Nеyrоpеdаgоgikа, pеdаgоgikаning yangi, mustаqil sоhаsi sifаtidа. Reja

NЕYRОPЕDАGОGIKА, PЕDАGОGIKАNING YANGI, MUSTАQIL SОHАSI SIFАTIDА.

REJA:

1. “Nеyrоpеdаgоgikа” ning fаn sifаtidаgi mоhiyati, аsоsiy kаtеgоriyalаri,

mеtоdоlоgik аsоslаri

2. “Nеyrоpеdаgоgikа”ning fаn sifаtidа kirib kelishi, rivоjlаnish tаriхi vа uning mаqsаdi, vаzifаlаri hаqidа mа’lumоtlаr bеrish.

Tayanch tushunchalar: Nеyrоpеdаgоgikа, kategoriya, asab, nerv tolalari, valeologiya, salomatlik.

Нейропедагогика - инсон миясининг ижодий имкониятларини аниқлаш, амалий (функционал) ривожлантириш, шахсда фаолиятга нисбатан фаол, онгли муносабатни қарор топтириш, ижтимоий хулқ-атворни психологик коррекциялаш, болалар руҳий ривожланишини ташхислаш, башоратлашнинг янги илмий дастурлари, самарали шакл, методлари ва махсус турдаги мактабгача таълим муассасалари фаолиятини тадқиқ этади.

Нейропедагогика когнитив нейрология ва дифференциал психофизиологиянинг асосида шаклланган янги фан соҳаси бўлиб, инсонга қандай таълим ва тарбия бериш кераклигига оид амалий муаммоларни хал қилишда кенг қўлланилади. Бунда, таълим-тарбия жараёнини ташкил этишда, инсон бош миясининг функсионал асимметрияси хисобга олинади.

Бола организми катта одам организмидан тубдан фарқ қилади. Демак, бола организми фақат катта одам қолипи бўлмай, балки ҳажми, физиологик хусусиятлари ва ташқи муҳитга мослашиши билан фарқ қилади. Болалар ва ўсмирлар физиологиясининг асосий ўрганадиган объекти ривожланиб келаётган ёш организмдир. Бинобарин, педагоглар таълим тарбия ишларини ёш физиологияси маълумотларига асосланган ҳолда олиб боришлари муҳим аҳамиятга эга. Мактаб, лицей ва касб-ҳунар коллежларида жисмоний тарбия, меҳнат дарсларида, ижтимоий - фойдали меҳнатда, соғломлаштириш ишларида болалар ва ўсмирларнинг анатомо-физиологик хусусиятлари албатта ҳисобга олиниши керак.

Ўсиб ривожланиб келаётган организм саломатлигини, жисмоний ва ақлий қобилиятини баҳолаш, соғлом ҳаёт кечириш асосларини аниқлаш ёш физиологияси илми ютуқларига боғлиқ. Шунинг учун ёш физиологияси илми ижтимоий аҳамиятга эгадир.

Буюк физиолог олим И.П. Павлов: «Замонавий тиббиёт касалликларнинг ҳамма сабабларини билиб олгандагина келажак тиббиётга, яъни кенг маънодаги гигиенага айланади» деб бежиз айтмаган.