Nazorat savollari Menejment nima?

13. O’rta Osiyoda menejmentning nazariy asoslari va tamoyillari.
Ўрта Осиёда менежментнинг назарий асослари ва унинг асосий принциплари қадим замонларда ҳам у ёки бу кўринишда мавжуд бўлган. Аммо улар Амир Темур ҳукмронлиги даврига келиб маълум шаклни касб этган, бунга Амир Темурнинг “Темур тузуклари” асари ёрқин мисол бўла олади.
Амир Темур ўз давлатини барпо қилишда ўтмишда мавжуд бўлган сиёсий бошқарув тажрибаларидан кенг фойдаланди. Бироқ, унинг давлат бошқарув тизими қўл остидаги бутун ҳудудда ягона, марказлашган сиёсий тартиб асосига қурилган бўлиб, бу соҳадаги тажрибалар идора усуллари билан бойитилган эди. «Темур тузуклари»да давлатчиликнинг қуйидаги муҳим асосларига амал қилиш ҳақида хабар келтирилади:

• 
  давлатнинг сиёсий жиҳатдан мустақил бўлиши;
  
• 
  давлат ва жамият сиёсий яхлитлигининг бузилмаслиги;
  
• 
  давлат ва жамиятнинг муайян қонунлар, тартиблар, мафкура асосида бошқарилиши;
  
• 
  бошқарув тизимини мувофиқлаштириб турувчи қоидалар шаклланган бўлиши;
  
• 
  жамиятдаги ижтимоий-иқтисодий муносабатларнинг аҳволи давлат эътиборида бўлиши.