menda unutilmas taassurot qoldirdi. Davlatingiz rahbarining O‘zbekistonda ta’lim
tizimini rivojlantirish bo‘yicha amalga oshirilgan keng ko‘lamli islohotlarga doir
28
Konferensiyada O‘zbekistonda joriy etilgan 9+3 sxemasi bo‘yicha 12 yillik
umumiy majburiy bepul ta’lim tizimi o‘zining yuksak samaralarini berayotgani
alohida ta’kidlandi. Bu umumta’lim maktabidagi 9 yillik o‘qishdan so‘ng
o‘quvchilarning keyingi 3 yil davomida ixtisoslashtirilgan kasb-hunar kollejlari va
akademik litseylarda tahsil olib, ularning har biri umumta’lim fanlari bilan birga
mehnat bozorida ehtiyoj katta mutaxassisliklar bo‘yicha kasb-hunar egallashida
muhim omil bo‘layotir. O‘zbekistonning ta’lim modelidan boshqa mamlakatlar
ibrat olsa arziydi.
Samarqandni ko‘rib, bamisoli ertaklar shahriga kelib qolgandek bo‘ldim. Bu
yerdagi qadimiy obidalarning me’moriy yechimi, bugunga qadar asl holida
saqlanib kelinayotgani, kishi aqlini shoshiruvchi go‘zalligi va salobati haqiqiy
mo‘jizadir.
Javad Laghariy, Oliy ta’lim bo‘yicha komissiya raisi (Pokiston):
– Avvalo, ushbu xalqaro forum juda yuksak saviyada tashkil etilganini alohida
ta’kidlamoqchiman. O‘zbekiston Respublikasi Prezidenti Islom Karimovning
xalqaro konferensiyada ishtirok etishi va nutqi so‘zlashi ushbu yirik anjumanning
nufuzini yanada oshirdi.
O‘zbekistonning ikki betakror shahri – Toshkent va Samarqand o‘rtasida
qatnay boshlagan yangi “Afrosyob” katta tezlikda yuradigan elektropoyezdi
yo‘lovchilaridan biri bo‘lganimdan mamnunman. Ushbu zamonaviy, qulay,
yo‘lovchilar uchun barcha sharoitlar muhayyo etilgan poyezd yurtingizda barcha
sohalari kabi temir yo‘l tizimi ham izchil rivojlanayotganidan dalolatdir.
Xalqaro anjumanda O‘zbekiston ta’lim tizimining o‘ziga xos modeli,
bosqichma-bosqich amalga oshirilgan islohotlar natijasida qo‘lga kiritilgan ulkan
yutuqlar bilan tanishish va bu borada mamlakatingizning boy tajribasidan ko‘plab
foydali jihatlarni o‘rganish imkoniga ega bo‘ldik.
Den Devidson, Xalqaro ta’lim bo‘yicha Amerika kengashi prezidenti
(AQSH):
29
– Bugungi kunda ta’lim tizimini rivojlantirish, iqtidorli talabalar safini
kengaytirish, professional-mahoratli kadrlarni yetishtirish jahonning barcha
mamlakatlari uchun birdek dolzarbdir. Shu nuqtai nazardan O‘zbekistonda bo‘lib
o‘tgan “Yuksak bilimli va intellektual rivojlangan avlodni tarbiyalash –
mamlakatni barqaror taraqqiy ettirish va modernizatsiya qilishning eng muhim
sharti” mavzusidagi xalqaro konferensiyaning ahamiyati g‘oyat kattadir. Zero,
nafaqat muayyan bir mamlakat, balki butun jahon iqtisodiyotining rivoji ta’limning
sifati bilan uzviy bog‘liqdir.
Xalqaro anjumanning ochilishida O‘zbekiston Respublikasi Prezidenti Islom
Karimovning so‘zlagan nutqi mamlakatingiz ta’lim tizimida erishilgan
muvaffaqiyatlar, puxta ishlab chiqilgan ta’lim modeliga oid foydali maslahatlarni
qamrab olgani bilan forumning barcha ishtirokchilarida katta qiziqish o‘yg‘otdi.
O‘zbekistonda ishlab chiqilgan va muvaffaqiyatli tatbiq etilayotgan ushbu ta’lim
modeli barcha mamlakatlar uchun namuna bo‘lib xizmat qilishi mumkin.
O‘zbekistonda 12 yillik ta’lim barcha uchun majburiy va uning bepul ekani
qonunlaringizda belgilab qo‘yilgani e’tiborga molik. Bugungi kunda o‘sib
kelayotgan yangi avlodingiz 12 yillik majburiy ta’lim olish bilan birga aniq
mutaxassislik va kasb-hunarga ega bo‘lishiga, ayniqsa qizlarning bu jarayonda faol
qatnashishiga qaratilayotgan ulkan e’tibor tahsinga loyiq. Prezident Islom Karimov
ta’kidlaganidek, yosh oilaning mustahkamligi avvalo qizlarning biror-bir
mutaxassislikni egallab, hayotda o‘zining mustaqil fikri va o‘rniga ega bo‘lishi
bilan bevosita bog‘liqdir. Bu fikrni men qatori bshqa ishtirokchilar ham keng
qo‘llab-quvvatladi.
Muhammad Amin Mirza, “Umm Al-Quraa” universiteti tibbiyot fakultetining
professori (Saudiya Arabistoni Podshohligi):
– O‘zbekistonda boshqa sohalar qatori temir yo‘l tarmog‘ini rivojlantirishga
ham katta e’tibor qaratilayotgani tahsinga sazovor. Samarqandga “Afrosyob”
elektropoyezdida kelganimizdan juda mamnunmiz. Shuni alohida ta’kidlashni
istardimki, yuqori tezlikda harakatlanadigan ushbu transport vositasida
30
yo‘lovchilar uchun barcha qulayliklar yaratilgan. Qish bo‘lishiga qaramay,
poyezddagi mo‘tadil haroratning barqaror ta’minlanishi menga g‘oyat ma’qul
bo‘ldi. Salonlarning qulayligi, xodimlarning kiyinishi va muomala madaniyati ham
bizga ko‘tarinki kayfiyat bag‘ishladi.
Qadim Samarqanddagi betakror me’moriy obidalar, jumladan, Amir Temur
maqbarasi, Registon maydonidagi Ulug‘bek, Sherdor va Tillaqori madrasalari kabi
tarixiy yodgorliklar o‘z jozibasi bilan barchaga ma’naviy quvvat baxsh etadi.
O‘zbekistonning boy tarixini aks ettirgan ushbu bebaho obidalar bilan xalqingiz
har qancha faxrlansa arziydi. Har qadamda ulkan bunyodkorlik ishlarini ko‘rib,
O‘zbekiston xalqining yaratuvchanlik salohiyatiga tasannolar aytdik.
Do'stlaringiz bilan baham: 
