Nayza uloqtirish

Nayza uloqtirayotganda oyoq izlarining joylashish sxemasi.

Nayza uloqtirish texnikasini o’rgatish uslubiyati.

• 1-vazifa. Shug’ullanuvchilarni yugurib kelib nayza uloqtirish texnikasi bilan tanishtirish.
• Vositalar. 1. Ko’rgazmali qurollardan foydalangan holda yugurib kelib nayza uloqtirish texnikasi asoslarini tushuntirish. Eng yaxshi nayza uloqtiruvchilar texnikasini kuzatish.

2-vazifa. Nayzani to’g’ri ushlash va qo’ldan chiqarib yuborishni o’rgatish.

• Vositalar. 1. Nayzani to’g’ri ushlashni ko’rsatish va tekshirib ko’rish. 2. Uloqtirish tomoniga qaragan holda nayzani bir qo’llab va ikki qo’llab oldinga, pastga va oldinga uloqtirish. 3. Yengil (200-300 gr.) xarsang tosh, tennis to’plarni yoki o’quv granatlarini uloqtirish (erkaklar uchun 500-700 gr., ayollar uchun 300-400 gr.).
• Tashkiliy uslubiy ko’rsatmalar. Nayza ushlashni o’rta va bosh barmoq bilan ushlashdan boshlash kerak.

3-vazifa. Oxirgi kuch berish fazasini o’rgatish.

• Vositalar. 1. Yelka kamarini o’ngga burgandan keyin uloqtirish tomoniga qaragan holda turgan joydan nayza uloqtirish.
• 2. Shu mashqning o’zini, o’ng tomonga yarim burilib turgan holda bajarish.
• 3. Joydan turib granata, tosh va tennis to’pini uloqtirish.
• Tashkiliy uslubiy ko’rsatmalar. Oxirgi kuch berishni o’rgatish turgan joydan nayza uloqtirishdan boshlanishi kerak. Birinchi mashqda yuz uloqtirish tomoniga to’g’ri qarab turgan holda nayza uloqtiriladi. Nayza uloqtirishdan oldin nayza ushlagan qo’lni erkin ravishda orqaga tortib yelka kamari o’ngga burilishi kerak.

4-vazifa. Yugurib kelishdan nayzani uloqtirishga o’tish texnikasini o’rgatish.

• Vositalar. 1. Chalishtirma (eng so’nggidan oldingi) qadamga taqlid qilish. 2. Chalishtirma qadamdan nayza (tosh, tennis to’pi) uloqtirishni taqlid qilish va uloqtirish. 3. Nayza (tosh, tennis to’pi)ni orqaga tortgan holda yugurib kelib uloqtirish.
• Tashkiliy uslubiy ko’rsatmalar. Yugurib kelishdan nayza uloqtirishga o’tish chalishtirma qadam vaqtida amalga oshiriladi. Buni bajarishda eng muhimi oxirgi kuch berishni yugurish bilan qo’shib olib borishda tezlikni yo’qotmay turib, snaryaddan maksimal va tez o’tib ketishdir.