Нефть ва газни қайта ишлаш жараёнлари ва ускуналари Ўзбекистон Республикаси Олий ва ўрта махсус таълим вазирлиги олий ўқув юртлари бакалавриатининг «Нефть ва нефть-газни қайта ишлаш технологияси»

ТАЯНЧ СЎЗ ВА ИБОРАЛАР

Ускуналарни синфлаш, ректификацион колонналар, абсорбцион колонналар, тарелкали колонналар, пленкали колонналар, суюқликни сочиб берувчи колонналар, мавҳум қайнаш қатламли колонналар, контакт мосламалари, ғалвирсимон, қалпоқчали, пластинали, S-симон элементли, тез ҳаракат қиладиган оқимли тарелкалар, қуйилиш мосламалари, барботаж, пуфакли, кўпикли, ингичка оқимли ва эмульгацион режимлар, насадкаларнинг турлари, насадкаларнинг таснифий катталиклари, колоннали ускуналарни ҳисоблаш, ускунанинг ўлчамлари, ютилган компонентнинг миқдори, абсорбентнинг сарфи, буғ фазасининг сарфи, тарелкали ускуналарнинг гидравлик қаршилиги, насадкали ускуналарнинг гидравлик қаршилиги.

МУСТАҚИЛ ИШЛАШ УЧУН САВОЛЛАР

1. 
   Нефть ва газни қайта ишлаш корхоналарида қайси русумдаги ректификацион ва абсорбцион колонналардан фойдаланилади?
   
2. 
   Тарелкали колонналар неча турга бўлинади? Қуйилиш мосламаси бор ёки йўқ бўлган тарелкалар ўртасида қандай принципиал фарқ мавжуд?
   
3. 
   Қуйилиш мосламаси бўлган тарелкалар неча хил гидродинамик режимда ишлайди? Барботаж деган сўзнинг маъноси нимадан иборат?
   
4. 
   Элаксимон ва пластинали тарелкалар ўртасида қандай умумий ва хусусий томонлар бор? Бундай тарелкаларнинг самарадорлигини қандай йўллар билан ошириш мумкин?
   
5. 
   Насадкали колонналарнинг гидродинамик режимлари. Қайси режимда ускуна юқори самарадорликка эга?
   
6. 
   Насадкаларнинг асосий ва энг юқори самарадорликка эга бўлган турлари. Насадкалар қандай кўрсатгичлар билан тавсифланади?
   
7. 
   Насадкали колоннанинг ишлаш принципи. Нима сабабдан бундай ускуналар саноатда энг кўп ишлатилади?
   
8. 
   Мавҳум қайнаш қатламли колонна. Ушбу ускунанинг моҳияти ва унинг афзаллик жиҳатлари нимадан иборат?
   
9. 
   Насадкали эмульгацион колоннанинг тузилиши. Ушбу ускунанинг ижобий ва салбий томонларини қандай изоҳлаш мумкин?
   
10. 
    Колоннали ускуналарни ҳисоблашнинг умумий тартиби. Тарелкали ва насадкали ускуналарни ҳисоблашда қандай умумий ва хусусий томонлари бор?
    
11. 
    Тарелкали абсорберларнинг гидравлик қаршилигини ҳисоблашда қайси тенгламалардан фойдаланилади?
    
12. 
    Насадкали абсорберларда ламинар ва турбулент режимлар учун қаршилик коэффициентини аниқлашда қайси эмпирик тенгламалар ишлатилади?