Nizomiy nomli toshkent pedagogik universiteti

   1.2.Milliy g’urur va milliy istiqlol g’oyasining pedagogik asosi. 

Prezident  I.A.Karimovning  «Biz  hech  kimdan  kam  emasmiz  va  kam 

bo’lmaymiz»  degan  chaqirig’ining  zaminida  boy  mazmun  mujassam.  Bunda 

bugungi  yutuqlarimizdan  fahr  tuyg’usi  ham,  erkin  bunyodkorlik  faoliyatiga 

chorlov  ham,  mamlakatimizning  buyuk  kelajagiga  ishonch  ham  o’z  ifodasini 

topgan.  Lekin  bu  avvalo  yoshlarimizga,  o’sib  kelayotgan  avlodga  g’amho’rlik, 

mehr-muhabbat,  ularning  kuch  va  imkoniyatlariga  katta  ishonchni  anglatadi. 

Mustaqillik  davrida  har  bir  yoshning  qobiliyatlari  va  imkoniyatlarini  namoyon 

qila  olishlari  uchun  to’liq  imkoniyatlar  yaratish  tom  ma`noda  davlat  siyosatiga 

aylandi.  Bunda  yoshlarni  jismonan  baquvvat,  ma`nan  barkamol,  aqlan  yuksak, 

ruhan uyg’oq avlod qilib tarbiyalash millat g’oyasi sifatida ilgari surildi. Ta`lim 

sohasini  tubdan  isloh  qilishdan  tortib  bolalar  va  o’smirlar  sportini 

rivojlantirishgacha bo’lgan barcha keng miqyosdagi islohotlarning maqsadi ham 

shunga qaratilgan.  

―Yashash  qaerda  yahshi  bo’lsa,  shu  yer  men  uchun  Vatan‖  deb  yurganlar 

topiladi.  Bunday  qarashda,  haqiqiy  Vatanparvarlik  tuyg’usining  mujassam 

emasligini  ko’ramiz.  Chunki,  birinchidan,  ―Yashash‖dan    ma`no  va  maqsad 

faqat  yaxshi  eb-ichish,  rohat  va  farog’atni  o’ylash,  o’zi  uchun  ―barcha 

qulayliklarga‖ ega bo’lgan ―huzur-halovat‖dangina iborat emas. Faqat shu bilan 

hayotning  ma`no-mazmuni,  yashashdan  maqsad  belgilanmaydi;  Ikkinchidan, 

bunday  toifa  odamlar,  haqiqiy  Vatan  tuyg’usini  anglamaydilar,  yoki  uni 

anglashdan  yiroq.  O’zining  shahsiy  manfaatlarini  hamma  ham  o’ylaydi,  lekin 

uni  faqat  o’z  qobug’ida  ―yalong’och‖  holda  tasavvur  etib,  ―Vatan‖  tuyg’usini 

idrok  etmaslik,  oxir  oqibatda  bu  odamni  tug’ilgan  joy,  ulg’aytirib  hayotga 

yo’llanma  bergan  ota-ona,  jamoa,  el-yurt,  xalq,  millatining  maqsad  va 

muddaolaridan,  orzu-istaklaridan,  tarixi,  qadriyatlaridan  o’zini  begona  tutishga 

olib keladi. Bunday odamda Vatanni anglamaslik va undan ―begonalik‖ tuyg’usi 

---

 

31 

mujassam. Bunday odamda Vatanda yashab, Vatandan tashqarida o’zini ko’rish 

bilan bog’liq ruhiy holat mujassam.  

Uni  bunga  nima  undaydi  deyish  mumkin?  Qanday  sabablar  shunga  olib 

keladi?  Buning  sababini  shunday  toifa  ―odamlarning  o’zligidan‖  qidirmasdan, 

savolga  javob  topib  bo’lmaydi.  Odam  o’zligini  qanday  anglasa,  Vatanini  ham 

shunday  anglaydi.  O’zligini  anglamagan  odam  Vatanini  ham  anglamaydi.  Uni 

Vatani,  tarihi  qiziqtirmaydi.  U  o’zi  uchun  yashashning  ma`nosini  qaerda 

bo’lmasin  yahshi  yashashda  deb  biladi.  U  o’zining  halqi,  ota-onasi,  millati, 

mamlakati  oldida  ham  farzandlik,  fuqarolik  burchini  sezmaydi.  Uning  maqsadi 

nima  qilib  bo’lsa  ham  ―pul  topish‖,  yahshi  yashash‖.  SHu  qoida  uning  uchun 

―ota-onadan‖,  el-halqdan  ham  yuqori,  Vatanidan  tashqari  ―Vatan‖  bo’lib 

ko’rinadi.  

 

Bunday  odamlarning  ma`naviy  dunyosi  juda  ―mo’rt‖  va  moddiylik 

asosiga qurilgan. Bir tomonlama, insoniy mohiyatdan yiroq, Vatanidan  begona 

―meni‖ga egadir. Har bir inson o’z ―meni‖ga  albatta ega  bo’lishi  tabiiy holat. 

Lekin  uning  ―meni‖  boshqa  ―insonlar‖    ―meni‖  bilan,  halqi,  millatining 

―borlig’i‖  bilan  mushtarak  holda  shakllanadi.  Xaqiqiy  Vatanparvar  insonlar 

o’zining  ―meni‖ni  Vatanining  taqdiridan,  millati,  halqining  madaniy 

qadriyatlaridan,  orzu-istaklaridan  ayri  holda  tasavvur  eta  olmaydi.  ―Men‖ning 

o’ziga  hosligi  ana  shu  milliy  ruhiyatga  tayansa,  unga  amal  qilib  umuminsoniy 

mohiyat kasb etsagina kishi o’zining haqiqiy ―meni‖ga ega bo’ladi. Albatta har 

bir  inson  uchun  Vatandan  aziz  va  mo’`tabar,  muqaddas  makon  yo’q.  Vatan 

degani  kindik  qoni  to’kilgan  shunchaki  joy  emas,  u  undan  ko’ra  aziz  bo’lgan 

halqining  o’tmishi,  buguni  va  kelajagi  hamdir.  SHuning  uchun  ham  ―Vatan‖ 

muqaddas.  Vatan  uchun  har  bir  inson  o’zligini  bahshida  etsa,  Vatan  obodligi, 

ozodligi  yo’lida,  o’zining  farzandlik  burchini  ado  etgan  bo’ladi.  ―Vatan  uchun 

chala ish qilib bo’lmaydi‖. Vatan uchun chala ish qilish, bu eng katta gunohdir. 

YOki, uning uchun hech narsa qilmaslikdir.  

Shuning  uchun  ham,  Vatanni  anglamaslik,  uning  uchun  o’zligini 

bag’ishlamaslik  ma`rifatdan,  ma`naviyatdan  yiroq,  o’zligini  anglamagan 

---

 

32 

odamning  ishidir.  Bunday  odamlar  ―baxt‖,  ―saodatni‖  faqat  moddiy  narsalarda 

ko’radilar.  Moddiy  boylikka  ega  bo’lishni  baht  deb  tasavvur  etadilar.  Lekin, 

―Boylik‖ning faqat moddiy tomonini ko’rishning o’zi etarli emas. haqiqiy bahtni 

moddiy va ma`naviy boylikni o’zida uyg’un mujassam eta olgan odamgina aniq 

va  mukammal  his  eta  oladi.  Insonni  qorni  to’q,  moddiy  hayoti  butun  bo’lishi 

mumkin, lekin haqiqiy baxtli, bahtiyor bo’lmasligi mumkin.  

 

Shuning  uchun  ham,  inson  Vatandan  tashqarida  yaxshi  yashashi,  qorni 

to’q,  usti  butun,  xalqimiz  tili  bilan  aytganda  ―yegani  oldida,  yemagani  ortida‖ 

bo’lishi  mumkin,  lekin  u  haqiqiy  bahtli  bo’lmasligi  mumkin.  Baxtni  inson 

o’zidan  o’z  Vatanidan  qidirishi,  topishi  mumkin  holos.  Uni  chetdan  qidirish, 

oxir oqibatda afsuslik, ma`nan qoniqmaslik yo’lidir.  

 

Inson yoshlik davrida, uning o’ziga xos baland-parvozli yuqori kayfiyati, 

shijoatga  undaydigan  ruhiy  quvvatlari  mustahkam  bo’ladi.  Uning  Vatan  mehri 

bilan uyg’un bo’lishiga erishish, shuni his etib yashash, kishini Vatanga hizmat 

qilishga  undaydi.  Inson  Vatanda  yashab,  undan  tashqarida  bo’lishi  ham,  yoki 

Vatanidan  tashqarida  bo’lib,  o’zining  Vatanidan  hech  qachon  ayri  holda  his 

etmasligi  ham  mumkin.  Gap,  uning  qaerda  yashashi  to’g’risida  emas,  eng 

muhimi  Vatanga  munosabati,  Vatan  uchun  nima  qilayotganligidadir.  Vatanni 

o’ylasa, Vatan uchun qayg’ursa, xalqining erkin va farovon hayotga erishishida 

ozgina  bo’lsada,  o’zining  hissasini  qo’sha  olsa  shuning  o’zi  haqiqiy 

Vatanparvarlikdir.  Bu  Vatanning  sharafi,  shoni-shuhratini  baland  tutish,  uni 

qadrlash  va  qadriga  etib,  qayg’ura  olish  bilan  bog’liq  ma`naviy  hodisadir.  Bu 

Vatani  bor  har  bir  odamga  berilgan  ulug’  ne`matdan,  har  bir  kishi  tiriklik 

paytida to’g’ri foydalana olishi kerak.  

 

Erkin hayot - bu insonning o’zi ixtiyori, qobuliyatini erkin namoyon etish 

va eta olishidir  hayot erkin bo’lgan joyda taraqqiyot bo’ladi. Shunda inson o’z 

salohiyatini  yuzaga  chiqara  oladi.  Uning  salohiyati  taraqqiyotning  muhim 

omiliga  aylanadi.  Erkin  hayot  insonga  qobuliyatini,  salohiyatini  yuzaga 

chiqarishga,  o’zi  sevgan  kasb,  mehnat  faoliyatini  erkin  tanlash  bilan 

shug’ullanishga  va  hammaga  bir  xil  imkoniyat  yarata  olingan  hayotdir.  Bu 

---

 

33 

farovon  hayotga  erishishning  muhim  o’lchovidir.  Ana  shunday  hayotni 

yaratishni o’zining oldida maqsad qilib qo’ygan mamlakatda, fuqarolar ozod va 

obod Vatanga ega bo’ladilar. Bu uning milliy istiqlol g’oyasining bosh g’oyasi 

ekanligi, shubhasiz chuqur falsafiy ma`no va ahamiyat kasb etadi.  

 

―Erkin hayot‖ degani bu hohlagan ishni qilish el-xalq, Vatan oldida hech 

qanday  ma`suliyat  sezmaslik  degani  emas.  Bu  insonlarga  o’z  kasbini  erkin 

tanlash,  o’zining  qobliyatiga  mos  ishni,  birovning  ta`siri,  ko’rsatmasi  bilan 

emas,  o’z  hohish-istagi  bilan  bajarishi  uchun  imkoniyat  ekanligini  bildiradi. 

Inson  uni  o’z  xalqi,  Vataning  ravnaqi  yo’lida  foydalanishni  ko’nglida  tugib 

ishlashi  lozim.  Uning  qo’li,  aql-zakovati  buyuk  bunyodkorlik  ishlariga 

yo’naltirilishi  muhim.  hayot  erkinligi  keng  ma`no  kasb  etadi.  Uni  jamiyat 

miqyosida  ko’rganda:  mulk  xilma-xilligi,  bozor  iqtisodi  bilan  bog’liq  erkin 

raqobat,  siyosiy  institutlar  fikrlar  xilma-xilligi    ham    ijtimoiy  hayotning 

asoslarini  erkinlik  tamoyiliga  qo’yilganligini  bildiradi.  Erkin  hayot  degani  bu 

raqobatga  kirisha  olish  imkoniyatidir.  O’z  salohiyatini  yuzaga  chiqarish  uchun 

baxslashish,  o’zligini  namoyon  eta  olish,  bunyodkorlik  yo’lida  orzu-

maqsadlarga  etishish  uchun  yashash,  shunga intilish,  xohish-istak  sezishdir.  

 

Bugun O’zbekiston yoshlari mustaqillik tufayli dunyoning  turli  joylarida 

o’qiyapti, ishlayapti. Ular orasida hizmat vazifasini bajarib yurganlar bilan birga 

turli  sohalarda  faoliyat  yuritayotgan  tadbirkorlar,  ishbilarmonlar  ham  ko’plab 

topiladi.  Shubhasiz,  bu  katta  imkoniyat.  Bu  imkoniyatdan  yoshlarimiz 

O’zbekiston  uchun,  o’z  xalqi,  Vatanining  kelajagi  uchun  foydalanishni 

ko’ngillariga  tugub  olganlari  ko’p.  Lekin  afsuski,  bu  imkoniyatni  boshqa 

maqsadlar  yo’lida  foydalanib  yurgan  ayrim  yoshlar  ham  topiladi.  Yaqinda 

―O’zbekiston  televideniyasi  orqali‖  bir  jurnalistning  horijda  bo’lib,  u  yerda 

tahsil  olayotgan  O’zbekistonlik  ayrim  yoshlar  bilan  uchrashgani,  ta`surotlari 

yozilgan  ko’rsatuvni  tomosha  qildim.  Shunda  Vatandan  tashqarida  tahsil 

olayotgan  yoshlarga  qarata,  hayrlashish  oldidan,  ertaga  O’zbekistonga 

qaytishini,  Vatanlariga  qanday  istak  va  fikrlarning  borligini  so’raganlarida, 

aksariyatlarini  bir-birlariga  qarab,  ―hech  qanday  gap  yo’q‖  deganday  ma`nosiz 

---

 

34 

bir  kayfiyatda  o’zlarini  tutishlari,  kishida  taajjub  tuyg’ularini  uyg’otmasdan 

qolmaydi.  

 

Bugun  qaerda  o’qimaylik,  yoki  ishlamaylik,  qanday  mehnat  faoliyati, 

yo’nalishda  band  bo’lishimizdan  qat`iy  nazar,  uning  samarasidan  ko’zlangan 

maqsad  O’zbekistonning  istiqboli  va  istiqloliga  hizmat  qilishi  kerak.  Buning 

uchun  esa  qalbimizda  ana shu  Vatan va halqimizga bo’lgan ishonch va e`tiqod 

qancha  mustahkam  bo’lsa,  shuncha  unga  hizmat  qilgan  bo’lamiz.  SHunda  biz 

―qaerda  yashash  yahshi  bo’lsa  shu  erni  Vatan‖  deb  emas,  tug’ilib  o’sgan, 

halqimizning  taqdiri  bilan  taqdiri  tutash  bo’lgan  Ona  Vatan  -  O’zbekistonni 

Vatan deb bilamiz. Vatan yagona va bitta bo’ladi.                                                                                                                                                             

Bugungi  kunda  yurtboshimizning  uzoqni  ko’zlagan  yoshlar  siyosatining 

hayotiyligi o’zining  tasdig’ini  topmoqda.  Malakatimiz  fuqarosi  o’zbek  o’g’loni 

Rustam  qosimjonovning  Liviyaning  poytahti  Tripoli  shahrida  o’tkazilgan 

shahmat  bo’yicha  jahon  chempionatida  barcha  raqiblari  ustidan  g’olib  kelib, 

jahon  tojiga  ega  bo’lganligi  bunga  yorqin  misol  bo’la  oladi.  Albatta.  Bu  kabi 

olamshumul  g’alabalar  ozod  Vatanga  munosib  farzand  bo’ladigan  har 

tomonlama  etuk  avlodning,  millat  sha`ni  va  g’ururini  himoya  qila  oladigan 

iste`dodli,  sog’lom,  aqliy  va  jismoniy  salohiyati  bilan  o’z  mamlakatining 

shuhratini 

yanada 

oshirishga 

tayyor 

bo’lgan  yosh  avlod  ulg’ayib 

kelayotganining  dalilidir.  «Yurtimiz  hayotidagi  bu  tarixiy  voqea  -  deyiladi 

Prezident  I.A.Karimovning  shahmat  bo’yicha  jahon  chempioni  Rustam 

Qosimjonovga  yuborilgan  tabrigida  -  mustaqillik  odamlarimiz  uchun,  avvalo 

yosh  avlod  uchun  naqadar  katta  imkoniyatlar  ochib  berganini,  bizning  hech 

kimdan  kam  emasligimiz  va  hech  kimdan  kam  bo’lmasligimizning  yana  bir 

amaliy tasdig’idir». 

Darhaqiqat,  kelajakka  yo’naltirilgan  milliy  istiqlol  g’oyasining  hayotiyligi 

mana  shu  kabi  natijalar  bilan  o’z  tasdig’ini  topib  boraveradi.  Zero,  barkamol 

avlod  tarbiyasi  milliy  istiqlol  g’oyasining  maqsadlaridan  biridir.  Mustaqillik   

mohiyati   va   ahamiyatini sarhisob  qiladigan bo’lsak, bu ijtimoiy o’zgarishda 

yoshlarning  o’rni  muhim.  Mustaqillik  tufayli  yoshlarning  dunyoqarashi 

---

 

35 

o’zgardi.  Ularning  g’urur,  oriyat,  sha`n  va  nomus  tuyg’ulari  kuchaymoqda. 

Hayotga  va  mehnatga  munosabati,  Vatanga,  ona  zaminga  mehri,  egalik  va 

mas`uliyat  hissi  kuchaydi.  Bir  so’z  bilan  aytganda  yoshlar  o’zligini  anglay 

boshladi.  Qanday  zaminda  yashayotganimizni  his  qilish,    umuminsoniy 

qadriyatlarga  intilish  bilan  birga,  Sharq  falsafasi,  o’zbekona  tafakkur  nuri 

barchaning  dilidan  o’rin  ola  boshladi.  Milliy  an`analarimiz  va  udumlarimizni 

tiklash  va  rivojlantirish  tamoyili  kuchaydi.  Islom  dinimizni  qadrlash 

ma`naviyatimizni  yangi  ma`nolar  bilan  to’ldirishga  olib  keldi.  Ulug’ 

bobokalonlarimiz  madaniy  hazinasiga  haqiqiy  vorislik  qila  boshladik.  Ulardan 

faxrlanish    imkoniyatiga    ega  bo’ldik.  Yurtimizda  yashayotgan  barcha  millat, 

elat  vakillarining  tinch-inoq  yashashi  uchun  sharoit  yaratildi.  Bundan  yoshlar 

bahramand bo’lmoqda. 

Yangi  jamiyatning    maqsad  va    ideallariga  binoan  yangi  avlod 

dunyoqarashi  shakllanmoqda.  Yangi  jamiyatning  qaror  topishi  va  rivojlanishi, 

o’z  navbatida,  ma`naviy  yangilangan,  rivojlangan  va  shakllangan  avlodlar 

ruhining poklanishini ham taqozo etmoqda. Yangi jamiyat avval millat orzusida, 

qalbida  pishib  yetiladi.  So’ngra  u  ob`ektiv  reallikka  aylangan,  keng 

jamoatchilikning  hayot  va  taraqqiyot  tarzini  ifodalovchi  g’oya  tarzida  qaror 

topdi.  Huddi  shu  jamiyat  etishtirgan  kishilar,  keng  jamoatchilikning  ilg’or 

dunyoqarashi  va  tafakkuriga  zarurat  sezadi.  Bir-birini  taqozo  etuvchi  va  bir-

birining  taraqqiyotini  belgilovchi  g’oyaviy  omillar  mushtarakligi  jamiyat  va 

mamlakatning  milliy  manfaatlari  va  istiqbolini    kafolatlovchi  kuchlardir.  Ana 

shu  ma`noda  respublikamizda  qaror  topayotgan  fuqarolik  jamiyatini  va  bu 

jamiyatda    istiqomat  qiluvchi  yoshlarning  ongini,  dunyoqarashini    o’zgartirish 

va  insoniylashtirish  maqsadida  nihoyatda  ko’p  va  ho’p  ijtimoiy-tarixiy  chora-

tadbirlar  ko’rilmoqda.  Inson  erkinligi  va  ozodligini  ta`minlovchi  o’zbekiston 

Respublikasining Konstitutsiyasi qabul qilindi. Qator universitetlar tashkil etilib, 

o’quv  tizimimizda  jahon  andozalari,  tarbiya  yo’nalishida  ma`naviy 

merosimizning eng ilg’or va insonparvar tamoyillari asos qilib olindi. Davlat va 

jamiyat  qurilishi  masalalarini  o’rganish  yuksak  malakali  rahbar  kadrlar 

---

 

36 

tayyorlash maqsadida O’zbekiston Respublikasi Prezidenti huzuridagi davlat va 

jamiyat  qurilishi  Akademiyasi  tashkil  etildi.  Vatanimizning  qurolli  Kuchlari  va 

havfsizligini  mustahkamlash,  fuqarolarning  o’z  uyi  va  ish  joylarida  tinch-

hotirjam  bo’lishlari  bo’yicha  chora-  tadbirlar  belgilandi;  ta`lim  tizimimizdagi 

islohotlar zamonaviy litsey va kollejlar ta`sis qilinishiga olib keldi; yoshlarning 

bilim  va  salohiyatlarini  yuksaltirish  maqsadida  «Ulug’bek»,  «Umid»,  «Ustoz» 

yoki  keyinchalik  «Iste`dod»  jamg’armalari  tuzildi;  o’zbekiston  Respublikasida 

umumiy  o’rta  ta`lim,  o’rta  mahsus,  kasb-hunar  ta`limni  tashkil  etish  chora-

tadbirlari  ishlab  chiqildi  va  bular  o’zbekistonda  kadrlar  tayyorlashning  Milliy 

dasturining  bo’lishiga olib keldi; Badiiy Akademiyaning tashkil etilishi, Imom 

Ismoil  Buxoriy,  Amir  Temur,  Bobur,  Ulug’bek,  Bahouddin  Naqshband,  al-

Farg’oniy, Moturidiy, Ho’ja Ahror-Vali kabi milliy madaniyatimiz darg’alariga 

bag’ishlangan  tantanalar,  qurilgan  majmualar  yangi  jamiyatning  amalga 

oshirayotgan  real    ma`naviy  ishlaridir.  Ular  yangi  jamiyatning  kuch-qudratidan 

nishona  bo’libgina  qolmay,  milliy  ong  va  yangi  dunyoqarash  shakllanishida 

yoshlarda  milliy  g’ururni  mustahkamlashda  ham  juda  katta  ahamiyat  kasb 

etmoqda

6

. 

Yoshlarning ongi va tafakkuri o’zgarib, yangilanib bormoqda. Tafakkur va 

ongimizda  mustaqillik  g’oyalari  mustahkamlanmoqda.    Dunyoni,  o’zimizni  va 

o’zligimizni  anglash  imkoniyati  qo’lga  kiritildi.  Bu  yoshlar  tafakkurini 

mustaqillik tafakkuri talablariga mos shakllantirmoqda. 

Mafkuraviy  tahdid  yuzaki  qaraganda  birdan  va  bevosita  ko’zga 

tashlanmasligi  mumkin.  CHunki,  mafkura  inson  ongi,  tafakkurida  shakllanadi. 

SHunga  binoan,  ongni,  tafakkurni  tahlikaga  soluvchi  har  qanday  tahdidlarning 

oldini olish, ularga yo’l qo’ymaslik zarur. 

Tinch  va  osoyishta  mehnat  qilib  yashashga  da`vat  etuvchi  milliy  g’oyaga 

tahdid  solishi  mumkin  bo’lgan  o’rta  asrlarda  mavjud  bo’lgan  musulmon 

halifaligini  tiklashni  o’z  oldiga  maqsad  qilib  qo’ygan  muayyan  tashkilotlar 

                                                 

6

 I.A.Karimov ―Barkamol avlod -O’zbekiston taraqqiyotining poydevori‖ T:, 1999 yil 

O’zbekiston  

---

 

37 

mavjudligi,  ular  katta  mablag’  va  mafkuraviy  ta`sir  vositalariga  egaligini  va 

ularning  niyati  yagona  mafkuraviy  makon  barpo  qilib,  islom  dinini 

siyosiylashtirish va shu asosda hukmronlik qilish, hokimiyatni qo’lga kiritishga 

harakat  qilmoqda.  Ular  musulmonlar  yashaydigan  mamlakatlar  o’rtasida  hech 

qanday  ma`muriy  chegaralar  bo’lmasligi  kerak.  Bu  davlatlarning  barchasi 

yagona halifalik markazi tomonidan boshqarilishi zarur degan g’oyalarni yoshlar 

ongiga tiqishtirishga harakat qilmoqdadir. Bunday ekstremistik harakatlar orqali 

musulmon  oilalarining  yosh  farzandlari  ongi,  dunyoqarashini  zabt  etishga, 

pirovardida milliy g’oya, milliy mafkura tushunchalari o’rnini o’rta asr ruhidagi 

islom  aqidalari  bilan  to’ldirishga  harakat  qilmoqdalar.  Ayni  paytda  diniy 

ekstremizm,  vahhobiychilik  va  «hizbi  tahriri  islomiya»  qarashlarini  inkor  etish 

islom  falsafasi,  islom  dini  va  uning  inson  ma`naviyatini  poklantirish  yo’lidagi 

g’oyalariga  qarshi  chiqish  degan  gap  emas.  Xalqimizning  e`tiqod  qo’ygan, 

tinchlik  va  osoyishtalikni  yuksak  qadrlovchi  xaqiqiy  islom  ta`limotiga  hech 

qanday e`tirozi yo’q. Biroq dindan siyosiy maqsadlarda foydalanishga intilish bu 

boshqa masala. Siyosiy maqsadlar, demokratik tamoyillar va jarayonlarning o’z 

yo’li, qonun-qoidalari mavjud. 

Fuqarolik  jamiyatida,  dunyoviy  jamiyatda  har  kim  o’z  ishini  qilishi, 

shug’ullanishi,  shuningdek  «din  dinning  ishini,  davlat  davlatning  ishini  qilishi 

kerak.  Davlat  diniy  masalalarga  aralashmaganiday,  din  ham  davlat  ishlariga, 

siyosiy  jarayonlarga  aralashmasligi  kerak.  Agar  yoshlarimiz  orasida  o’z 

mamlakatida  diniy  qadriyatlarning  rivoji,  ma`naviy  yuksalishning  jamolini 

ko’rishga hayrihohlar bo’lar ekan, ular birinchi navbatda zamon farzandi, milliy 

g’oya  va  milliy  mafkura  egasi  bo’lgan  bilimdon  va  ma`rifatli  inson  bo’lmog’i 

lozim.  Ular  azaliy  va  abadiy  ma`naviy  qadriyatlarimizdan    uzilmagan  holda 

zamonaviy tafakkur darajasidagi bilim va idrokka ega bo’lishlari kerak. 

Milliy  g’oya,  milliy  tafakkur  va  milliy  mafkura  yo’lida  yoshlar  qanchalik 

birlashsa,  jipslashsa  jahon  xalqlari  ko’z  o’ngida  kuchimiz,  mavqeimiz  va 

o’rnimiz shunchalik baland ko’tariladi. Biz boshqa davlatlarga suyalib, boshqa 

davlatlarni  panoh  tutib,  ularning  etagidan  ushlab  yuradigan  davlat,  xalq 

---

 

38 

emasmiz. Mustaqil siyosat, mustaqil tafakkur va mustaqil harakatlargina doimo 

boshqalarda hurmat va e`tibor uyg’otgan. Mute`lik, tobe`lik mevasi har qanday 

sharoitda  millatning  rivojlanishiga  yo’l  bermaydi.  o’zimizning  kuchimiz, 

qudratimiz,  o’zimizning  maslagimiz  va  o’zimizning  ongimiz  tufayli  biz  buyuk 

davlatga  erishamiz.  hozirgi  sharoitda  kimda  kim  o’z  mustaqil  Vatani,  o’z 

mustaqil fikri, mustahkam e`tiqodi bo’lsagina tenglar ichida teng bo’ladi. 

Hozirgi  davr    uchun  dolzarb  va    asosiy  hisoblangan  milliy  g’oya  

tamoyillari  millat  tarixi  va  uni  idrok  etish  darajasiga  bog’liq  bo’ladi.  Chunki 

milliy  g’oya  osmondan    tushmaydi,  u  erda  yurgan  odamlarning    qalbida, 

shuurida  etilib,  shu  yer,  shu  zamin,  shu  Vatan  xizmati  uchun  qaratilgandagina 

uning ahamiyati va mavqei ham ortib boradi. 

Milliy  mafkuraning  yoshlar  ongi  va  tafakkuridan  chuqur  o’rin  olganiga 

asosiy mezon shu aziz Vatanimiz, shu aziz xalqimiz qadriyatlari barchamizniki, 

bu Vatan, bu millat uchun yashash va uning istiqboli uchun halol va pok mehnat 

qilish baht ekanligini his qilishdir.        

Milliy g’urur va milliy or-nomus 

Muayyan   davrdagi   milliy  g’oya,  milliy mafkura,    ya`ni    jamiyatning    

asosiy maqsadini ideallar, demokratik tamoyillar bilan uyg’unlashtirish masalasi 

ham  juda  muhimdir.  Bu  jarayon  millatni  o’z  qobig’ida  o’ralashib  qolish 

havfidan  ozod    etadi,    unga    jahon  miqyosida    tafakkur    yuritish  imkoniyatini 

beradi.  Insoniyat  uchinchi  ming  yillik  tsivilizatsiyasida  shunday  taraqqiyot 

yo’lini qo’lga kiritdi.  Xar  bir millat  va  mamlakat taqdiri  insoniyat  istiqboliga 

dahldor bo’lib  qoladi. Davrimizning bunday o’ziga hos  va  murakkab ijtimoiy-

tarixiy  jarayonlarini  unutish  aslo  mumkin  emas.  Insonning  o’z  millati  hamda 

Vatani,  shuningdek,  insoniyat  oldidagi  mas`uliyati  va  burchini  har  bir  yosh 

avlodga  singdirish,  yoshlarda  vatanparvarlik  tuyg’ularini  insonparvarlik 

tamoyillari bilan uyg’un kamol toptirish zaruriyatini yanada kuchaytirmoqda. 

XXI asrda yashayotgan bugungi yoshlarimizning ma`naviyati ana shunday 

keng  va  chuqur,  sof  va  beg’ubor  bo’lmog’i  darkor.  To’g’ri,  ma`naviyatdek, 

inson  va  jamiyat  hayotining  barcha  jabhalarini  qamrab  oluvchi  tushunchaning 

---

 

39 

aniq  va  mutlaq  falsafiy  mezonini  belgilash  qiyin.  Lekin,  bu  degan  so’z 

ma`naviyatning  shakllanish  va  yuksalish  me`yorlarini  ko’rib  bo’lmaydi,  degan 

gap  emas.  Butun  jamiyat  miqyosida  olib  borilayotgan,  inson  ruhiyatini 

poklantirish  va  dadillashtirish  bilan  bog’liq  barcha  ishlar  uning  qanchalik  katta 

natijalar  berayotganidan  dalolat  beradi.  Mustaqillikkacha  bo’lgan  tushuncha, 

tasavvur  hamda  kechinmalarimizdan  bugungi  ruhimiz,  ma`naviyatimiz  naqadar 

katta  farq  qilishi  hammaga  ayon.  Buni  har  kim  o’ziga  o’zi  beradigan  «Kecha 

kim edigu bugun kim bo’ldik?» degan javobdan anglab olsa bo’ladi. 

Yoshlar  ma`naviyatini  oshirish  masalalarining  birlamchi  yoki  ikkilamchi 

vazifalari  yo’q.  Ularning  barchasi  bir  yo’la  hamda  doimiy  diqqat-e`tibor  va 

hushyorlik  markazida  turmog’i  kerak.  Shuning  uchun  ta`lim-tarbiya,  bilim  va 

dunyoqarashga  katta  ahamiyat  berilmoqda.  Bola  tarbiyasi  beshikdan 

boshlaganidek,  ma`naviy  barkamollik  ibtidosini  ham  oila,    bog’cha,    maktab, 

oliy  o’quv  yurtlari    va  hokazo  maskanlardan  boshlanadi.  U    kechiktirilsa,  egri 

ko’chatni  sindirmasdan    to’g’rilash  qanchalik  qiyin  bo’lsa,    ma`naviy  

kamolaltga erishish ham shunchalik kechikadi,  yo og’ir kechadi. 

Biz  bugun  fuqarolarning  erkinligi  va  mustaqil  tafakkuriga  asoslangan 

jamiyat  qurayotgan  ekanmiz,  yoshlarimizga  jamiyatda  mutlaq  erkinlik 

bo’lmasligini,  mustaqil  fikrlash  mas`uliyatsizlik  va  burchni  unutish  emasligini 

tushuntirib  borishimiz  zarur.  Fuqaro  erkinligi  yangi  ijtimoiy  tuzum  tomonidan 

kafolatlansa-da, fuqarolarning jamiyat  manfaatlariga mos kelmaydigan mutlaqo 

erkin  hatti-harakatlarining  kafolati  emas.  «Men  mutlaqo  erkin  fuqaroman, 

mustaqil  tafakkurli  insonman,  bilganimni  qilaman»  qabilida  yashash  tarzini 

o’zgartirish insonning ijtimoiy va milliy mohiyatiga zid aqidadir. 

SHu o’rinda O’zbekiston Respublikasi Prezidentining 2004 yil 25 maydagi 

«O’zbekiston  hotin-qizlar  qo’mitasi  faoliyatini  qo’llab-quvvatlash  borasidagi 

qo’shiimcha chora-tadbirlar to’g’risida»gi Farmoni va 21 iyun kuni Oqsaroyda 

ushbu  Farmonda  belgilangan  vazifalarni  hal  etish  yo’llariga  bag’ishlangan 

majlisda ta`kidlanganidek, «Yoshlar o’rtasida  diniy  ekstremizm,  aqidaparastlik, 

giyohvandlik  kabi  illatlarning  oldini  olishda,  farzandlarimizni  bunday  balo-

---

 

40 

qazolardan  asrash  uchun  kurashda,  doimo  sezgir  va  ogoh  bo’lib  yashashda 

hokimliklar,  vazirlik  va  idoralar,  hususan,  Oliy  va  o’rta  mahsus,  xalq  ta`limi 

vazirliklari,  Din  ishlari  bo’yicha  qo’mita,  «Kamolot»  yoshlar  ijtimoiy  harakati, 

«Oila» markazi, keng jamoatchilik, barchamiz ma`sulmiz»

1

. 

Shuning  uchun  yoshlar  tarbiyasi  va  bu  tarbiya  zaminida  ularning 

ma`naviyatini  harakatga  keltiruvchi  mustaqillik  g’oyalari,  milliy  qadriyatlarni 

asrab-avaylash  va  rivojlantirish  tuyg’usi,  Vatan  istiqboli  yo’lida  halol  va  pok 

mehnat qilish  singari  milliy  mafkuraning  o’zak  tomirlarini  singdirish yotadi. 

Mustaqillik  davri  yoshlari  ana  shunday  xalqimizning    XXI  asrdagi  buyuk 

bunyodkorlik  ishlariga  o’zlarini  safarbar  aylaydigan  fidoyi  inson  bo’lib 

yetishayotganini  hayotning  o’zi  isbotlab  bermoqda.  Ular  umuminsoniy 

qadriyatlarni  ijodiy  o’rganib,    zamonamizga  tatbiq  etgan  holda,  milliy  o’ziga 

hosligimizni,  asrlar  sinovidan  o’tgan  an`analarimizni,  hamisha  imon-e`tiqod 

bilan  yashash  singari  hayotiy  tamoyillarimizni  ham  saqlab,  yuksaltirib  borgan 

holda bunday sharafli ishlarni bajarishga harakat qilmoqdalar. 

Bugun  yoshlar  mustaqillik  tufayli  «or»,  «andisha»,  «nomus»,  «vijdon», 

«insof»,  «g’urur»  kabi  tushunchalarning  xaqiqiy    ma`nosini    anglab 

yetmoqdalar. 

Or. Or-bu nomunosib yoki ep ko’rilmagan ishdan, narsadan hijolat tortish, 

uyalish,  uyat  va  nomus  qilish  tuyg’usidir.  Bundan    tashqari,  o’z  o’rnida  hazar 

qilish  yoki  bo’lmasa,  obro’-e`tibor,  fahrlanish  ma`nolarini  ham  bildirishi 

mumkin. 

Andisha.  Andisha  -  bu  oqibatini  o’ylab  yoki  yuz-hotir  qilib  yuritilgan  

mulohaza,  ehtiyotkorlik  hissidir.  Andishali  odam  deganda,  oqibatini  o’ylab  ish 

qiladigan,  yuz-hotirni  biladigan,  or-nomusli,  sharm-hayoli,  iboli  insonni 

tushunamiz.  Odatda  andishali  odam  betgachoparlik  qilmaydi,  farosat  bilan  ish 

tutadi. 

                                                 

1

  Xotin-qizlar  qo’mitalari  ayollar  manfaatini  xaqiqiy  ifodachisi  va  himoyachisiga  aylanishi  kerak. 

«Xalq so’zi», 2004 yil 23 iyun. 

---

 

41 

Nomus.  Nomus  -  bu  iffat,    bokiralik  ma`nolaridan  tashqari  kishining  o’z 

mavqeini  saqlash,  ulug’lash  va  ardoqlash,  hijolat  tortish  tuyg’ularini,  oila  va 

ajdodlar  sha`niga  dog’  tushirmaslik  ma`nosini  ham  ifodalaydi.  Odatda  nomusli 

odam  ma`naviy  qadriyatni  moddiy  boylikka  alishishni  o’ziga    ep  ko’rmaydi. 

qonun  taqiqlay olmagan narsalarni goho nomus taqiqlay oladi, degan naql ham 

bor xalqimizda. 

Vijdon. Vijdon - bu kishining kundalik faoliyati, qilmishi, fe`l-atvori uchun 

oila,  jamoat,  jamiyat  va  Vatan,  millat  oldida  ma`naviy  mas`uliyat  his  etishdir. 

Shu  yuksak  ahloqiy    ushuncha  shaxsni    ijobiy  hatti-harakatlarga  undab  va 

shunga  moyil  qilib,  o’z  faoliyatiga  o’zi  baho  berishga  olib  keladi,  bularga 

qarashlik  bildiradi;  o’z  faoliyatining  yaxshi  tomonlaridan  qanoatlanib,  hursand 

bo’lsa, yomon tomonlaridan norozi bo’lib, ruhan eziladi, ya`ni  vijdon azobiga 

uchraydi. Vijdon tug’ma  hislat deyuvchilar ham bor. Vijdon kishilarning yashab 

turgan  sharoitiga,  olgan  ta`lim-tarbiyasiga  bog’liq,  deb  hisoblovchilar  ham 

mavjud.  Vijdon  ko’p  yoki  oz  bilimlilikka,  boy  yoki  kambag’al  bo’lishlikka, 

oddiy yoki mashhurlik bilangina bog’liq emas. 

Insof.    Insof  -  bu  adolat  va  vijdon  amri  bilan  ish  tutish  tuyg’usi  va 

qobiliyati, ishda, kishilarga munosabatda halollik, to’g’rilik, barobarlik, tenglik, 

sofdillik  va  haqiqatgo’ylikdir.  o’zgani  o’z  o’rniga  va  shuningdek,  o’z  o’rniga 

o’zgani  hayolan  qo’yib  ko’rish  ham  insofga  kiradi.  To’q  ochni,  boy 

kambag’alni,  bahtli  baxtsizni,  tolei  baland  tolei  zabunni,  omadli  omadsizni, 

sog’lom  bemorni  o’z  o’rniga  qo’yib  ko’rolsa  va  aksincha  ham  huddi  shunday 

bo’lsa,  insoflilar safi kengayib boradi. 

Insof  tushunchasi  Sharq  falsafasida  shunday  talqin    etiladi.  Insof  -  bu 

kishining  muayyan  jamiyatning  ahloq  me`yori    nuqtai  nazaridan  o’z  hulq-

odobini  tartibga  solishi  va  ahloqiy  baholashidir.  Insof  vijdonli  odamning  yoki 

ma`lum  jamoatning  jamiyatga  yoki  boshqa    kishilarga  nisbatan  o’z  hulq-atvori 

uchun ma`naviy javobgarlik hissidir. Agar kishi biror ishni to’g’ri bajarsa, unda 

ichki  qoniqish  paydo  bo’ladi,  vijdon  pok  bo’ladi,  atayin    noto’g’ri    bajarsa, 

---

 

42 

insofdan  chiqqan  bo’ladi.  Insof  kishini    biror  ishni  qilishga  undasa  yoki 

qilishdan tortsa, bunda u qalb  amri tarzida bo’ladi. 

Muayyan  kishining    hox  shaxsiy  ijtimoiy  hulq-atvorida  uchragan  har 

qanday  soxtalik,  har  qanday  munofiqlikni  jamoa  insofsizlik  sifatida  qattiq 

qoralaydi.  Xullas,  insof  kishining  jamiyat  oldida,  tevarak-atrofidagi  kishilar 

oldida o’z hatti-harakati bilan ma`naviy mas`uliyatini his etishining ifodasidir. 

G’urur.  Ona  tilimiz  asrlar  bo’yi  halqimiz  tomonidan  zargarona  sayqal 

berilib,  shunday  mukammal  qilib  yaratilganki,  u  orqali  har  qanday  ma`no  va 

tushunchalarni, ularning eng nozik va harir jihatlarigacha aniq va tiniq ifodalash 

mumkin.  YA`ni  necha  ming  yillar  davomida  xalqimiz  ongi    to’lishib 

boravergan,  unda  hosil  bo’lgan  tushunchalarni  o’z  tub  so’zlarimiz  bilan  ham, 

o’rnida  jahon  tillariga  oid  so’zlar  bilan  ham,  yangi-yangi  so’zlar  yaratish 

vositasi  bilan  ham  ifodalangan.  Shu  tariqa    til  bisoti  boyib  kelgan.  Tilimizdagi 

g’urur,  faxr  va  iftihor  so’zlarini  olib    ko’raylik.  Bular  bir-biriga  yaqin 

ma`nolarni  anglatsa-da,  ayni  bir  paytda  bir-biridan  muayyan  darajada 

farqlanuvchi tushunchalarni ham bildiradi. 

Shaxs    g’ururi  -  bu  fahrdir.    Har  bir  shaxs  o’zining  yutuqlaridan 

mamnuniyat  hissini  tuyadi.  Ota-ona  qobil  farzandlaridan,  ustoz  iste`dodli 

shogirdidan,  yozuvchi    yahshi  asaridan,    bog’bon  so’lim  bog’idan,    millat  o’z 

merosi, iste`dodli farzandlari bilan faxrlanadi  va hokazo. 

Inson  o’z  kuchiga  ishongan  va  bu  bilan  farhlana  olgan  taqdiridagina  biror 

narsaga erisha oladi. Bu qadr-qimmatini anglash aqlli odamni yanada kamtarin, 

yanada sabotli qiladi. Kishi uchun o’z qobiliyatidan ortiq darajada g’ururlanish 

ham,  o’z-o’zini    yerga  urish  ham  yaramaydi.  o’z-o’zligicha  qola  bilgan 

odamning g’ururi bus-butundir. 

o’ziga  ortiqcha  bino  qo’ymoq,  gerdaymoq,  kekkaymoq,  dimog’dorlik 

qilmoq  bular  takabburlikka  kiradi.  hadisi  SHariflarda  aytilishicha,  Alloh  eng 

yomon  ko’rgan  narsalardan  biri  takabburlikdir.  hatto  masjidga  gerdayib  kirgan 

odamning namozi qabul bo’lmas ekan. «Manmanlik zavolga, kamtarlik kamolga 

yetkalaydi»,  degan  naql  shunga  ishora  bo’lsa  kerak.  Kishi  shunday  yashashi 

---

 

43 

joizki,  uning  yutuqlaridan  o’zi  ham  g’ururlansin,    lekin  undan      ko’ra  ko’proq 

oila a`zolari,  hesh-aqrabolari, mahalla-kyi, qolaversa, butun  mamlakati, millati  

faxrlansin,  faxrim  deb  e`zozlasin. 

Albatta  bu  tushunchalar  alohida  mazmunga  ega  bo’lish  bilan  birga,  ular 

me`yorga  ham  amal  qiladi.  Bunday  inson  qalbi  bilan  bog’liq  sifatlar  insonni, 

yoshlarni  milliy  g’oyaga  ishonch  va  e`tiqodni,  unga  amal  qilishni 

mustahkamlaydi  ezgulikka  xizmat  qiladi. 

Yoshlar ruhiyatida milliy g’urur va milliy iftihor fazilatlarining zarurligi 

Milliy    g’urur  -  bu  milliy    iftihordir  Milliy    iftihor  millat    o’zini    yahlit 

ijtimoiy        birlik        ekanligini      ongli  ravishda    his    qilishidir.  Bu  shunday  bir 

kuchli  ruhiy  holatki,  u  tufayli  tarixiy  birlik,  qon-qarindoshlik,  til,  madniyat, 

ma`naviyat,  iqtisodiy  hayot  va  kelajak  birligi  millat  vakillarining  qalbidan 

chuqur o’rin oladi.  

Milliy birdamlik tuyg’usi milliy ongning negizidir. Milliy birdamlik yetuk 

va  mukammal  ma`naviy  fazilat  sifatida,  milliy  ongi  rivojlangan  millatlarda 

to’laroq  namoyon  bo’ladi.  Mahalliychilik  va  guruhbozliklar  milliy  birdamlik 

hissiyotining  kuchsizlanishiga  olib  keladi.  Milliy  iftihor  millat  ma`naviy 

kamololotining  barcha  jihatlarini,  merosi  va  bugungi  qadriyatlarni  o’z  ichiga 

oladi.  Milliy  istiqlol  natijasida  erishilgan  va  erishilajak  iqtisodiy  va  ma`naviy 

yutuqlar  ko’paygani  sari  o’zbekiston    bilan    fahrlanish  hissi  kuchayib 

boraveradi.  Milliy  iftihor  mamlakatimizning  barcha  fuqarolari  uchun  birdek 

tegishli va uning yuksala borishi uchun barcha fuqarolar barobar mas`uldirlar. 

Har    bir  millat  o’zining  yutuqlaridan  mamnuniyat  va  quvonch  hissini 

tuyadi.  Ota-ona  qobil  farzandlaridan,  ustoz  iste`dodli  shogirdlaridan,  yozuvchi 

yaxshi  asarlaridan,    yurt  rahnamosi    o’z  halqining  buyuk  alloma  va 

qahramonlari,  fidoyi va zahmatkash  mehnatsevar  xalqidan  fahrlanadi. 

Milliy  g’urur  yoshlarni  o’z  kuchi,  qobiliyati  va  iste`dodini  milliy  va 

umuminsoniy  manfaatlar  yo’lida  safarbar  qilishga  chaqiradi.  o’zbek  xalqining 

yuksak milliy qadr-qimmati, or-nomusi va shon-sharafi uning o’ta mehribonligi 

va sof  vijdonligiga  asoslangandir.  

---

 

44 

Shuning  uchun  ham mamlakatimizning qanchalik tez ulg’ayishi ijtimoiy-

iqtisodiy,  madaniy-ma`naviy va siyosiy zaminining tobora mustahkam bo’lishi, 

avvalambor  yoshlar  milliy  ongining  o’sishi,  o’z-o’zini  anglashi,  ma`naviy 

saviyasi,  milliy  g’ururi  va  faxri  nechog’lik  yuksak  bo’lishiga  bog’liq.  Uning 

negizida ma`rifatli bo’lish yotadi. 

O’zbekistonliklar  azaldan  mehnatkashligi,  buyuk  yaratuvchilik  quvvatiga 

ega  ekanligi,  hamisha  ezgulikka  intilib  yashashi,  insonga  hos  ibratli  fazilatlari 

bilan ajralib turadi. O’z taqdiriga va o’zgalar taqdiriga befarq qaray olmaydigan 

halqimiz  bir-biriga  suyanib,  hamdard  va  birodar  bo’lib  yashaydilar.  o’z  xalqi 

bilan  birga  qo’shni  xalqlar  yutuqlari  bilan  ham  fahrlanadi.  Milliy  o’zligini 

anglab  olishda  milliy  g’ururni  o’stirish  va  tarbiyalashda,  millatimiz  tarixini 

chuqur  va  har  tomonlama  holisona    va  ilmiy  asosda  o’rganish  muhim 

ahamiyatga  ega.  Milliy  iftihor  ham    g’urur  tuyg’usi    singari  milliy  ong 

mazmunining muhim omilidir. Milliy iftihor eng avvalo o’zligini anglash, milliy 

ravnaqni  ta`minlash  yo’lidagi  hatti-harakat,  o’z  millati  istiqboli  oldida 

mas`ullikning beqiyos namunasidir. Milliy o’tmishini yahshi bilgan, uni qadrlay 

oladigan va ayni paytda uni yangicha sharoitlar va holatlarda boyitib boradigan 

komil  insondir.  Aks  holda  milliy  iftihor    hissi  shunchaki  maqtanchoqlik 

vositasiga aylanib qolishi mumkin. Dunyoda 200 dan ortiq millatlar bo’lsa ular 

shuncha  hil  fe`l-atvoriga  egadirlar.  Shuning  uchun  ham  turli  mintaqada 

yashayotgan  xalqlar  turlicha    yashash    tarziga,  bir-biriga  o’hshamagan  urf-

odatlarga  ega  bo’lishadi.  Jumladan,    o’zbeklar  diyonat,    or-nomus,    sharm-

hayoni  ijtimoiy  hayotning  hamma  jabhalarida  muhim  fazilat    deb  qabul 

qilishgan.  Shunday  hislatlarga  egalarki,    ba`zan  bu  faqat    «o’zbekona  fazilat» 

deb yuritiladi.  

Millatga mansublik o’ta nozik va  ayni paytda juda murakkab holat. Kishi 

zarur  bo’lganda  hayotidagi  jamiki    ne`matlardan,  hech  og’rinmasdan,  voz 

kechishi  mumkin.  Biroq  hech  kim,  hech  qachon  milliy  mansubligidan 

tonolmaydi.  Uni  hohlagan  paytida    hohlagancha    o’zgartira  olmaydi.  CHunki 

millatga mansublik hislari  insonning  qon-qoniga, ming bir ho’jayrasiga singib 

---

 

45 

ketgan.  Buni  his    qila  olmaganlar  qalban  so’qir,    ma`naviy  kemtik  kishilardir. 

Ammo  millatga  mansubligi  bilan  faxrlanish boshqa, millatchilik boshqa. 

O’ziga  bino  qo’yib,  ortiq  baho  berish  hamma  vaqt  shahs  hayotini  ham, 

millat  istiqbolini  ham  inqirozga  olib  keladi.  Milliy  kibr,  o’zga  millatlarni 

mensimaslik,  kamsitish,  ohir-oqibatda  millatlararo  totuvlikka  rahna  soladi. 

O’zbekistonda mavjud barqarorlikning asosi shu zamin fuqarosi bo’lgan barcha 

millatlar  uchun  mamlakatlar  tarixi,  uning  asrlar  mobaynida  to’plagan 

qadriyatlari 

umumiy 

g’ururga 

aylanganligidir. 

«Shu 

aziz 

Vatan 

barchamiznikidir»,    «Bizdan  ozod  va  obod  Vatan  qolsin»  degan  da`vatlarning 

ma`naviy qudrati, ulkan umuminsoniy mazmuni ana shunda. 

Milliy  iftihor  tuyg’usining  yana  bir  jihati  shundaki,  u  yoshlarning  eng 

avvalo qaysidir millatga mansubligi, uning keng imkoniyatlaridan quvona olish 

fazilatigina  emas,  balki  yashab  turgan  zaminga,  fuqaroligiga  dahldor  bo’lgan 

mamlakatga  munosabat    belgisi  hamdir.  Milliy  iftihori  kuchli  bo’lgan  yoshlar 

o’z  mamlakati  bilan  fahrlana  oladi  va  uning  taqdiriga  befarq  qaray  olmaydi. 

Demak  bunday  xalq  o’z  istiqbolini  chuqurroq  anglaydi  va  unga  sidqidildan 

xizmat qiladi. 

Milliy  g’urur,  milliy  o’z-o’zini  anglash  bularning  hammasi  mazmun  va 

mohiyat jihatidan o’zaro aloqadorlikda bo’lib, bir-birini boyitadi, to’ldiradi, biri 

ikkinchisisiz mavjud bo’lmaydi. 

Shu  nuqtai  nazardan  qaraganda  mamlakatimizda  amalga  oshirilayotgan 

islohotlarning  samarasi  bevosita  millati  va  elatidan  qat`i  nazar,  aholi  turli 

tabaqasining 

umumiy 

manfaatlariga 

mos 

keladigan 

maqsadlar 

mushtarakligidadir. 

Milliy  g’ururning  o’sib,  rivojlanib  borishi  murakkab  jarayon.  hozirgi 

davrda  yoshlarda  milliy  g’ururning  o’sib  borishi  uchun,  birinchi  navbatda, 

millatimiz  madaniyati  va  qadimiy  merosi,  tili,  an`analari,  urf-odatlarini, 

millatimiz qadriyatlarini, uning hozirgi bosh maqsadlarini tushunishlari va bilib 

olishlari kerak. 

---

 

46 

O’tmishini  bilmagan  va  e`zozlamagan  xalqning  kelajagi  yo’q.  O’tmish 

bizlar  uchun  ham,  boshqa  xalqlar    uchun  ham  allaqachon  qaytmas    bo’lib 

ketgan,  ko’z  o’ngimizdan  olislashgan,  tarix  mulkiga  aylangan  davrdangina 

iborat  emas,  balki  ahamiyati  hech  qachon  yo’qolmaydigan  tag  zamin,  o’q 

ildizimizdir    o’tmish bizning tayanch nuqtamiz  ekaniga shubha  yo’q.  Agar  ana 

shu tayanch nuqtaga, ma`naviy poydevorga suyanmasak, o’tmishimizdan kuch-

quvvat, ruhiy-ma`naviy ozuqa olmasak olg’a tomon rivojlana olmaymiz.  

O’zbek    xalqi    o’zining  o’tmishi  bilan  har  qancha    fahrlansa,    g’ururlansa 

arziydi.  U  jahon  fani  va  madaniyati  taraqqiyotiga  shu  qadar  katta  hissa 

qo’shganki,  buni  butun  dunyo  allaqachon  tan  olgan.  Xalqimizning  buyuk 

mutafakkirlari  imom  Buhoriy,  Imom  Termiziy,  Bahouddin  Naqshband,  hoja 

Ahmad  Yassaviy,  Al-Xorazmiy,  Beruniy,  Ibn  Sino,  Amir  Temur,  Mirzo 

Ulug’bek,  Alisher  Navoiy,  Zahiriddin  Bobur  va  boshqa  ko’plab  buyuk 

ajdodlarimiz  milliy  madaniyatimizni  rivojlantirishga  ulkan  hissa  qo’shganlar, 

xalqimizning  milliy  iftihori  bo’lib  kelmoqdalar. 

Inson mohiyati aqlda, aqlning mohiyati esa harakterda namoyon bo’ladi, 

degan  edi  buyuk  mutafakirlardan  biri.  Demak,  insonning  insonligini  ifoda 

etuvchi  yagona  mezon  aql-idrok,  ong  va  tafakkur  darajasi  bo’lsa,  ularning 

mohiyatini  ochib  beruvchi,  miqyosi  va  ko’lamiga  baho  beruvchi  bosh  mezon 

hatti-harakati,  hayotga  va  atrof  muhitga  munosabati,  o’z-o’zini  boshqarishdagi 

ichki  qudratdir.  Ana  shu  ichki  qudratga  tayangan  xalq  Sharqning  diyonat,  or-

nomus,  sharm-hayo  kabi  fazilatlarni  asrlar  mobaynida    oliy  qadriyat  sifatida 

avaylab-asrab  kelmoqda.  Ularni  milliy  istiqlol  g’oyasi  orqali  yoshlar  ongi  va 

qalbiga singdirishning ahamiyati nechog’li ekanligini anglash muhim. Bu har bir 

yoshga  o’ziga  hos  ma`suliyat  yuklaydi  hamda  shularga  o’xshagan  va  shunga 

harakat qilayotgan yoshlarning yangi avlodi  yetishib chiqishiga olib keladi.