Navoiy davlat pedagogika instituti "tasdiqlayman"

Aniqlashtirish darajasi – 
tadqiqotda olingan yangi natija shu vaqtgacha mavjud 
bo’lgan ma’lumotlarni aniqlashtiradi, o’quv-tarbiyaviy jarayonga tegishli metodlarni, 
alohida o’quv predmetini o’qitish metodlarini, tarbiyaviy ish metodikasini, pedagogika 
tarixi va metodologiyasining ayrim holatlarini zamon talablari asosida oydinlashtiradi 
va aniqlashtiradi. 
To’ldirish darajasi
– yangi natija, ma’lum nazariy va amaliy g’oyalarni 
kengaytiradi, ularga yangi elementlar kiritadi, pedagogikaning ushbu sohasiga tegishli 
bilimlarni to’ldiradi. 
O’zgartirish darajasi
– yangilikni ikki variantga ajratadi: 1) bahsli-farazli; 2) 
ko’pchilik tomonidan tan olingan. Birinchi holda yangi natijalar hali to’la 
isbotlanmagan va har tomonlama oydinlashtirilmagan, shuning uchun ularga e’tirozlar 
bildiriladi, chunki dalillarni tushunish va tushuntirish qiyin, shuning uchun ushbu ilmiy 
g’oya shubha tug’diradi. YAngilik ko’pchilik tomonidan tan olinganda esa, bunday 
shubhalar o’z-o’zidan yo’qoladi. 

---

99 
4.2. Tadqiqotning dolzarblik mezoni – 
o’qitish va tarbiyalash
 
nazariyasi va 
amaliyotini rivojlantirish uchun muammoni o’z vaqtida o’rganish va hal qilishni 
bildiradi. Dolzarb muammolar, jamiyatning shu kundagi pedagogika faniga qo’ygan eng 
muhim savollariga javob beradi, amalda uchrayotgan ziddiyatlarni ko’rsatadi. 
Dolzarblik mezoni dinamik ya’ni harakatchan, chunki u vaqtga bog’liq tarzda, aniq 
sharoit va o’ziga xos vaziyatlarni hisobga oladi. 
Umumiy holda, ilmiy pedagogik tadqiqotning dolzarbligi ilmiy g’oya va amaliy 
tavsiyalar bilan, shu davrdv fan va amaliyot berayotgan takliflarni tavsiflaydi. 
Tadqiqotning dolzarbligi shu tarixiy davrda qo’yilayotgan va hal qilinishi lozim 
bo’lgan masalalar hamda ta’limning rivojlanish darajasi, mamlakat iqtisodi va uning 
ilmiy salohiyati bilan bevosita bog’liq.