Nodavlat notijorat tashkilotlarini tugatishning fuqarolik huquqiy muammolari

Tadqiqot obyekti bo’lib nodavlat notijorat tashkilotlarini tugatishga 
qaratilgan qonun hujjatlari va tugatish borasida jarayonida vujudga keladigan 
ijtimoiy-huquqiy munosabatlar xizmat qiladi. 
Tadqiqot predmeti nodavlat notijorat tashkilotlarini tugatish tartibini 
huquqiy nazorat qilish, shuningdek ushbu jarayonda muammoli bo’lgan huquqiy 
vorislik amaliyoti va ilmiy-amaliy masalalar hisoblanadi. 
Tadqiqot metodlari ushbu tadqiqotni yozishda umumiy metodlar: dialektik, 
kompleks, tarixiy-huquqiy, qiyosiy-huquqiy, sistematik tahlil, ijtimoiy va boshqa 
usullaridan , shuningdek Prezidentimiz I.A.Karimov so’zlagan nutqlari va asarlari, 
olimlarning nodavlat notijorat tashkilotlarini tugatishning huquqiy tabiatiga oid 
qarashlaridan va moddiy huquq sohalariga oid xorijiy olimlar tomonidan chop 
etilgan yuridik adabiyotlardan va ilmiy asarlardan ijodiy tahlil jihatdan 
foydalaniladi. 

---

Dialektik usuli yordamida fuqarolik huquqiy munosabatlarning ishtirokchisi 
sifatida nodavlat notijorat tashkilotlarni tugatishning barcha ijtimoiy-huquqiy 
bosqichlarini umumiy tahlil etiladi. Kompleks usul ko’rib chiqilayotgan barcha 
masalalarni ularning aloqa va o’zaro bog’liqligini umumiy tahlil qilish imkonini 
beradi. Tarixiy hamda qiyosiy-huquqiy usullari aynan qanday tarixiy shart-
sharoitlar fuqarolik huquqiy munosabatlar rivojlanishida nodavlat notijorat 
tashkilotlarining ishtirokini ta’minlaganini aniqlash imkonini beradi. Sistemali 
tahlil usuli nodavlat notijorat tashkilotlarini tugatish jarayonining boshqa 
bosqichlarga qaraganda mukammalroq tugatish tahlil qilishga ko’mak beradi. 
Ijtimoiy-huquqiy usul nodavlat notijorat tashkilotlarni tugatish borasida chop 
etilgan turli nashrlar va ma’lumotlarni chuqur o’zlashtirish va ilmiy tahlil qilish 
orqali muallif o’zining xulosa va takliflarini ilmiy asoslab berishida qo’llaniladi.