Nizomiy nomidagi toshkent davlat pedagogika universiteti faoliyatini takomillashtirish bo‘yicha qo‘shimcha chora-tadbirlar to‘G‘risida

O‘zbekiston Respublikasi Prezidenti Sh. MIRZIYOYEV
Toshkent sh.,
2022-yil 21-iyun,
PQ-290-son

O‘zbekiston Respublikasi Prezidentining 2022-yil 21-iyundagi PQ-290-son qaroriga

1-ILOVA
2022 — 2026-yillarda Nizomiy nomidagi Toshkent davlat pedagogika universitetini transformatsiya qilish va kompleks rivojlantirish
DASTURI

T/r	Chora-tadbirlar nomi	Amalga oshirish mexanizmi	Bajarish muddati	Moliyalashtirish manbai	Ijro uchun mas’ullar
I. Nizomiy nomidagi Toshkent davlat pedagogika universitetini transformatsiya qilish chora-tadbirlari
1.	Nizomiy nomidagi Toshkent davlat pedagogika universitetining (keyingi o‘rinlarda — Universitet) kuzatuv kengashi faoliyatini samarali yo‘lga qo‘yish.	1. Universitetning rejasi, uzoq va o‘rta muddatli strategik rivojlantirish dasturini ishlab chiqish.	2023-yil 1-fevral	-	Toshkent davlat pedagogika universiteti kuzatuv kengashi, Xalq ta’limi vazirligi (B. Saidov)
		2. Yetakchi xorijiy oliy ta’lim va ilmiy-tadqiqot muassasalari bilan samarali aloqalarni o‘rnatish va xorijiy professorlarni o‘quv jarayoniga jalb qilish bo‘yicha chora-tadbirlar rejasini ishlab chiqish va tasdiqlash.	2023-yil 1-mart
		3. Ta’lim va tadqiqot jarayonlariga investitsiyalarni jalb etish bo‘yicha “yo‘l xaritasi”ni ishlab chiqish, tasdiqlash va ijrosini ta’minlash.	2023-yil 1-mart
2.	Universitetning xalqaro reytinglarga kirishini ta’minlash.	1. Universitet transformatsiyasiga mas’ul prorektor lavozimini kiritish.	2022-yil 1-sentabr	Universitetning budjetdan tashqari mablag‘lari	Xalq ta’limi vazirligi (B. Saidov), Toshkent davlat pedagogika universiteti (A. Kirgizbayev)
		2. Universitetni xalqaro reytinglarga kiritish maqsadida uning faoliyatini tahlil qilish.	2022-yil 1-noyabr
		3. Tahlil natijalariga qarab xalqaro reytingda ishtirok etish bo‘yicha chora-tadbirlar rejasini ishlab chiqish.	2023-yil 1-yanvar
		4. Chora-tadbirlar rejasida belgilangan vazifalar samaradorligini monitoring qilish.	Chora-tadbirlar rejasiga muvofiq
3.	Pedagogika oliy ta’lim muassasalarining turdosh bakalavriat ta’lim yo‘nalishlarida tahsil olayotgan talabalarni qo‘shimcha pedagogik tayyorlov dasturi bo‘yicha o‘qitish.	1. Pedagogika oliy ta’lim muassasalarida turdosh bakalavriat ta’lim yo‘nalishlarda tahsil olayotgan talabalarni qo‘shimcha pedagogik tayyorlov dasturlari bo‘yicha o‘qitish tartibini belgilashga oid Vazirlar Mahkamasining qarori loyihasini ishlab chiqish. Bunda quyidagilarni nazarda tutish: qo‘shimcha pedagogik tayyorlov dasturlari (keyingi o‘rinlarda — dastur) bo‘yicha o‘qishga pedagog kadrlar tayyorlovchi oliy ta’lim muassasalari bakalavriatining so‘nggi ikki bosqichida tahsil olayotgan talabalarni qabul qilish; dasturlar bo‘yicha o‘qitishni talabalarning oliy ta’lim muassasasida tahsil olishdan bo‘sh bo‘lgan vaqtida to‘lov-kontrakt asosida amalga oshirish; manfaatdor vazirlik, idoralar va tashkilotlarga dasturlar bo‘yicha o‘qitish uchun grant ajratishga ruxsat etish; dasturlarni o‘zlashtirganlik to‘g‘risidagi sertifikatga ega shaxslarga oliy ta’lim tashkilotida o‘qishni bitirganidan so‘ng qayta tayyorlash kurslaridan o‘tmasdan sertifikatda ko‘rsatilgan mutaxassislik bo‘yicha maktabgacha, umumiy o‘rta, o‘rta maxsus va professional ta’lim tashkilotlarida pedagogik faoliyat bilan shug‘ullanish huquqini berish.	2022-yil 1-avgustga qadar	-	Oliy va o‘rta maxsus ta’lim vazirligi (A. Toshkulov), Xalq ta’limi vazirligi (B. Saidov), Bandlik va mehnat munosabatlari vazirligi (N. Xusanov), Toshkent davlat pedagogika universiteti (A. Kirgizbayev)
		2. Qaror loyihasini Vazirlar Mahkamasiga kiritish.	2022-yil 1-dekabrga qadar
4.	Universitetni malakali professor-o‘qituvchilar bilan to‘ldirish.	1. Nomzodlarni tanlab olish va saralash bo‘yicha tanlov komissiyasi tarkibini tasdiqlash. 2. Tanlov komissiyasi tartibini ishlab chiqish. 3. Munosib nomzodlarni lavozimga tayinlash.	2022/2023 o‘quv yilidan boshlab bosqichma-bosqich	-	Xalq ta’limi vazirligi (B. Saidov), Bandlik va mehnat munosabatlari vazirligi (N. Xusanov), Toshkent davlat pedagogika universiteti (A. Kirgizbayev)