Nazorat topshiriqlari Tibbiy kimyo kafedrasi2021 yil 5 yanvardagi yig’ilishida muhokamaqilindi va tasdiqlandi. Bayonnoma № Kafedra mudiri: t f. d (PhD) D. Q. Xolmurodova

Yutilish spektrida ma’lum to’lqin uzunligiga mos kelgan yutilish maksimumi (lmax ; Dmax ) yoki to’lqin soni (vmax; Emax ) aniqlanadi. Yutilish spektri har bir individual (ayrim) modda uchun o’ziga xos bo’lib, ular yordamida moddaning sifat tahlilini bajarish mumkin. Ba’zi bir dori moddalarning miqdorini spektrofotometrik usul bilan aniqlash uchun standart namunaning eritmasidan foydalanishga to’g’ri keladi. Standart namuna uchun farmakopeya qo’mitasi tomonidan qayd etilgan MTX bo’lishi lozim.

Amalda, ko’pchilik hollarda MTX bilan tasdiqlangan standart namuna bo’lmaganligi uchun ayni shu moddaning farmakopeya maqolasining barcha talablariga javob bera oladigan namunasi shartli ravishda standart namuna deb qabul qilinadi.

Spektrofotometrik usul bilan dori moddasini tahlil qilish uchun optik zichligi 0,3 dan 0,7 gacha qiymatda bo’ladigan konsentratsiyada eritma tayyorlash tavsiya etiladi. Eritma optik zichligining eng qulay qiymati 0,434 deb belgilangan, chunki bu qiymatga mos bo’lgan optik zichlik asosida eritmaning konsentratsiyasi aniqlanganda nisbiy xatolik kichik qiymatda bo’ladi.