Низомий номидаги тошкент давлат педагогика

 Таълим–тарбия тизимини такомиллаштириш бевосита замонавий
педагогик технологияларни амалиётга самарали жорий этиш даражаси 
билан боғлиқлигини инкор этиб бўлмайди. Педагогик технологияни жорий 
қилишни инновация жараёни деб қараш мумкин. Бунда “инновация”ни бирор 
болалар жамоаси фаолиятини такомиллаштириш учун киритилаётган ва 
бу инновация субъекти томонидан янгилик деб қабул қилинган ёндашув
тушунилади. Замонавий ахборот технологиянинг болалар жамоасида 
муваффақиятли жорий қилиниши ва яхши самара бериши бир қатор 
омилларга боғлиқ. 
Ўзбекистон Республикаси Президентининг “Компьютерлаштиришни 
янада ривожлантириш ва ахборот-коммуникация технологияларини жорий 
этиш тўғрисида”ги фармони ҳамда Ўзбекистон Республикаси Вазирлар 
Маҳкамасининг “Компьютерлаштиришни янада ривожлантириш ва 
ахборот-коммуникация технологияларини жорий этиш тўғрисида”ги 
қарори педагог кадрларни қайта тайёрлаш, уларнинг малакасини ошириш 
тизимига ҳар жиҳатдан тааллуқли бўлиб таълим муассасалари олдига янги 
вазифаларни юклайди. 
Мусиқа машғулотларида замонавий ахборот технологияларидан 
фойдаланишнинг афзал томонлари жуда кўп. Маълумки, замонавий 
педагогик технологияларнинг асосий сифат кўрсаткичлари қуйидагиларни 
ташкил этади: 

---

9 
-билим олиш даражасини кафолатлаш. 
-белгиланган 
билим олиш натижаларига эришиш самарадорлигини 
таъминлаш. 
-таълимнинг дидактик воситаларидан фойдаланишни оптималлаштириш. 
Мусиқа машғулотларида эса қуйидаги вазифалар амалга оширилиши 
мумкин: 
-ўйин орқали болаларнинг мусиқага бўлган қизиқиши ортади; 
-боланинг ўз иқтидори, қизиқиши, билими ва ўзлигини намоён этишга 
имконият бўлади; 
-машғулот давомида болада янги фикр, ғоя ва таклифлар пайдо бўлади. 
Ўйин билан боғлиқ фаолият ўзининг қуйидаги хусусиятлари билан 
ажралиб туради. Улардан машғулотларида қуйидаги усулларда фойдаланиш 
мумкин: 
-ақлий ҳужум. Усулнинг психологик моҳияти шундаки, оддий мунозара, 
баҳслашувлар кўпроқ онгли, асосий фикрларни баён этишга ҳаракат 
қиладилар. 
-баҳс-мунозара. Алоҳида машғулот кўринишида бўлиб, ўтилган мавзуга 
доир баҳсли, тортишувли, муаммоларни икки гуруҳга бўлиб ҳал этиш. Бу 
усулни қўллаган мусиқа раҳбар болаларни икки гуруҳга “Тарафдорлар” ва 
“Қаршилар”га бўлади; 
-гуруҳларга бўлиниб ишлаш. Гурухда болаалар сонига қараб 10-12 
кишидан иборат гуруҳларга бўлинади. Ҳар бир гуруҳга гуруҳбошилар 
тайинланади. Гуруҳлар мавзуга доир муаммони ҳамкорликда ечадилар ва ҳар 
бир гуруҳдан бир ёки икки аъзо мавзу юзасидан ахборот беради; 
-жуфтликларда ишлаш. Гурухдаги барча болаларнинг ёнида ёки орқасида 
ўтирган шериги билан бараварига фикр алмашиб, мулоқот қилиш. 
-Занжир машқи. Болаларнинг машғулотда ўрганилган мавзуни қисмларга 
бўлиб, навбатма-навбат баён этишларини умумлаштириш усули. 
-Ижодий иш. Болаларнинг ижодий ва интеллектуал қобилиятларини 
ривожлантиришга қаратилган, эстетик дидларини шакллантирадиган усул. 
-Интервью. Алоҳида машғулот кўринишида бўлиб, бир мавзу юзасидан бир 
ёки бир нечта болаларнинг қарашларини очиқ баён қилиш. Савол берувчи, 
репортёр тингловчилар орасидан танланади. 
Мазкур усулнинг афзаллиги шундаки, мусиқа раҳбари болаларга тайёр 
нарсани айтиб бермай, мавзуни мустақил равишда тушиниб олишларига 
имконият яратади.