Nigora Erkaboyeva

O‘quv-bilish  faoliyatini  rivojlantirish
  –  belgilangan  mezonlarga  muvofiq 
talabalarning past darajadagi bilim,  ko‘nikma va malakalarining 
o‘rta va yuqori darajalarga o‘sib o‘tishini ifodalovchi jarayon sanaladi. 
O‘quv-bilish  faoliyatining  o‘ziga  xosligi    uning  o‘quvchilar  tomonidan  ular 
uchun  yangi  bo‘lgan  bilim,  ko‘nikma  va  malakalarni  o‘zlashtirishga,  ob’ektiv 
borliqni  anglashga  yo‘naltirilganligi    bilan  belgilanadi.  Biroq,  bilimlarni 
o‘zlashtirishning  xarakterli  turlicha  bo‘lishi  mumkin.  Bizning  nazarimizda  aynan 
mana shu o‘quv-bilish faoliyatining turli ko‘rinishlarining predmetini farqlab beradi.   
Har  bir  o‘quv  predmetini  o‘rganishda  quyidagi  jihatlar  ko‘zga  tashlanadi:    1) 
axborotli  jihati  –  axborotni  o‘zlashtirish;    2)  shaxsiy  jihati  –  faoliyat  usullarini 
egallash. 
O‘quv mashg‘ulotlarida o‘quvchilarning o‘quv-bilish faoliyatining asosiy turlari 
quyidagilardir: kuzatish, tajriba, kitoblar, politexnik lug‘atlar, ma’lumotnomalar bilan 
ishlash, bilimlarni tizimlashtirish va boshqalar. Ular bir-biri bilan o‘zaro bog‘langan.  
O‘quv-bilish faoliyatining quyidagi turlarini ilgari surish mumkin: 
I.  Og‘zaki  (belgili)  xarakterga  ega  o‘quv-bilish  faoliyati:  kuzatish;  tajriba; 
kitoblar,  politexnik  lug‘atlar,  ma’lumotnomalar  bilan  ishlash,  bilimlarni 
tizimlashtirish, bilishga oid masalalarni yechish  (muammoli vaziyatlarni hal qilish),  
grafiklar 
qurish; 
o‘qituvchining  tushuntirishini  tinglash;  tengdoshlarining 
chiqishlarini  tinglash  va  tahlil  qilish;  darsliklar  bilan  mustaqillik  ishlash;  lug‘atlar, 
ma’lumotnomalar,  ilmiy-ommabop  adabiyotlar  bilan  ishlash;  materialni  bir  necha 
                                                           
9
 Рубинштейн С.Л. Принципы и пути развития психологии. – М.: Владос, 1999. – С. 38.
 
10
 
Булатова Ю.И. Активизация  учебно-познавательной деятельности студентов вузов / Ж. Педагогика высшей 
школы и профессионального образования. – М.: 2012. –  №3. – С. 9.
 

---

manbalar  bo‘yicha  tanlash  va  solishtirish;  referat  va  ma’ruzalar  yozish;  formulani 
keltirib  chiqirish  va  isbotlash;  formulani  tahlil  qilish;  dasturlashtirish;  miqdor  va 
sifatga  oid  masalalarni  yechish;  tushunchalarni  bir-biridan  farqlash  topshirig‘ini 
bajarish; o‘quv materialini tizimlashtirish; dasturni tahrir qilish. 
II.  Borliq  elementlarini  idrok  qilishga  asoslangan  o‘quv-bilish  faoliyati:  
o‘qituvchining namoyishini kuzatish; o‘quv filmlarini tomosha qilish; grafik, jadval 
va  sxemalarni  tahlil  qilish;    kuzatilayotgan  hodisani  tushuntirish;  muammoli 
vaziyatlarni tahlil qilish. 
III.  Amaliy  (tajriba)ga  asoslangan  o‘quv-bilish  faoliyati:  o‘z  sohasi  bo‘yicha 
amaliy  tajribalar  o‘tkazish;  tajribaviy  masalalar  bilan  ishlash;  tarqatma  materiallar 
bilan ishlash; materiallar kollektsiyasini yig‘ish va tasniflash; mavjud ma’lumotlarni 
tahlil  qilish  asosida  ilmiy  farazlarni  ilgari  surish;  tajriba  ishlari  metodikasini  ishlab 
chiqish va tekshirish; tadqiqot tajribasini olib borish; modellashtirish va loyihalash. 
O‘quv-bilish  faoliyatining  turlari  shartli  ravishda  quyidagi  tarzda  ham  o‘zaro 
farqlanadi: 1) matn bilan ishlashga asoslangan o‘quv-bilish faoliyat; 2) 
turli 
ob’ektlarni  kuzatishga  asoslangan  o‘quv-bilish  faoliyati;  3)  turli  amaliy  ishlarni 
bajarishga asoslangan o‘quv-bilish faoliyati. 
O‘quv-bilish  faoliyatining  tarkiiy  tuzilmasida  quyidagi elementlar 
mavjud  bo‘ladi:  o‘quv-bilish  faoliyatining  o‘zaro  aloqador  bo‘lgan  alohida  turlari; 
faoliyatni  yaxlit bajarilishini  ta’minlovchi  muayyan  harakatlar 
 jamlanmasi; harakatlarni bajarish usullari bo‘lgan operatsiyalar.  
O‘quv-bilish  faoliyati  negizida  bilim,  ko‘nikma,  malaka  va  shaxs  sifatlari  aks 
etadi.  Ular  o‘quvchilik  yillarining  birinchi  sinfdan  boshlab  o‘zlashtiriladi.  Bu  kabi 
elementlar qatorida tez o‘qish, matnni o‘qish, matn mazmunini o‘zining so‘zlari bilan 
tayta hikoya qilish, kuzatish, eng oddiy xulosalar chiqarishga o‘rgatish.     
Umumlashtirilgan  o‘quv-bilish 
ko‘nikmalarining  shakllantirish  uchun 
faoliyatning  yo‘naltirilgan  asosini  topish  zarur.  Ko‘plab  tadqiqotchi-pedagoglar 
umumlashtirilgan  o‘quv-bilish  faoliyati  ko‘nikmalari  sifatida  quyidagilarni  e’tirof 
etadi:  tajriba,  kitob  bilan  ishlash,  kuzatish  va  boshqalar  (A.V.Usova);  masalalarni 
yechish  (N.N.Tulkiboeva),  tajriba  (A.A.Bobrov,  E.T.Izergin),  tizimlashtirish 
(A.N.Zvyagin, S.F.Shilova, L.Ya.Zorina),  kitob  bilan  ishlash  (V.K.Buryak), faoliyat 
metodlari (B.I.Korotyaev, P.I.Pidkasist, Z.F.Chexlova). 
Yu.K.Babanskiy
11
,  I.Ya.Lerner
12
,  G.I.Shukina
13
lar  tomonidan  o‘quv-bilish 
faoliyati  darajasini  aniqlashga  qaratilgan  yondashuv  keng  tarqalgan.  Unga  ko‘ra 
o‘quv-bilish  faoliyati  darajasi  uning  xarakteri,  o‘quvchilarning  mustaqillik  darajasiga 
muvofiq aniqlanadi: 1) reproduktiv (unumli, samarali); 2) izohli-ko‘rgazmali; 3) muammoli; 
4) qisman-izlanuvchan; 5) izlanuvchan.  
 D.B.Bogoyavlenskaya  esa  o‘quvchilarning  intellektual  faolliklaridan  kelib 
chiqqan holda o‘quv-bilish faoliyati darajalarini o‘ziga xos tarzda belgilaydi:  
                                                           
11
 
Бабанский Ю.К. Оптимизация процесса обучения. – М.: Педагогика, 1977. –  257 с. 
12
 Лернер П.С. Инновационные технологии повыщение интерактивности профильного обучения // Ж. 
Школьные технологии. – М.: 2004. - № 6. – С. 155-168. 
13
 Щукина Г.И. Педагогические проблемы формирования познавательных интересов учащихся. – М.: 
Педагогика, 1988. – 208 с.
 

---

1) reproduktiv (unumli, samarali); 2) evristik; 3) kreativ
14
. 
O‘quv-bilish faoliyati darajalarini belgilash haqidagi D.B.Bogoyavlenskiy
15
ning 
yondashuviga qo‘shilgan holda uni mazmunan yanada yanada rivojlantirish mumkin 
degan xulosaga kelindi. Shunga ko‘ra, o‘quv-bilish faoliyati darajalarini quyidagicha  
belgilash  o‘quvchilarning  bu  boradagi  amaliy  harakatlarini  ularning  mohiyatidan 
kelib  chiqqan  holda  bir-biridan    farqlash    va    yanada  aniq  baholash  imkoniyatini 
ta’minlaydi: 1) reproduktiv (unumli, samarali); 2) evristik; 3) tadqiqot; 4) kreativ.  
O‘quvchilarning  o‘quv-bilish  faoliyatini  rivojlantirishda  kichik  tadqiqot 
xarakteridagi  amaliy  harakat  ko‘nikma,  malakalariga  ega  bo‘lishlari  muhim 
ahamiyatiga  ega.  Chunki  ular  maktabda  tahsil  olish  jarayonida  bir  qator  ijodiy  va 
kichik  tadqiqot  xarakteridagi  o‘quv  faoliyati  (loyihalar,  ekspeditsiyalar)ni  amalga 
oshiradi.  Bu  esa  o‘z  navbatida  o‘quvchilarning  tadqiqot  ko‘nikma  va  malakalariga 
ega bo‘lishlarini taqozo etadi.