Nizomiy nomidagi toshkent davlat pedagogika universiteti pedagogika fakulteti

Yuganchaning kaltaligi- tug‘ma nuqson bо‘lib, u til uchini tortib turadi va natijada til kalta holatda bо‘ladi. Bunday nuqsonda tilning harakatlanishi qiyin bо‘lishi mumkin. Til yuganchasining kaltaligi odatda mexanik dimlaliyaga sabab bо‘ladi. Til yuganchasini chо‘zish uchun maxsus logopedik mashqlar- til gimnastikalari qо‘llaniladi. Bunday holatlarda xirurgiu aralashuv kerak bо‘lmay qoladi.

Uranoplastika- qattiq va yumshoq tanglayni operatsiya yо‘li bilan bekitish.

Havf-xatar omili- organizmning patologik holatni rivojlantiruvchi turli xil ichki va tashqi shart-sharoitlar.

Nutq fobiyasi( nutqdan qо‘rqish)- kо‘pincha duduqlanuvchilarda kuzatiladigan nutqdan qо‘rqish, muloqotdan qо‘rqish holati.

Fonosteniya- ovoz apparatida organik о‘zgarishlarsiz ovoz hosil bо‘lish faoliyatining buzilishi. Fonosteniyada ovozning tez charchashi, uzilib qolishi, kuylash va sо‘zlashishda tomoqda yoqimsiz hislarning( qirilishi, achishishi) paydo bо‘lishi kuzatiladi. Kichik yoshdagi maktab о‘quvchilarida ba’zan soxta fonosteniya kuzatilishi mumkin, bu- kо‘pincha darslarda javob berayotganda hayojonlanish oqibatida ovozning uzilib qolishi kо‘rinishida namoyon bо‘ladi.

Fonema- nutq tovushlari. Har bir tilda ma’lum sondagi fonemalar mavjud bо‘lib, ular bir- biriga akustik belgilari va sо‘zlarni bir -biridan farqlash uchun qarshi qо‘yiladi. Masalan : rus tilida 42 ta fonema, 6 ta unli va 36 ta undosh tovush bor.