Nizomiy nomidagi toshkent davlat pedagogika universiteti zamonaviy uzluksiz ta

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
89 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ 
3) Оддий фонетикани ўргатиш. Ёши нечидалигидан қатъий назар, ҳар бир болага 
фонетика астойдил ва алоҳида эътибор билан ўқитилиши лозим. Бунда бола учун ҳар бир 
сўзнинг тўғри ёзилиши ва талаффуз қилиниши ўргатилади. Бу машғулот орқали бола 
сўзларни яхшироқ таниб олади ва ўқиганида уларни тўғри ўқийди ва англаб олади. 
4) Ҳар бир бола билан алоҳида шуғулланиш. Муаллимлар ўқув йилининг бошида ҳар 
бир болага матннинг бир қисмини ажратиб бериши лозим. Ҳар бир бола ўзига ажратилган 
матнни ўрганади ва бу орқали яхши ўзлаштираётган ва қийналаётган болаларни аниқлаши 
мумкин. Бундан келиб чиқиб муаллим қийналаётган болалар билан қўшимча шуғулланиши 
мумкин. 
5) Фарзандларга китоб ўқиб бериш. Ота-оналар фарзандларига овоз чиқариб, сўзларни 
аниқ ва тўғри талаффуз қилган ҳолда ҳикоя ва эраклар ўқиб беришлари керак. Ўтириб китоб 
ўқишга вақт топилмаса аудио дискларга қулоқ солиш мумкин. Бунда болалар фақат тинглаш 
билан чекланмасдан, балки матнни бир пайтда сўзма-сўз кузатиб бориши керак. 
6) Ўқилган матнни саҳналаштириш. Шеърият, нутқ ва қўлёзмалар ёрдамида боланинг 
ўқишга қизиқтириш мумкин. Болага асарнинг маълум қисмини ўқитинг ва ўқилган матнни 
саҳналаштиринг. Бунда бола асар қаҳрамони ролини ўйнайди ва бу орқали бола матнни 
яхшироқ тушинади ва унга қизиқиши ортиши мумкин. 
7) Ўрганиш даражасини болага айтинг. Ўқувчилар билим даражаси қанчалигини 
билишни исташади. Буни кўрсатиш учун болага маълум матнни ўқишга беринг ва матндаги 
сўзлар сонини аниқланг. Ўқувчи бу матнни овоз чиқариб ўқийди. Ҳар сафар матн ўқилганида 
унга кетган вақтни белгиланг ва уни график орқали болага кўрсатинг. Бир неча бор 
ўқигандан кейин бу график орқали бола ўз тезлиги ошиб бораётганини кўриши мумкин ва бу 
уни руҳлантиради ва янаям кўпроқ ўқишга илҳомлантиради. 
Хулоса қилиб шуни айтиш мумкинки, дастлабки йиллардан фарзандларимизни 
китобга ҳамроҳ қилсак, уларни ўқиш сифати ортади, илмий дунёқараши шаклланади, бадиий 
диди юксалади. Бу борада бизга бугунги кунда оммалашиб бораётган интернетдаги турли 
электрон ва аудио кутубхоналар ҳам беминнат ёрдамчи вазифасини ўташи мумкин. 
Болаларимизга турли туман ўйинчоқлар эмас, уларнинг савиясини ўстирадиган ёшига мос 
яхши китоблар совға қилайлик. Шундагина фарзандларимиз келажакда биз кутган натижага 
эришишлари аниқ.