Nntlarning jamiyatimizdagi roli nimada?

NNTlarning jamiyatimizdagi roli nimada?
NNTlarning jamiyatimizdagi o'rni haqida so'z yuritadigan bo'lsak, bunda ko'plab fikr-mulohazalarni bildirishimiz mumkin. Rivojlangan va rivojlanayotgan mamlakatlar ko'plab sohalar va yo'nalishlarga e'tibor qaratishiga qaramasdan davlat sektorlarining ijtimoiy sohalarda vujudga keladigan barcha muammolarni hal qilishga imkoniyati yetmaydi. Aholining haq huquqlari poymol qilinishi, ijtimoiy ko'maklarni maqsadli va manzilli amalga oshirilmasligi, zaif qatlamdagi aholining jamiyat rivojidan ortda qolishi va shu kabi juda ko'plab muammolar vujudga kelishi mumkin. Bu kabi muammolarni hal qilishda va ularni oldini olishda NNTlarning o'rni juda katta. Aholi turmush darajasini yaxshilash, ularning haq huquqlarini himoya qilish, ma'naviy va iqtisodiy ehtoiyojlarini qondirish, jamiyat hayoti va taraqqiyotdan ortda qolayotgan aholi qatlamlarini rag'batlantirish va ularni rivojlantirish kabi ishlarni amalga oshirishda, xususan ta'lim, sog'liqni saqlash, madaniyat hamda ko'plab ijtimoiy tarmoqlarda muhim rol o'ynaydi. Bu kabi ishlar albatta inson kapitalining rivojlanishiga olib keladi, hamda inson kapitalining rivojlanishi o'z o'rida mamlakat iqtisodiy rivojlanishiga va jamiyatda ma'naviy-ma'rifiy psixologiyaning yuksalishiga olib keladi. Bulardan kelib chiqib, NNTlarning faoliyatini jamiyatning ravnaq topishida asosiy omillaridan deb bemalol ayta olishimiz mumkin.

Ijtimioy muammolarni echishda faol fuqarolar qanday hissa qo’sha oladi?
Ijtimoiy muammolarni hal qilishda faol fuqarolarning say-harakatlari va tashabbuskorligi taqsinga sazovor. Ularga barcha jamiyat hayotiga befarq bo'lmagan volontyorlarni va jamiyat "lider"larini misol qilishimiz mumkin. Ular o'zlarining jismoniy va aqliy qobilyatlarini jamiyat rivoji uchun beg'araz va hech qanday manfaat ko'zlamasdan savob umidida ishga solishadi. Bunday fuqarolar jamiyat hayotini isloh qilishda, aholini ko'plab sohalarda xususan himoyaga muhtoj qatlamni huquqiy, ijtimoiy, moliyaviy savodxonligini oshirishda yoki iqtisodiy hamda ma'naviy rag'batlantirishda va ularni himoya qilishda katta hissa qo'shadi.