Nizomiy nomidagi toshkent davlat pedagogika universiteti t. B. Zayniddinov, A. Sodiqov va r. Iminjanov

1.6. Gigiyena fanining boshqa aniq fanlar bilan uzviy aloqasi

"Gigiyena" fani boshqa ijtimoiy va aniq fanlar bilan uzviy aloqada oʻqitiladi. Ular jumlasiga fizika, ximiya, matematika, fiziologiya, jismoniy tarbiya

nazariyasi va metodikasi, yengil atletika, sport metrologiyasi, sport o`yinlari hamda iqtisod fanlari kiradi. Shuningdek, dastur materiallarini tushuntirish jarayonida Oʻzbekiston Respublikasi Oliy Majlis qarorlari va boshqa hukumat hujjatlari bilan keng tanishtirib borish talab etiladi. Mashgʻulotlar ma'ruza, amaliy, mustaqil ta'lim va mustaqil ta`lim shaklida olib boriladi. Ma'ruzada talabalar sport inshootlarini loyihalash va qurish asoslari, shuningdek, jismoniy tarbiya va jismoniy madaniyat rahbarining pedagogik faoliyatida bajarilishi lozim boʻlgan vazifalarni belgilab beradigan bilimlar bilan qurollantiriladi. Amaliy mustaqil ta'lim imkon darajasida kafedraning tayanch maktablarida hamda harbiy qismlar sport bazalarida olib boriladi. Amaliy mashgʻulotlarda kafedrada ishlab chiqilgan topshiriqlarni bajaradilar. Mashgʻulotlar jarayonida talabalar zarur-texnik me`yoriy hujjatlar, adabiyotlar va boshqa kerakli vositalar bilan ta'minlanadilar. Talabalar mustaqil ishlariga topshiriqlardan tashqari tayyorlanishlariga adabiyotlar va yoʻriqnomalar taklif qiladi. Har bir semestr yakunida yakuniy nazorat oʻtkaziladi. Oʻqish jarayonida joriy va oraliq baholashlar orqali bilimlari tekshirib boriladi.

Nazorat savollari

1. 
   Umumiy gigiyenaning predmeti va vazifalari nimalardan iborat?
   

2. 
   Jismoniy tarbiya gigiyenasining predmeti va vazifalarini tushuntiring?
   

3. 
   Sogʻlik holati tushunchasi toʻgʻrisida gapirib bering?
   

4. 
   Salomatlikni saqlashda jismoniy tarbiya gigiyenasining ahamiyati qanday?
   

5. 
   Sportchilar ish-qobiliyatini tiklantiruvchi vositalar haqida gapiring?
   

6. 
   Pedagogik tiklantiruvchi vositalarga nimalar kiradi?
   

7. 
   Psixologik tiklantiruvchi vositalarga harakteristika bering?
   

8. 
   Tibbiy-biologik tiklantiruvchi vositalarni tariflang?
   

9. 
   Biologik qiymati oshirilgan mahsulotlarga qaysilar kiradi?
   

10. 
    Gigiyena fanining boshqa aniq fanlar bilan uzviy aloqasi nimalarda namoyon boʻladi?
    

II bob JISMONIY TARBIYA VA SPORT GIGIYENASI ASOSLARI