Номидаги Ўзбекистон миллий университети “социология” фани бўйича ЎҚув-услубий мажмуа тошкент-2019 «ТасдиҚлайман»

Меъёрлар – муайян ижтимоий бирлик доирасида қабул қилинган хулқ-атвор қоидалари.
Меҳнат тақсимоти – ишлаб чиқариш тизимини ихтисослашган вазифалар ва касбларга тақсимлаш бўлиб, у умумиқтисодий ўзаро боғлиқликка олиб келади.
Микросоциология – инсон хулқ-атворини юзма-юз ўзаро таъсир контекстида ўрганиш.
Миллат – тил, маънавият, миллий ўзликни англаш, руҳияти, урф-одатлар, анъаналар ва қадриятлар ягоналиги асосида муайян ҳудудда яшовчи ижтимоий алоқалар билан боғланган мустақил субъект сифатида ўзига хос моддий ва маънавий бойликларни яратувчи кишиларнинг этник бирлиги.
Миллий менталитет – миллий онг ва фаолият характерини ифодаловчи тушунча, миллатнинг анъаналари, маданияти, ижтимоий структураси ва турмуш тарзи асосида шаклланади..
Назария – мунтазам кузатиладиган ҳодисалар ўртасидаги умумий тавсифлар ва қонуниятларни аниқлашга уриниш.
Низо – жамиятдаги гуруҳлар ёки индивидлар ўртасидаги антагонизм.
Никоҳ – индивидлар орасидаги жамият томонидан маъқулланадиган сексуал муносабатлар.
Ноформал муносабатлар – гурҳлар ёки ташкилотлардаги шахсий майллар асосида шаклланадиган муносабатлар.
Оила – қон-қариндошлик, никоҳ ёки фарзандликка олиш муносабатлари билан боғланган индивидлар гуруҳи.
Объект (лот. objiect – нарса) – субъектнинг билиш ва амалий фаолиятида унга қарама-қарши турадиган нарса.
Объектив реаллик – инсон онгига боғлиқ бўлиаган, ундан ташқаридаги моддий олам.
Оломон – қизиқишларининг умумийлигига кўра ёпиқ маконда вақтинчалик тўпланган инсонлар йиғиндиси.
Оммавий ахборот воситалари – радио, телевидение, газета, журнал ва шу каби катта аудиторияларга мўлжалланган коммуникация турлари.
Органик гуруҳлаш – асосларини изоҳлаш мумкин бўлган гуруҳлашнинг кузатув бирликларини гуруҳлаш тури.
Патриархат – эркакларнинг аёллар устидан ҳукмронлиги.
Постиндустриал жамият – моддий товарлар ишлаб чиқаришдан кўра кўпроқ ахборот ишлаб чиқаришга таянадиган жамият.