Nigora Erkaboyeva pedagogik mahorat (O‘quv qo‘llanma) Toshkent

rasm. O‘quvchilarda o‘quv-bilish faolligini rivojlantirish bosqichlari

1. 
   Moslashtirish-yo‘naltirish bosqichi. Ushbu bosqichda o‘quvchilar gumanitar va ijtimoiy-iqtisodiy fanlar, matematik va tabiiy-ilmiy fanlar hamda umumkasbiy fanlar bo‘yicha o‘quv jarayonining tashkil etilishi aosida o‘quv-bilish jarayonining mohiyatini anglaydi. Turli xarakter, murakkablik va shakldagi o‘quv
   

¹⁸ Половникова А.В. Обществознание / Учебник для 10 -11 класса: Базовый уровень. – М.: Просвещение, 2017. – С. 208.
¹⁹ Тот источник. – С. 208.
topshiriqlarni bajarish orqali o‘quv, kichik tadqiqot, loyiha, ishlab chiqarish faoliyatlarining mazmunidan xabardor bo‘ladi. Ularning o‘quv-bilish faoliyati bevosita fan o‘qituvchichi yoki “Texnologiya” fani o‘qituvchisi, tarbiyachilarning rahbarligida tashkil etiladi. Bunda o‘qituvchilar tomonidan beriladigan metodik ko‘rsatmalar o‘quvchilarda barcha turdagi, xususan, mustaqil ta’lim bo‘yicha o‘quv- bilish faoliyatini samarali tashkil etish yo‘li, shakl, metod va vositalari to‘g‘risidagi tasavvurning hosil bo‘lishini ta’minlaydi, tushunchalarni qaror toptiradi. Bilimlarning o‘zlashtirilishi reproduktivlik kasb etadi. Ya’ni o‘quvchilarning o‘quv-bilish faoliyati ko‘p holatlarda o‘qituvchilar tomonidan berilgan ma’lumotlar, bilimlarni qayta bayon qilishga asoslanadi.

2. 
   Shakllantirish bosqichi. Mazkur bosqichda o‘quvchilar turli murakkablikdagi o‘quv topshiriqlarini sifatli bajarish, mustaqil ta’limni samarali tashkil etishga doir ko‘nikmalarni o‘zlashtiradi. Ularning o‘quv-bilish faoliyati asta- sekin produktivlik (mahsuldorlik) kasb eta boshlaydi. Endilikda ular turli murakkablikdagi o‘quv, kichik tadqiqot, loyiha, ishlab chiqarish faoliyatlari mohiyatini ifodalovchi o‘quv-bilish harakatlarini mustaqil bajarish boshlaydi. Zarur o‘rinlardagina fan o‘qituvchisi yoki “Texnologiya” fani o‘qituvchisi, tarbiyachilarning metodik rahbarligiga ehtiyoj seziladi.
   
3.