Низом I. Умумий қоидалар

“Учинчи ренессанс – ёшлар нигоҳида” номли танловни ўтказиш тўғрисида
НИЗОМ


I.Умумий қоидалар

1.Танлов Ўзбекистон Республикаси Президенти томонидан эълон қилинган “2020 йил – Илм-маърифат ва арақамли иқтисодиётни ривожлантириш йили” давлат дастури доирасида талабалар ва тадқиқотчиларни қўллаб-қувватлаш ҳамда рағбатлантириш орқали уларда таълим ва илм-фанга қизиқишларни янада оширишга қаратилган.

2. Ушбу Низом “Учинчи ренессанс – ёшлар нигоҳида” танловини ( кейинги ўринларда – танлов деб юритилади) ўтказишнинг тартиблари, ундаги номинациялар, ғолибларни аниқлашнинг мезонларини белгилайди.
3. Танлов ташкилотчилари Ўзбекистон Республикаси Олий ва ўрта махсус таълим вазирлиги, Инновацион ривожланиш вазирлиги, Дин ишлари бўйича қўмита, Ўзбекистондаги Ислом цивилизацияси маркази, “Ипотека-банк” АТИБ, Ўзбекистон Миллий телерадиокомпанияси, Ўзбекистон Миллий ахборот агентлиги ҳисобланади.
4. Барча йўналишлар бўйича танлов ғолибларини аниқлашда холислик, одиллик, шаффофликни таъминлаш ҳамда вужудга келиши мумкин бўлган низоларни ҳал этиш учун Танлов ташкилотчилари томонидан Танлов ҳайъати ташкил этилади. Танлов ҳайъати таркибига кўзга кўринган олимлар, педагог ва амалиётчилар, ОАВ ва фуқаролик жамияти институтлари, шунингдек, Танлов ташкилотчиларининг вакиллари киради.
5. Танловда белгиланган мезонлар асосида Ўзбекистон республикасидаги барча олий таълим муассасаларининг талабалари (кундузги, кечги, сиртқи) магистратура ва докторантура тадқиқотчилари иштирок этишлари мумкин.
6. Танловда қуйидаги йўналишларда ўтказилади:
– аждодлар меросини ўрганиш ва тарғиб қилишда инновацион ёндашув;
– олий таълимда сифатли билим олишдан талабаларнинг манфаатдорлигини ошириш учун ўқув жараёни ва методикасини ўзгартириш йўллари;
– ёшларни илм-фан ва инновацияларга қизиқтиришнинг ноанъанавий усуллари.


II. Танловнинг асосий мақсад ва вазифалари

7. Ўзбекистон республикаси Президенти Ш.Мирзиёевнинг Ўзбекистонда янги бир уйғониш – Учинчи Ренессанс даврига оид фикрларининг мазмун – моҳиятини кенг ўрганиш ҳамда тарғиб этиш орқали ёшларни жамиятда олиб борилаётган ижтимоий-сиёсий жараёнлардаги фаоллиги, интелектуал салоҳиятини ривожлантириш, илмий тадқиқот ишларини фаоллаштириш, уларнинг мафкуравий иммунитетини мустаҳкамлашдан иборат.

8. Танловнинг вазифалари:
танлов иштирокчиларинининг мустақил фикрлаш қобилиятини ривожлантириш;
олий таълимда сифатли билим олишини ташкил этишда талабаларнинг шахсий мотивацияси (манфаатдорлиги)ни ошириш, шунингдек, ўқув жараёни ва методикасини ўзгартириш бўйича таклифлар тайёрлаш;
танлов иштирокчиларида юртимизда амалга оширилаётган ислоҳотлардан хабардорлик ва дахлдорлик ҳиссиётини ошириш;
талабаларнинг бўш вақтини мазмунли ташкил этиш ва яратилаётган шароитларга шукроналик туйғусини шакллантириш;
ёшларда аждодлар илмий меросига ҳурмат, миллий-маънавий, диний-маърифий қадриятларга садоқат руҳини кучайтириш;
тарихий хотира, юксак маънавият, халқнинг тарихий анъаналари, маданий меросига ҳурмат, мамлакатимиз мустақилликка эришганининг буюк тарихий аҳамяитини англаш каби фазилатларни шаклланьтиришга қаратилган ишлар самарадорлигини оширишдан иборат.