New Fly High 5 (1-13 betlar) Uzbek pmd

Og‘zaki ingliz tilidagi xato va kamchiliklarni to‘g‘rilash

Hozirgi kunda ko‘pchilik o‘qituvchilar o‘quvchilari yo‘l qo‘yayotgan har bir xatoni tuzatish kerak yoki kerak emasligi to‘g‘risida ikkilanib qolishadi. Amaldagi sinfxonada urg‘u odatda nutqiy bexatolikka beriladi va hamma xatolar o‘sha yerning o‘zida tuzatiladi. Bunda muammo shundaki, ko‘pchilik o‘quvchilar xato qilish va uning xatosi tuzatilishidan qo‘rqib, gapirishni uncha xush ko‘rishmaydi. O‘quvchilarni ingliz tilidan haqiqiy muloqot qilish uchun foydalanishga ruhlantiradigan, o‘quvchiga yo‘naltirilgan sinfxonada nutqiy ravonlik, xatosiz nutq muhim ahamiyat kasb etadi. Bu bilan biz xatolar tuzatilmasin demoqchi emasmiz, lekin u New Fly High da qo‘llanilgan kommunikativ mashqlardan keyin qilinishi mumkin. Agarda buni muloqot paytida amalga oshirsangiz, unda Siz o‘quvchilaringizga muntazam ravishda xalaqit bergan bo‘lasiz. Albatta, Siz o‘quvchilaringiz yo‘l qo‘yayotgan xatolarni eslab qolishingizga to‘g‘ri keladi, shu sababli Siz sinfxonani aylanib yurar ekansiz, ularni o‘zingizga qayd qilib borish tavsiya etiladi. Mashqning oxirida o‘zingizga qayd etib qo‘ygan ba’zi odatiy yoki muhim xatolarni o‘quvchilarga aytib o‘tishingiz mumkin.

Shovqin

O‘quvchiga yo‘naltirilgan sinfxonada shovqin bo‘lishi tabiiy va uning nazoratli hamda konstruktiv ekanligini nazarda tutgan holda unga yaxshilik ramzi sifatida qaralishi lozim.
O‘quvchilaringizni juftlik va guruh ishlari davomida shovqin solmasdan va xushmuomalalik bilan gapirishga hamda vazifasini ertaroq bajarib bo‘lganlarni qo‘shimcha vazifa olishga tayyor bo‘lib turishga o‘rgating. Agar mashqni bajarishdan oldin aniq ko‘rsatmalar bersangiz, o‘quvchilaringiz vazifani adashmasdan va ortiqcha shovqinlarsiz bajara oladilar. O‘quvchilaringizni Siz va bir-birlari bilan qanday gaplashishiga doir qoidalar ishlab chiqing.

Ona tilidan foydalanish

New Fly High 5 ning mualliflari ingliz tili ingliz tili orqali yaxshiroq o‘zlashtiriladi deb hisoblaydilar, shu sababli biz o‘qituvchiga sinfxonada mumkin qadar ko‘proq ingliz tilidan foydalanishni tavsiya beramiz. Albatta, ba’zi hollarda o‘quvchilarga ona tilida tushuntirish kerak bo‘ladi. Lekin hamma narsani o‘quvchilarga tarjima qilib bermaysiz degan umiddamiz. Tadqiqot shuni ko‘rsatadiki, agar o‘quvchilar ma’noni o‘zlari chaqib olishga ruhlantirilsa, ularning o‘rganishi samarali bo‘ladi.