Низом I. Умумий қоидалар

Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги Офис менеджер бўлими тўғрисида
НИЗОМ

I. Умумий қоидалар
1. Ушбу Низом Ўзбекистон Республикаси Президентининг “Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида” 2023 йил 31 майдаги
ПҚ-171-сон қарорига мувофиқ вазирлик Офис менеджер бўлимининг вазифалари, функциялари, ҳуқуқлари, масъулиятини ҳамда фаолиятини ташкил этиш тартибини белгилайди.
2. Офис менеджер бўлими ўз фаолиятида Ўзбекистон Республикаси Конституциясига, Ўзбекистон Республикасининг бошқа қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, бошқа қонун ҳужжатларига, вазирнинг ҳужжатларига, шунингдек ушбу Низомга амал қилади.
3. Офис менеджер бўлими ўз фаолиятини вазир котибияти раҳбари бошчилигида амалга оширади.
4. Офис менеджер бўлими ўзига юкланган вазифалар ва функцияларни бажаришда вазирнинг кўрсатмасига асосан Ўзбекистон Республикаси Президенти Администрациясининг тегишли хизматлари, Ўзбекистон Республикаси Олий Мажлисининг палаталари, Ўзбекистон Республикаси Вазирлар Маҳкамаси, марказий аппарат, ҳудудий бўлинмалар ва тизим ташкилотлари билан ўзаро ҳамкорлик қилади.
II. Офис менеджер бўлимининг вазифалари ва функциялари
5. Қуйидагилар Офис менеджер бўлимининг вазифалари ҳисобланади:
-вазирининг Ўзбекистон Республикаси Конституцияси ва Ўзбекистон Республикасининг бошқа қонунларида, Ўзбекистон Республикаси Президентининг фармонлари, қарорлари ва фармойишларида, Ўзбекистон Республикаси Вазирлар Маҳкамасининг қарорлари ва фармойишларида белгиланган ваколатлари амалга оширилишини марказий аппарат, ҳудудий бўлинмалар ва тизим ташкилотлари билан биргаликда таъминлаш;
-вазирлик марказий аппарати фаолиятини ташкилий-техник жиҳатдан таъминлашни амалга оширади;
-тасдиқланган норматив-ҳуқуқий ҳужжатларга мувофиқ иш юритади;
-вазирликнинг фаолиятини хўжалик ва моддий-техник таъминлашни ташкил қилади, вазирлик ходимлари учун зарур шарт-шароитларни яратиш тадбирларини амалга оширади;
-Офис менеджер бўлими тўғрисидаги Низомга ва вазирнинг буйруқларига мувофиқ бошқа ваколатларни амалга оширади.
6. Офис менеджер бўлими ўзига юкланган вазифаларни бажариш учун қуйидаги функцияларни амалга оширади:
-вазирликнинг иш режасига Офис менеджер бўлимига оид масалалар бўйича таклифларни киритади;
-Офис менеджер бўлими қонун ҳужжатларига мувофиқ бошқа функцияларни ҳам бажаради.