Neft va gaz kon mashina mexanizmlari fanidan 2-ma’ruza

Neft va gaz kon mashina mexanizmlari fanidan 2-ma’ruza

Tayyorladi: Sh.S.Norqulov

QUDUQLARNI ISHLATISH JIHOZLARI

Reja:

• Ishlatish quduqlari.
• Ishlatish quduqlarining yer usti jihozlari
• Ochiq favvora bo’lishi oldini olishda qo’llaniladigan quduq jihozlari

Ishlatish quduqlari

Neft gaz qazib olish sanoatida quduqlarning inshooti har xil maqsadlar uchun mo’ljallanadi va ular tuzilmali, izlov, qidiruv, ishlatish, haydovchi va maxsus turlarga bo’linadi.

Ishlatish quduqlari orqali neft, gaz yoki gazkondensat qazib olish amalga oshiriladi; haydovchi quduqlar orqali – qatlamga suv, gaz, bug’ haydaladi. Konlarni ishlatish jarayonida bir qator sabablarga muvofiq qazib oluvchi quduqlar haydovchi quduqlarga o’tkaziladi yoki teskari holda foydalaniladi. Konlarda maxsus mo’ljallangan quduqlardan konni ishlatishni nazorat qilishda, tuzilmali, kollektorlarning xossasi, qatlamdagi issiqlikning ta’sir etishi va hakozolar aniqlashtiriladi.

Ishlatish quduqlari inshootlarning eng muhim qismi hisoblanadi. Ularning umumiy yig’indisi quduqlarning ishlatish fondini taqdim qiladi, bahosi zamonaviy konlarning texnik jihozlanishining umumiy 70-80 % ni tashkil qiladi. Bunday quduqlarning profili quduqlarning qazish texnologiyasini talabidan va ishlatish usulidan kelib chiqib har xil bo’ladi.

Neft va gaz qazib olishni jadallashtirish maqsadi quduqlar mahsuldor qatlamning ichiga gorizontal yo’nalishda burg’ilab kiriladi. Gorizontal quduqlarni burg’ilash texnologiyasi murakkab va narxining baland bo’lishiga qaramasdan qazib olish debitining yuqoriligi tufayli iqtisodiy samaradorligi yuqoridir. Quduqlarning profillari 1-rasmda ko’rsatilgan 1-rasm, a-tik, b-qiya quduq tubi tiklikdan bir oz egilgan. 1-rasm, b-dan kurinib turibdiki u uchta uchastkadan tashkil topgan – tik, o’tish, maksimal zenit o’tish burchakka mos keladi va quduq tubigacha qiya to’g’ri yo’naltirilgan.