Nizomiy nomidagi toshkent davlat pedagogika universiteti

Talabalarga tayyorgarlik uchun yordamchi materiallar:
 
 
TAVHID HAQIQATI NIMA? 
 
   
Allohning barcha kitoblarida uqdirilgan, ajdodlarimiz asrlar davomida anglab etgan 
va imon keltirgan Tavhid haqiqatining mohiyati shundaki, yagona Alloh irodasi bilan biz ko’rib 
turgan  Borliqning  har  bir  uzvi,  qismi,  zarrasi  o’zgalari  bilan  bog’liq,  o’zaro  aloqadordir.  Shu 
sababli Borliqdagi har bir zarra o’zgarishi butun Borliqni o’zgartiradi, har bir zarradagi o’zgarish 
esa, o’z navbatida, butun borliqdagi o’zgarishdan kelib chiqadi. Bu umumjahoniy qonuniyat aro 
er yuzida xalifa qilib yaratilgan Inson zotining alohida imtiyozi - uning irodasi erkin, unga ongli 
va ixtiyoriy harakat qilish imkoni berilgan. Shu bilan birga Er yuzida xalifalik ham katta imtiyoz, 
ham  jiddiy  mas’uliyatdir  -  ongli  va  hur  zot  sifatida  Inson  har  bir  qadami  uchun  butun  Borliq 
oldida  mas’ul,  har  bir  xatti-harakatiga  Alloh  oldida  javob  beradi.  Tavhid  haqiqatining  yana  bir 
sirini  e’tirof  etish  kerak.  Borliqning  yagonaligi  shuni  taqozo  qiladiki,  undagi  eng  ibtidoiy 
makonda  siljish  harakatidan  eng  oliy  ma’rifat  yo’llarigacha  aslida  bir  paytning  o’zida  mavjud. 
Faqat  insoniy  mantiqning  muayyan  darajada  chekli  ekanligi  bois,  biz  tasavvur  etgan  zamon  va 
makonda  har  bir  narsa-hodisaning  har  bir  holati  kamolotning  muayyan  bosqichi  doirasida 
tasavvur qilinadi.