Nizomiy nomidagi toshkent davlat pedagogika universiteti zamonaviy uzluksiz ta

3. Тадқиқот таҳлили ва натижалари. 
Ҳар қандай давлатнинг ҳалқаро сиёсий мавқеи унинг иқтисодий ҳамда ижтимоий 
ривожланиш даражаси билан белгиланади. Шунинг учун ҳам хорижий инвестицияларни 
миллий иқтисодиётга жалб қилишнинг самарали йўлларини танлаш ва шу орқали хорижий 
инвестицияларнинг ҳажмини оширган ҳолда Республикамизнинг иқтисодий салоҳиятини 
ошириш мамлакатимиз иқтисодий сиёсатининг муҳим йўналишларидан бири бўлиб қолди. 
Шу билан бирга, инвестиция жараёнларида давлатнинг бевосита иштироки уларни 
жадаллаштиришга катта ёрдам беради. Шунинг учун Ўзбекистон Республикаси давлати 
миллий иқтисодиётга тўғридан-тўғри инвестициялар қилишдан ташқари катта қийматдаги 
портфель инвестицияларга ҳам эга. Яъни, давлатнинг акциядорлик жамиятлари ва 
масъулияти чекланган жамиятлари устав фондидаги улушлари йиғиндисини давлат 
инвестиция портфели сифатида қабул қилишимиз мумкин. 
Давлат инвестиция портфели ўзига хос институционал асосларда бошқарилиши лозим 
бўлади: 
Ўзбекистон иқтисодиётини бозор талаблари асосида қайта қуриш ишлари биринчи 
ўринда хусусий мулк ривожланишини қўллаб-қувватлаш ва капитал бозорининг 
институционал асосларини шакллантиришга катта эътибор берилди. Хусусийлаштиришнинг 
ўзбек модели, қонунчилик асослари ислоҳатларнинг биринчи йиллариданоқ шаклланаётган 
корпоратив бошқарувнинг бирламчи хусусиятларини ҳам белгилаб бердики, кўплаб йирик 
корхоналар ва тижорат банкларида давлатнинг корпроратив бошқарувдаги иштироки 
вужудга келди.
Ушбу ҳолда давлат жойларда корпоратив бошқарувнинг самарали моделининг жорий 
қилинишига ижобий таъсир ўтказиши мумкин. Масалан, хозирда жаҳон амалиётида кузатув 
кенгашлари таркибига мустақил аъзоларнинг киритилиши яхши натижа беради деб 
ҳисобланмоқда. Шунинг учун, Давлат активларини бошқариш агентлиги томонидан мазкур 
йўналишда ишлар бошланган. Бироқ хозирча мустақил аъзоларнинг корпоратив бошқарув 
органларида ишгтироки кам даражада бўлмоқда: 

---