Неа фанининг республикамизда жорий қилинаётган илғор технологиялари ва уларни ривожлантиришдаги ахамияти

SO’Z BOSHI

Hozirgi ta’lim tizimining saviyasini oshirish maqsadida yetuk mutaxassislar tomonidan fanlar bo’yicha o’quv qo’llanmalar, ma’ruzalar to’plami, uslubiy qo’llanmalar chop etilmoqda. Ammo ko’pchilik qo’llanmalar rus tilida nashr qilinmoqda. O’zbek tilida chop etilgan qo’llanmalar yetarli darajada ko’p emas. Ayniqsa, ixtisoslik yo’nalishlari elektronika, texnika fanlari bo’yicha milliy tildagi adabiyotlar juda ozchilikni tashkil qiladi. Shu nuqtai nazardan “Nanomaterialllar va nanozarrlalarni olish va organish usullari” fanlari yo’nalishi bo’yicha o’zbek tilida darsliklar kam. Bunday holat milliy kadrlarni sohalar bo’yicha bilimlarni to’liq olib, o’zlashtirishda qiyinchiliklarga olib keladi. Bundan tashqari hozirda rus tilida nashr etilayotgan adabiyotlarda, yangi so’zlarning ishlatilishi, yo’nalish bilimlarini o’zlashtirshda talabalarga yana ham murakkablik to’g’diradi.

Hozirgi kunda barcha sohalarga yangi texnologiyalar kirib kelmoqda, ayniqsa nanotexnologiya sohasini rivojlanishi, ishlab chiqarilayotgan elektron qurilmalarni ixchamlashishiga, ishlash tezligining oshishiga, inson mehnatini yengil qiluvchi yangi qurilmalarni ixtiro bo’lishiga sabab bo’lmoqda. Rivojlangan davlatlarda bu yangi texnologiyalarga katta e’tibor berilmoqda, shu bilan birgalikda Respublikamizda ham yangi texnologiyalarni rivojlantirish uchun e’tibor qaratilmoqda. Shu sababli bu texnologiyalarni boshqara oladigan, yangi texnologiyalar haqida ma’lumotlarga ega bo’lgan etuk kadrlarni tayyorlash uchun barcha texnika oliy o’quv yurtlarida yangi texnologiya fanlari o’qitilsa maqsadga muvofiq bo’lar edi deb o’ylaymiz.
Ushbu o’quv qo’llanmada nanoelektronikaning nazariy asoslari, nanozarralarni olish usullari, nanomateriallarni xossalarini zamonaviy usullar yordamida o’rganish usullari, nanoo’lchamli asboblar, qurilmalar, hamda yangi texnologiya – nanotexnologiyani turli sohalarda qo’llanilishi, uning istiqbollari keltirilgan. Kelajakda ushbu o’quv qo’llanmani yanada boyitishni maqsad qilganmiz.
Mualliflar o’quv qollanma tayyorlashda ba’zi kamchiliklarga yo’l qo’ygan bo’lsa, kitobxondan uzr so’raydi. Chunki, kitob birinchi bor o’zbek tilida chop etishga tayyorlandi. Shuning uchun kitobxon nuqtai nazaridan kamchiliklardan holi emas.
Mualliflardan