Ning I choragida amalga oshirilgan ishlar

To‘rtinchi tashabbus aholi, ayniqsa, yoshlar ma’naviyatini yuksaltirish, ular o‘rtasida kitobxonlikni keng targ‘ib qilish masalalari bo‘yicha fakultetda salmoqli ishlar amalga oshirildi. Jumladan, Samarqand davlat universitetining Kattaqo‘rg'on filiali talabalari o‘rtasida pedagogika va tillarni o’qitish fakulteti gumanitar fanlar kafedrasi o’zbek tili fani o’qituvchilari tomonidan onlayn tarzda "Eng yaxshi kitobxon talaba" ko‘rik tanlovi 2022-yil 26-yanvar soat 16:00 da filial talabalarining rasmiy telegramm @samdukf_talabalari guruhida bo‘lib o‘tdi. Tanlov talabalarga oldindan taqdim etilgan kitoblar asosida tuzilgan savollardan iborat test shaklida oʻtkazildi. Tanlovda 35 ta savol, har bir savolga oʻylash uchun 30 soniya vaqt belgilandi. Jami ishtirokchilar 218 nafar talabalarni tashkil etgan boʻlib, ulardan faxrli birinchi oʻrinni Oʻzga tilli guruhlarda rus tili yoʻnalishi 21_09 guruh talabasi Norqulova Madinabonu, ikkinchi oʻrinni Filologiya va tillarni oʻqitish: oʻzbek tili 21_13 guruh talabasi Oʻrinboyeva Nafisa, uchinchi oʻrinni Maktabgacha taʼlim yoʻnalishi 21_08 guruh talabasi Akramova Muhabbat egalladi.
2022-yil 28-fevral kuni kuni Samarqand davlat universiteti Kattaqo’rg’on filiali hamda Yoshlar ishlari agentligi bilan hamkorlikda Kattaqo’rg’on shahar markaziy kutubxonasida yoshlarning bo’sh vaqtlarini mazmunli o’tkazishni tashkil etish hamda ular o’rtasida kitobxonlik madaniyatini rivojlantirish maqsadida mahalla yoshlari, 02855 sonli harbiy qism hamda filial talabalari o’rtasida “Yosh kitobxon” tanlovi o’tkazildi. Tanlovda faxrli 1-o’rinni pedagogika va tillarni o’qitish fakulteti Filologiya va tillarni o'qitish: o'zbek tili yo'nalishi 21_12-guruh talabasi Hayitmurodova Marjona Begzod qizi qo’lga kiritdi va shahar hokimi G.Alimova tomonidan diplom va esdalik sovg’alari bilan taqdirlandi.
2022-yil 16-mart kuni SamDUKF Pedagogika va tillarni o'qitish fakultetida "Yosh ijodkorlar" to'garagi ishtirokchilari va ARM xodimlari hamkorligida kitobxonlik kechasi o'tkazildi. Kechada Pirimqul Qodirovning "Yulduzli tunlar" hamda Ulug'bek Hamdamning "Muvozanat" romanlari qizg'in muhokama qilindi. To'garak rahbari Dilafro’z Sayipova bu kitoblarni o'qish har bir insonning ma'naviy dunyosini boyitishi haqida gapirdi. So'zga chiqqan talabalar ushbu kitoblardan olgan taassurotlari bilan o'rtoqlashdilar.
2022-yil 26-mart kuni SamDU Kattaqo'rg'on filialining talabalar turar joyida istiqomat qiluvchi talabalari va filialning Pedagogika va tillarni o‘qitish fakulteti dekani o'rinbosari Abduxoshim Ziyatov ishtirokida ma'naviy-ma'rifiy tadbir tashkil qilindi. Prezidentimizning yoshlarga doir qabul qilingan qaror va farmonlari ijrosini ta'minlash maqsadida o'tkazilgan tadbir ulug‘ ajdodimiz Amir Temur tavalludining 686 yilligiga bag‘ishlandi. A. Ziyatov va talabalar tomonidan Temur tuzuklari, uning ma'zmun-mohiyati, unda do‘st-dushmanga munosabat bobidagi tadbirlari o'qilib, tahlil qilindi. Shuningdek, Sohibqiron hayoti, buyuk davlatchiligi, faoliyatiga doir ma'lumotlar berildi, Amir Temurga bag'ishlangan she'rlar aytildi.
Beshinchi tashabbus- xo­tin-qizlarni ish bilan ta’minlash ishlarini tizimli tashkil etish masalalari bo‘yicha amaliy ishlar amalga oshirilib kelmoqda. Bugungi kunga qadar filial fakultetlarida tahsil olayotgan 448 nafar xotin-qizlardan, ishlash istagini bildirgan 20 nafari ish bilan ta’minlangan bo’lib, shundan 2 nafari filialga ish yurituvchi shtatiga, 3 nafari Kattaqo’rg’on shahridagi “Malika Education” o’quv markazida, 2 nafari Kattaqo’rg’on shahridagi “Go’zal Education” o’quv markazida, 1 nafari 17-maktabgacha ta’lim muassasasida tarbiyachi, 4 nafari filialga yondosh tadbirkorlik subyektlarida ishchi xodim, 1 nafari Kattaqo’rg’on shahridagi 13-umumta’lim maktabida matematika fanidan to’garak rahbari, 3 nafari Kattaqo’rg’on shahridagi “Yangi avlod” o’quv markazida matematika fanidan to’garak rahbari, 1 nafari Kattaqo’rg’on shahridagi 14-IDUMda, 1 nafari Kattaqo’rg’on tumanidagi 53-umumta’lim maktabida o’qituvchi, 1 nafari Kattaqo’rg’on shahridagi “Harvard” o’quv markazida, 1 nafari Kattaqo’rg’on shahridagi 16-maktabda ingliz tili o’qituvchisi bo’lib ish faoliyatlarini olib bormoqdalar.


SamDU Kattaqo’rg’on filiali direktori Sh.Urakov