Nókis qalalıq xalıq bilimlendiriw bólimine qaraslı

XV. JÁMÁÁTLIK SHÁRTNAMANÍŃ ORÍNLANÍWÍN QADAǴALAW
128. Kásiplik awqam komiteti mápleri ol tarepinen qorǵalıp atırǵan xızmetkerler atınan Is beriwshi menen sóylesiuler alıp barıwǵa, jámáátlik shartnamasın dúziwge bolǵan ústin huqıqqa iye, sondayak onıń orınlanıwı ústinen jámáátlik qadaǵalawdı ámelge asıradı (Ózbekstan Respublikası “Kásiplik awkamları haqqında”ǵı Nızamnıń 29- hám 34-statyaları)

129. Tárepler teńlik tiykarında, usı Shártnamanıń orınlanıwın tekserip barıwshı komissiyanı dúziwdi hám jılına 1 ret usı Shártnamanıń orınlanıwı boyınsha tekseriw ótkeriw hám tekseriw nátiyjelerin miynet jámáátiniń ulıwma jıynalısında talqılawdı óz moynına aladı.

130. Miynet jámáátiniń ulıwma jıynalısında Is beriwshiniń mektep xızmetkerlerin májbyariy miynetke tartpawına tiyisli májbúriyatlarınıń tolıq orınlanıwı boyınsha esabatı tıńlanadı.

131. Tárepler Bas, tarawlıq (tarif), aymaqlıq (territoriyalıq) kelisimlerin tán alıp, olardı orınlaw minnetlemesin óz moyınlarına aladı. Sonday-aq, joqarıda atları keltirilgen kelisimlerge ózgerisler kirgizilse, Jumıs beriwshi hám Kásiplik awqamı komiteti 10 kún múddet ishinde usı Shártnamaǵa tiyisli ózgeris hám qosımshalar kirgiziw boyınsha sóylesiwler alıp barıwdı óz moyınlarına aladı.

132. Kásiplik awqam komiteti, jámáátlik shártnamanıń joybarın maqullaw boyınsha shaqırılatuǵın miynet jámáátiniń ulıwma jıynalısınan aldın onıń joybarın ekspertiza ushın joqarı turıwshı kásiplik awqam organına yaki yuridikalıq firmaǵa usınıs etedi.

133.Usı Shártnamaǵa qol qoyılǵannan keyin, tárepler onı dizimnen ótkeriw ushın joqarı turıwshı kásiplik awqamı organına usınıs etedi.

134. Jámáátlik shártnamaǵa qol qoyılǵannan keyin, tárepler onı orınlanıwı boyınsha ilájlar jobasın, juwapkerlerdi hám múddetlerin belgilep aladı.

135. Jámáátlik shártnamanıń teksti hám qosımshaları menen xızmetkerler Mekteptiń (kadrlar bóliminde) muǵallimler xanasında hám Kásiplik awqam komitetinde tanısıwı múmkin.

136. Shártnamanıń ámel etiw dáwirinde yamasa ámel etiw múddetin uzayttırıw dáwirinde kirgizilgen ózgerisler hám qosımshalar qosımsha kelisim kórinisinde bolǵan óz aldına hújjetler menen rásmiylestirilip, usı Shártnamanıń ajıralmas bólimi bolıp esaplanadı.

137. Jámáátlik shártnamanıń qosımshaları onıń ajıralmas bólegi bolıp easplanadı.