Nizomiy nomidagi toshkent davlat pedagogika universiteti termiz filiali tabiiy va aniq fanlar fakulteti

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

NIZOMIY NOMIDAGI TOSHKENT DAVLAT PEDAGOGIKA UNIVERSITETI TERMIZ FILIALI

TABIIY VA ANIQ FANLAR FAKULTETI

“5110100-MATEMATIKA O’QITISH METODIKASI”

TA’LIM YO’NALISHI

K U R S I SH I

Mavzu: Umumiy o’rta ta’lim maktablari matematika ta’limining innavotsion axborot muhiti

BAJARDI: MO’M 302- guruh talabasi Esanov Sirojiddin

ILMIY RAXBAR: Matematika va informatika fanlarini o’qitish metodikasi kafedrasi o’qituvchisi Turdiyev X

Termiz 2021

Mundarija

Kirish

I bob:Matematika fanini o`qitishda noan’anaviy ta’lim yondashuvlari.

1.1Rivojlantiruvchi, muammoli va shaxsga yo`naltirilgan ta’lim. Ularning maqsad va vazifalari, afzallik va kamchiliklari

1.2 Umumiy o`rta ta’limning davlat ta’lim standartining maqsad va vazifalari

II bob:Umumiy o`rta ta’limi muassasalarida matematika fanini o`qitishning asosiy vazifalari

1.1 Matematika fanlarini o’qitishda zamonaviy axborot texnologiyalaridan foydalanish metodikasi

1.2 Fanga oid electron o’quv adabiyotlari

KIRISH

Mamlakatimiz yoshlarining ma’naviyatini shakllantirish va qaror toptirishda, ularni kasbga yo`naltirishda xalq ta’limi tizimining ahamiyati salmoqlidir. SHuning uchun umumta’lim fanlari mazmuni milliy mafkura, umuminsoniy qadriyatlarga va boy o`tmish merosimizga asoslangan bo`lishi, shuningdek, mustaqil va bozor iqtisodiyoti sharoitida yuzaga chiqqan davlat va milliy ehtiyojlarni qondirishga qaratilmog`i lozim. Umumiy o`rta ta’lim maktablarida matematika fanining mazmuni va uni o`qitishning umumiy maqsad va vazifalari O`zbekiston Respublikasining “Ta’lim to`g`risida”gi Qonuni, “Kadrlar tayyorlash milliy dasturi”ga mos davlat ta’lim standartlari talablaridan kelib chiqqan holda aniqlanadi.

Mamlakatimizning dunyo hamjamiyatiga integratsiyalashuvi, fan-texnika va texnologiyalarning rivojlanishi yosh avlodning o`zgaruvchan dunyoda raqobatbardosh bo`lishi - yoshlarimizdan fanlarni mukammal egallashni taqozo etadi. Bu esa mamlakatimiz ta’lim tizimiga matematikani o`qitishning xalqaro standartlarni joriy etish orqali ta’minlanadi.

Zamonaviy fan va texnika taraqqiyoti umumta’lim maktablarida matematika fanini o`qitishga yangicha yondashuvni, o`quvchilarning bu fanidan o`zlashtirishi lozim bo`lgan bilim va ko`nikmalarining mazmuni va darajasiga yuqori talablarni qo`ymoqda. Bugungi kunga kelib, o`quv axborotlari hajmining haddan tashqari ko`payib ketganligi o`quvchilarga nafaqat bilim berish, balki ularni “o`qish va o`rganishga o`rgatish”ni talab qilayapti. Jadallik bilan o`zgarib va rivojlanib borayotgan axborotlashgan jamiyatda faoliyat ko`rsatish va yashash o`quvchilardan nafaqat shunchaki tayyor bilimlarni o`zlashtirishni, balki turfa ko`rinishdagi ma’lumotlarni mustaqil izlab topish va qayta ishlashni hamda ulardan turli hayotiy vaziyatlarda samarali foydalanishni taqozo etmoqda.

Shuningdek, oxirgi paytlarda maktabda matematika fani bo`yicha o`quvchilar o`zlashtirishi nisbatan past bo`lib kelmoqda. Bu qaysidir ma’noda matematika fani mazmunining birmuncha nazariy, ilmiy, mantiqiy va aksiomatik tuzilishga ega ekanligi, matematika fani mazmunining hayotiy masalalarga kamroq bog`langan holda o`qitilishi hamda matematika fanini o`qitish metodikasining takomillashmagani bilan ham izohlash mumkin. Shulardan kelib chiqib, matematika fanini o`qitishga ham zamonaviy talablar qo`yilmoqda va uni kompetentsiyaviy yondashuv asosida qayta ko`rib chiqishni taqozo etmoqda.

O`zbekiston Respublikasi Vazirlar Mahkamasining 2017-yil 6 apreldagi

187-sonli “Umumiy o`rta va o`rta maxsus, kasb-hunar ta’limining davlat ta’lim standartlarini tasdiqlash to`g`risida”gi Qarori “Ta’lim to`g`risida”gi va “Kadrlar tayyorlash milliy dasturi to`g`risida”gi O`zbekiston Respublikasi qonunlariga muvofiq, umumta’lim fanlarini o`qitishning uzluksizligi va izchilligini ta’minlash, zamonaviy metodologiyasini yaratish, umumiy o`rta va o`rta maxsus, kasb-hunar ta’limi davlat ta’lim standartlarini kompetensiyaviy yondashuv asosida takomillashtirish, o`quv-metodik majmualarning yangi avlodini ishlab chiqish va amaliyotga joriy etishni tashkil etish maqsadida qabul qilindi.

Mazkur umumiy o`rta va o`rta maxsus, kasb-hunar ta’limining davlat ta’lim standartlari 2017-2018 o`quv-yilidan boshlab bosqichma-bosqich amaliyotga joriy etildi.

Ular asosida umumiy o`rta va o`rta maxsus, kasb-hunar ta’limining davlat ta’lim standartlari talablari asosida o`quv dasturlari yangidan ishlab chiqildi, belgilangan tartibda tasdiqlandi hamda umumiy o`rta va o`rta maxsus, kasb-hunar ta’limi muassasalariga yetkazildi. Umumiy o`rta va o`rta maxsus, kasb-hunar ta’limining davlat ta’lim standartlari va o`quv dasturlarini amaliyotga samarali joriy etish yuzasidan tegishli mutaxassislar uchun 2017-2018 o`quv-yilidan boshlab maqsadli o`quv kurslari tashkil etildi hamda pedagog xodimlarni qayta tayyorlash va ularning malakasini oshirish kurslari dasturlari va o`quv modullarining qayta ko`rib chiqilishi ta’minlandi.