Nayza uloqtirish

5-vazifa Nayza bilan yugurish va nayzani orqaga olib borish texnikasini o’rgatish.

• Vositalar. 1. Nayzani yelka ustida ushlagan holda bir maromda va tez yugurish (50-60 m gacha).
• 2. Yurish va sekin yugurish paytida nayzani (tosh, tennis to’pi) orqaga tortish.
• 3. Shu mashqning o’zini yugurib kelishni tezlashtirayotib bajarish.
• Tashkiliy uslubiy ko’rsatmalar. Nayza bilan yugurib kelish texnikasini oldingi vazifalarni hal qilish jarayonida bir yo’la o’rganish mumkin. Nayza bilan yugurishni o’rgatish vaqtida harakatlarni erkin bajara olish va nayzani yelka ustida ko’tarib yugurish muhim ahamiyatga egadir. Nayza ushlash og’ir bo’lmasligi uchun uchini sal yerga qaratib, qiyaroq tutish kerak.

6-vazifa. Nayzani yugurib kelib uloqtirishni o’rgatish.

• Vositalar. 1. Nayzani (tosh, tennis to’pi) dastlabki qisqa yugurib kelishdan (2-4-6 qadamdan) uloqtirish. 2. Yugurishni tezlashtirgan holda nayzani (tosh, tennis to’pi) uloqtirish. 3. Belgilangan uzoqlikdan to’liq yugurib kelib nayza uloqtirish.
• Tashkiliy uslubiy ko’rsatmalar. Qisqa yugurib kelib nayzani uloqtirishdan oldin 2-4 qadamdan uloqtirishga taqlid qilish kerak. Bu mashqlarni yengil tosh yoki tennis to’pi bilan bajarish mumkin.

7-vazifa. Nayza uloqtirish texnikasi elementlarini takomillashtirish va ularni individuallashtirish: turli xil sharoitlarda to’g’ri uloqtirish malakalarini mustahkamlash.

• Vositalar. 1. Nayzani (tosh, tennis to’pi) 3-5 qadamdan yugurib kelib uloqtirish. 2. To’liq yugurib kelib nayzani shamol yo’nalishiga nisbatan turli tomonga uloqtirish. 3. Nayzani musobaqa qoidasiga rioya qilgan holda bor kuch bilan uloqtirish va musobaqalarga qatnashish.

Nayza uloqtirish bo’yicha musobaqa qoidalari.

• Nayza uloqtirish musobaqasi ochiq maydonlarda o’tkazilib, nayzaning yosh guruhlariga ko’ra quyidagi og’irliklari va uzunliklarda bo’ladi.
• Qizlar uchun 500 g, uzunligi 2000-2100 mm, ayollarda 600 g uzunligi 2200-2300 mm. O’smir o’g’il bolalarda 700 g, uzunligi 2300-2400 mm. Erkaklarda og’irligi 800 g va uzunligi 2600-2700 mm. Nayza asosiy 3 qismdan tuzilgan bo’lib sop, metaldan yasalgan uchli nayzasi hamda ipli o’ramadan iborat bo’ladi. Nayza uloqtirishda g’olibni aniqlashda saralashda 3 ta imkoniyat hamda ular ichidan 8 kishi saralanib va ularga final bosqichida yana 3 ta imkoniyat beriladi. Nayzani uloqtirishda uloqtiruvchi nayzani ipli o’rama joyidan ushlab yugurib kelib bosh ortidan uloqtiradi. Natija nayza maydonga uchi bilan qadalgan holda yoki uchi bilan tushib iz qoldirgan holatda natija hisobga olinadi.