Нефт-газни қайта ишлаш жиҳозлари, ускуналари ва лойиҳалаш асослари

5.-расм. Эмульгацион режимда ишлайдиган насадкали колонна
5-расмда эмульгацион режимда ишлайдиган насадкали колоннанинг схемаси кўрсатил-ган. Колоннанинг пастки қисмидаги тўрнинг устида майда цилиндрсимон ҳалқачалар қатлами жойлашган. Шу сабабли суюқлик симон труба орқали тушади. Насадкали колон-наларнинг тузилиши содда ва тайёрлаш осон. Камчилиги: аппаратнинг кўндаланг кесими бўйича суюқлик ва буғнинг тезлиги хар хил қийматга эга. Шу сабабли насадкали колонналарнинг эффективлиги кам.
Эмульгацион колонналарда эса буғ-суюқлик эмульсияси аппарат кўндаланг кесими буйича бир хил тирзда тарқалади.
Шу сабабли эмульгацион колонналарнинг эффективлиги оддий насадкали колонналар эффективлигига нисбатан юқори.
Плёнкали колонналар. Бундай колонналарнинг асосий элементи бўлиб трубалар хизмат қилади. Кубнинг буғлари трубаларга ўтади. Дефлегматорда флегма ҳосил бўлади. Трубанинг юқори қисмларида буғлар сув билан совутилиш сабабли конденсацияга учрайди. Бунинг натижасида флегма трубаларнинг ўзидаёқ ҳосил бўлади. Трубалардан тушиб келаётган плёнкаларнинг юзасида буғ ва суюқлик ўртасида контакт бўлади.
Енгил учувчан компонент билан бойиган буғ совиткичга юборилади. Трубаларнинг диаметри 5-20 мм бўлиши мумкин.
Плёнкали колонналарнинг эффективлиги трубаларнинг диаметрига боғлиқ бўлади. Трубаларнинг диаметри камайиши билан эффективлиги ортади.
Ротацион аппаратлар. Бундай аппаратлар икки группага бўлинади:
а) вертикал вал билан;
б) горизонтал вал билан. Икки хилдаги аппарат марказдан қочма куч остида ишлатилади. Расмда вертикал валли ротацион аппартнинг схемаси кўрсатилган.
Бундай колонна икки турдаги конуссимон тарелкалардан ташкил топган. Биринчи группа тарелкалар вертикал валга ўрнатилган бўлиб, минутига 250 марта тезлик билан айланади, иккинчи группа тарелкалар корпусга бириктирилган бўлиб, қўзғалмас ҳолда бўлади. Аппарат ишлаётган пайтда флегма марказдан қочма куч таъсирида айланучи тарелкаларга улоқирилади.
Ундан сўнг яна ҳаракатланучи тарелкаларга ўтади. Буғ флегмага қарама-қарши ҳаракат қилади. Натижада буғ ва флегма ўртасида контакт юз беради. Бундай ротацион аппаратлар юқори ажратиш қобилиятига эга бўлади.