Нефт ва газни қайта ишлаш кимёвий технологияси” кафедраси

Ишлатиладиган аппаратлар, реактивлар
ва эритмалар
Қопқоғи жипсланиб беркиладиган кичкина стаканчалар диаметри 10мм, баладлиги 15мм.
Капелницалар, пипеткалар, бюреткалар.
қопқоғи жипсланиб беркиладиган ҳажми 250 ва 500 см³ конус шаклидаги колбалар.
Калийли йод тузининг 20% ли эритмаси, металл ҳолидаги йод, натрий тиосульфатнинг 0,1н. ли (0,1 моль/дм³) титрланган, крахмалнинг сувдаги 0,5%-ли эритмаси, ацетон, сульфат кислотасининг сувдаги 1:3 нисбатидаги эритмаси, дистилланган сув.


Анализга тайёрланиш ва уни бажарилиши
Текшириладиган нефть маҳсулотини тайёрлаб қўямиз. Агарда маҳсулотни таркибида намлиги бўлса, уни қуритамиз.
Йодни спиртдаги эритмасини тайёрлаймиз. Бунинг учун 20,0 г металл ҳолидаги йодни 1000 см³ этил спиртида эритамиз.
Иккита стаканчага йод сони аниқланадиган нефть маҳсулотини 0,0004 г аниқлигигача тортиб оламиз. Маҳсулотни қанча миқдорда олиниши унинг таҳминий йод сонига боғликдир жадвалга қаранг.
Жадвал

Нефть маҳсулотини тахминий йод сони	Анализ учун олинадиган нефть маҳсулотининг миқдори, г
5,0 гача 5,0 дан 10,0 гача 10,0 дан юқори	2,0 дан 4,0 гача 1,0 дан 2,0 гача 0,2 дан 0,4 гача

Ҳажми 500 см³-ли конус шаклидаги (қопқоғи яхши беркиладиган) колбага 15 см³ этил спирти қуямиз ва колбани ичига нефть маҳсулоти солинган стаканчани жойлаштирамиз (стаканчани қопқоғи эҳтиётлик билан очилган ҳолида).
Дизел ёқилғисини текширилаётганда колбага этил спирти ўрнига 15 см³ ацетон қуйилади.
Колбага йодни спиртдаги эритмасидан 25 см³ қуямиз. Колбанинг қопқоғини йодли калийнинг эритмаси билан ҳўллаб, кейин колбани яхшилаб ёпамиз. Эҳтиётлик билан колбани чайқатамиз. Колбага 150 см³ дистилланган сув қуйиб, тезда қопқоғини ёпиб, 5 минут давомида колбани чайқатиб турамиз. Колбани қопқоғини ва ички деворларини сув билан ювамиз. Колбага йодли калийни эритмасидан 20-25 см³ қуйиб натрий тиосульфатни эритмаси билан титрлаймиз. Колбадаги суюқлик оч-сариқ рангни олганда крахмалнинг эритмасидан 1 дан 2 см³ гача қуйиб, суюқликнинг кўк-бинафша ранги йўқолгунча титрлашни давом эттирамиз.
Йод сонини ҳисоблаш учун бошқа колбада худди шу ишларни нефть маҳсулотисиз бажарамиз.