Navoiy davlat pedagogika instituti "tasdiqlayman"

Magistrlik dissertatsiyasi va unga qo’yiladigan talablar 
Magistrlik dissertatsiyasi mustaqil ilmiy tadqiqot ishi hisoblanadi. 
Uning asosida pedagogik jarayonni har tomonlama o’rganish, akademik litsey, kasb-
hunar kollejlarida o’qitish sifatini oshirish, ta’lim-tarbiyaviy jarayonni kuchaytirishga 
qaratilgan va aniq fanlar bo’yicha ilmiy-tadqiqot ishlarini olib borish kabi maqsad va 
vazifalar turadi.Magistrlik dissertatsiyasining muallifi mustaqil ilmiy ish olib borishga 
zarur bilim, malaka va ko’nikmalarga ega bo’lishi kerak. 
Ilmiy ish olib boruvchi magistrant o’z faoliyatini ilm-fanda shu masala bo’yicha 
qanday fikrlar olg’a surilayotganini, qanday yutuqlarga erishilganini o’rganish bilan 
boshlashi va zarur bilimlarni o’zlashtirishi kerak. 
Magistrant o’z dissertatsiyasi mavzusiga bevosita aloqador bo’lgan ilmiy-metodik 
adabiyotlarni o’rganishga alohida e’tibor berishi zarur. U adabiyotlarni o’rganish 
jarayonida dissertatsiya mavzusini kengroq tushuna boradi, hodisalarga turlicha qarash 
va ularni turlicha tushuntirish imkoniyatiga ega bo’ladi. Natijada, dissertatsiya 
mavzusiga oid bilim darajasi kengayibgina qolmasdan, fikrlash qobiliyati ham 
rivojlanadi. 
Demak, magistrlik dissertatsiyasi mustaqil ilmiy ish bo’lib, mustahkam nazariy 
bilimga ega bo’lish hamda mustaqil fikrlash asosida yuzaga keladi. SHuningdek, 
magistrlik dissertatsiyasi malakaviy bitiruv ishi sifatida magistrning bilim darajasini 
hamda unda ilmiy izlanuvchiga xos malaka va ko’nikmalarni shakllanganlik darajasini 
ko’rsatadi. 

---

85 
Magistrlik dissertatsiyasini bajarish uchun quyidagilarni amalga oshirish kerak:
-
magistrlik dissertatsiyasi uchun mavzuni to’g’ri tanlay bilish; 
-
tanlangan mavzu bo’yicha magistrning shaxsiy kuzatishlari natijasida to’plangan 
barcha ilmiy va amaliy daliliy ma’lumotlarni mustahkamlash va tartibga solish; 
-
u yoki bu holatlarning o’zi to’plagan doimiy ma’lumotlar asosida ilmiy va amaliy 
ahamiyatini hamda qiymatini asoslab berish va xulosalar chiqarish; 
-
umumahamiyatli bo’lgan me’yor va mezonlar asosida magistr ilgari surayotgan 
g’oyalar, xulosalar va tavsiyalarning haqqoniy ekanligiga ishontira olishdan 
iborat. 
Magistrlik dissertatsiyasining vazifalari quyidagilardan iborat: 
-
tanlangan muammo yuzasidan tadqiqot o’tkazish zarurligini asoslash; 
-
uning yozilish metodologiyasi va usullarini tanlash; 
-
mavzuga doir axborot, daliliy materiallar yig’ish va ularni bir tizimga tushurish 
hamda qayta ishlash; 
-
tadqiqotning rejasiga mos o’tkazilgan tahliliy natijalarni bayon qilish; 
-
maqsad asosida o’tkazilgan kuzatishlar asosida xulosalar chiqarishdan iboratdir