuqorida qayd etilganlardan hamda mamlakatimizda ishlab chiqarilayotgan 
mahsulotlarning sifati va raqobatbardoshligini ta’minlash maqsadidan kelib chiqqan 
holda, standartlashtirish bo‘yicha meyoriy hujjatlarni ilmiy- texnikaviy darajasini 
baholash protsedurasini ahamiyatini alohida qayd etish joiz bo‘ladi. 
Rahbariy hujjat O’z RH 51-077 — 1998*da ko‘rsatilganidek, meyoriy 
hujjatlarning ilmiy-texnikaviy darajasini baholash ularning xalqaro, regional, 
davlatlararo va rivojlangan davlatlar standartlari talablariga muvofiqligini 
aniqlashga qaratilgan. Rahbariy hujjatda bu jarayonga quyidagicha ta’rif berilgan: 
«meyoriy hujjatlarni ilmiy-texnikaviy darajasini baholash — 
takkoslab 
baholash asosida MHning talablarini milliy va chet davlatlar zamonaviy ilmiy-
texnikaviy yutuqlariga muvofiqlik darajasini aniqlash». MHlar va ularning 
loyihalari, MHlarga o‘zgartirishlar va ularning loyihalari ilmiy-texnikaviy darajani 
baholashning obyekti hisoblanadi.