Nazorat savollari Meva qanday shakllanadi?

---

103
Nazorat savollari 
 
1. Meva qanday shakllanadi? 
2. Meva yonligining tuzilishi va tasniflashdagi ahamiyati. 
3. Apokarp mevalar va ularga misol keltiring. 
4. Senkarp mevalar va ularga misol keltiring. 
5. Meva va urug‘larning tashqi omillarsiz tarqalishi. 
6. Meva va urug‘lar qanday tashqi omillar ishtirokida tar-
qaladi? 
 
O‘simliklarning ekologik guruhlari va hayot shakllari 
Namlikka nisbatan o‘simliklarning asosiy ekologik guruhlari 
quyidagicha: 
1. Gidrofitlar
– bu guruhga suvda o‘sadigan va erkin suzib 
yuradigan yoki suvning tagiga ildizlar yordamida birikkan 
o‘simliklar kiradi. Bular suv o‘simliklari hisoblanib, ular butunlay 
yoki bir qismi suvda botib turuvchi o‘simliklardir. Ularga barcha 
suvo‘tlari, nufar, g‘ichchak, lotos, suv ayiqtovoni, buldurudo‘t, 
o‘qbarg, elodeya, ryaska, qo‘g‘a va boshqalar kiradi. 
2. Gigrofitlar
– bu guruhga yer - havo muhitiga moslashgan, 
tanalari qismi suvga botgan holda o‘suvchi o‘simliklar kiradi. 
Gigrofitlar suvni tez parlanib ketmasligiga qarshi maxsus moslam-
alarga ega emas. Gigrofitlar suvi yetarli bo‘lgani uchun anatomik
tuzilishida gidrofitlarga o‘xshab ketadi – hujayra orasida bo‘shliq-
larning hamda havo bo‘shliqlarini bo‘lishi, lekin mexanik to‘qima-
larning yaxshi taraqqiy qilganligi bilan, o‘tkazuvchi bog‘lamlarning 
yaqqol ko‘rinishi bilan farq qiladi.
3. Mezofitlar
– guruhiga kiruvchi o‘simliklar gigrofitlar bilan 
kserofitlar oralig‘idagi organizmlardir. Mezofitlarning ildiz sis-
temasi yaxshi rivojlangan, barglari yirik, yassi, yumshoq, etsiz, 
to‘qimalari o‘rtacha rivojlangan. Barg eti bulutsimon va ustunsimon 
to‘qimalarga ajralgan. Barglar ko‘pincha tuksiz, og‘izchalari, odat-
da, bargning ostki tomonida joylashgan.