Navoiy shahar 2- umumiy o`rta ta’lim maktabi Ona tili va adabiyot yo‘nalishi metodbirlashma rahbari Yuldosheva Ma’mura G`aybulloyevna tomonidan o‘tkazilgan metodik tadbirlar to‘g‘risida ma’lumot

Usulni baholash tartibi: O‘quvchi 1 ta topshiriqni bajarsa “3” ball, 2 ta topshiriqni bajarsa “4” ball, 3 ta topshiriqni bajarsa “5” ball.
Shuningdek, topshiriqni to‘g‘ri bajarib, to‘la qonli bajarmasligi mumkin. Bunda ikkita yarim javob bitta hisoblanadi.
Usulning afzalliklari: 6 o‘quvchi topshiriqlarga javob yozgunga qadar 4-5 o‘quvchidan uyga vazifa so‘rab baholanadi. Natijada o‘tilgan mavzu bo‘yicha 10-11 o‘quvchi birdan baholanadi.Yangi mavzuda ham 6-7 o‘quvchi baholansa, butun dars davomida 18 nafar o‘quvchi baholanadi.Ikki darsning o‘zidayoq barcha o‘quvchilar baholanadi. Bu esa o‘z navbatida barcha o‘quvchilarni doim darsga tayyor bo‘lib kelishga undaydi. Ularda bugun “O‘zingni sina” usuliga men chiqishim mumkin degan fikr bo‘ladi va darsga tayyor bo‘lib kelishga harakat qiladi. Bu usul o‘quvchilarning xohishiga qarab o‘tkazilganda o‘ziga ishongan o‘quvchilargina qatnashishadi va bilimlarini sinovdan o`tkazishadi. Yaxshi ball olgach o‘zlariga bo‘lgan ishonch yanada ortadi. Shuningdek, o‘qituvchi o‘quvchilarning bilimlaridagi bo‘shliqlarni aniqlaydi va shu bo‘shliqlar ustida ishlaydi.
“O‘zingni sina” usulida baholanayotgan o‘quvchining har biriga o‘z ichiga 3 ta topshiriqni olgan, varaqalar tarqatiladi. Varaqalarninf dizaynini har bir o‘qituvchi o‘z estetik dididan kelib chiqib tayyorlashi mumkin.
O‘quvchilar bu topshiriqlarni 10 daqiqa vaqt davomida bajarib ulgurishi kerak. Tajribam davomida shuni guvohi bo`ldimki, a’lochi o`quvchilar bu topshiriqlarni belgilangan vaqtdan ilgari bajarib bo‘lishadi. Shu sababli ular uchun bu topshiriqlarni murakkablashtirib alohida tuzish lozim. Bu usulni doimiy qo`llash o`quvchilarda olgan nazariy bilimini amalda qo‘llash va gapni turli xil usulda tahlil qilish malakasini rivojlantiradi.
“O‘zingni sina” usulidagi topshiriqlardan namunalar
Sana :
Sinf: 8-sinf
O`quvchining ismi, sharifi:
1. Shaxsi noma’lum gaplar haqida to‘liq ma’lumot bering ._________________
__________________________________________________________________
2. Egali gap shaklidagi xalq maqollaridan 3 ta yozing. ______________________
__________________________________________________________________
__________________________________________________________________
3.Quyidagi gapni sintaktik tahlil qiling:
Yolg‘onchilik, ezmalik, takabburlik, chaqimchilik izzat-obro‘ni barbod etadi.
* * * *