Neft va gazni qayta ishlash texnologiyasi

VI - BОB

TOVAR YOQILG’ILAR VA MOYLARNI TAYORLASH
6.1.-§. Avtomobil va aviastiya benzinlari

Tovar benzinlari neftni qayta ishlashning har xil jarayonlaridan olingan benzin frakstiyalarini kompouidirlash bilan olinadi. Komponentlarni aralashtirish benzin frakstiyalari resurslari va har bir komponentning xossalaridan rastional foydalanish va talab qilingan sifatli tovar mahsulot olish imkonini beradi.

Tovar avtomobil benzinlarini tayyorlashda qo’llaniladigan komponentlar sifati va miqdori bilan bir – biridan farq qiladi. Hozirgi vaqtda neftni qayta ishlash zavodlarida quyidagi markadagi avtomobil benzinlari ishlab chiqariladi: A-80, AI-93 va AI-98. Undan tashqari kam miqdorda maxsus texnik shartlarda “ekstra” benzini ham ishlab chiqariladi. Termik kreking, katalitik kreking, katalitik reforming, kokslash, gidrokreking, olpillash, polimerlash, izomerlash va boshqa neftni qayta ishlash jarayonlaridan to’g’ri haydash bilan olingan komponentlarni aralashtirish yo’li bilan zamonaviy benzinlar tayyorlanadi. Ko’p hollarda tovar benzinlaridagi komponentlarning nisbati uning detonastion mustahkamligini, frakstion tarkibiga qo’yiladigan talablarni oltingugurt miqdorini va ximiyaviy barqarorligini aniqlab beradi.