Нефтни қайта ишлашда каталитик жараёнлар фанида маърузалар матни

Катализаторлар

Каталитик риформинг жараёнларининг ривожланиши юқори фаолликка эга бўлган ва селектив катализаторларни ишлаб чиқиш билан боғлиқдир. Юқори фаолликка эга бўлган катализаторларни ишлаб чиқиши натижасида тизимда босимни пасайтиришга шу билан биргаликда гидрокрекинг реакцияларни камайтиришга, парафин углеводородларни чуқур углеводородларга айлантиришга эришилди.

Каталитик риформинг жараёнини чуқур ўзгариши молибден оксид катализаторларидан платина катализаторларига ўтишдан бошланди.
Платина катализатори бифункционал катализатор бўлиб, у платинани фаол ташувчи ўтказиш орқали синтез қилинади. Фаол ташувчи сифатида -оксид алюминий ишлатилади.
Фаол ташувчида протон ва апротон кислотали марказлари бўлиб, у марказларда карбоний ион реакцияси нафтен ҳалқаларнинг изомерлаш, парафинларни гидрокрекинг, паст молекулали парафин ва олефинлари изомерланиш ва кейинчалик олефинларни тўйиниш реакциялари кетади.
Платина ташувчи юзасида тарқалиб жойлашган бўлганлиги учун у гидридловчи дегидрловчи хоссага эга.
Фаол платина катализатори жараёнини бир мунча юмшоқ шароитда олиб боришга 480-530С, ҳажмий тезлик 1-4с^-1 да, аммо системада юқорироқ 3-4МПа босимда олибборилиб, катализаторни бир неча ойлаб регенерация қилмасдан ишлатишга эришилди.
Каталитик риформинг жараёнида таркибида платина бор бўлган катализаторларни ишлатилиши учун бу жараён платформинг жараёни деб аталади.
Каталитик риформинг жараёнини ривожланиши йўналиши янада фаол би- ва полиметалл катализаторлар яратиш билан бошланди.
Риформинг жараёнида плптина – рений катализаторлари (таркибида 0,4% платина ва шунга яқин рений метали) қўлланилди. Катализаторни таркибида иккинчи металлни бўлиши платинани рекристализация бўлишига, яъни платина кристалларини катталашишига, натижада фаол марказни камайишига йўл қўймайди. Платина – рений катализатори қўлланилган жараённи рений форминг деб аталди. Платина – рений катализаторларни қўлланилиши натижасида жараённи ҳароратини 470-500С ва босимини 1,4-2МПа гача пасайтиришга эришилди.
Иккинчи металл сифатида ренийдан ташқари германий, иридий, родий, қўрғошин каби металлар ҳам ишлатилди.
Фаол компонентлардан ташқари юқори ғовакликка ва зичлиги паст ташувчилар қўлланилиб углеводородларни катализаторнинг ички юзасига кириши ўнғайлаштирилди.
КР типидаги полиметалл катализаторларни қўлланиши парафинларни дегидроциклизация жараёнини янада чуқурлаштирди. Натижада босимни пасайиши ҳисобига катализатнинг таркибида ароматик углеводородларни миқдорини 50% дан ошишига эришилди.
КР-2 ва КР-4 катализаторлари АП-64 катализаторига нисбатан маълум миқдорда стабил бўлиб, КР-4 катализаторини жараёнда ишлатилганда босим 9МПа хом-ашё бензин таркибида олтингугуртнинг миқдори 0,0001%, катализаторда хлорнинг миқдори 0,8-0,9% бўлиши керак.