Navoiy davlat pedagogika instituti maktabgacha ta`lim kafedrasi maktabgacha ta`limni tashkil etish va rahbarning tashkilotchilik madaniyati fanidan

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan ketma-ketligi
Maktabgacha ta`limni tashkil etish va rahbarning tashkilotchilik madaniyati fani ixtisoslik fanlar qatoriga kirib, 6-semestrda o‘qitiladi. «Umumiy pedagogika», «Maktabgacha pedagogika», «Umumiy psixologiya», «Oila va ijtimoiy pedagogika», «Maktabgacha ta’limda mutaxassislikka kirish», «Maktabgacha ta’limni о‘qitish texnologiyalari va loyihalashtirish» fanlarining nazariy va amaliy xulosalariga tayanadi. Predmetlararo bog’lanish to`g’ri amalga oshirishi uchun buni o`quv rejasi tuzilishida hisobga olish muhimdir.
Fanning maktabgacha ta’lim sohasidagi o‘rni
Maktabgacha ta’lim muassasalarida boshqaruvni mudira, ta’lim-tarbiya jarayonini uslubchi amalga oshiradi. Ular pedagogik jarayonda markaziy o‘rinni egallaydi. Shuning uchun mudira o‘z soxasini chuqur bilishi, har xil metodik vositalarni yaxshi egallagan, puxta pedagogik-psixologik tayyorgarlikka ega bo‘lishi kerak. Shu bilan bir qatorda mutaxassislik bo‘yicha meyoriy hujjatlarni jumladan «Ta’lim to‘g‘risida»gi Qonun, «Kadrlar tayyorlash milliy Dasturi»ni, «Bolajon» tayanch dasturini, Davlat ta’lim standartlarini, Maktabgacha ta’limga qo`yilgan Davlat talablari va boshqalarni puxta egallagan bo‘lishi lozimdir. Maktabgacha tarbiya yoshidagi bolalar asosan maktab ta’limiga maktabgacha ta’lim muassasalarida va oilada tayyorlanadi. Ayniqsa bolani oilada va maktabgacha ta’lim muassasalarida maktab ta’limiga tayyorlashda hamkorlikda ish olib borish muhim jarayon hisoblanadi. Bu jarayonni tashkil etishda mudiraning o‘rni juda kattadir. Maktabgacha ta’limni tashkil etish va boshqarish mudiralarni amaliy faoliyatga tayyorlash bilan birga ularda yuksak kasbiy faoliyat malakalarini shakllantirishga xizmat qiladi. Ushbu fan asosiy ixtisoslik fan bo‘lganligi sababli Respublikadagi MTMlarga yuksak salohiyatga ega bo‘lgan mutaxassislarni yetkazib beradi.
Fanni o‘qitishda zamonaviy axborot va pedagogik texnologiyalar
“Maktabgacha ta`limni tashkil etish va rahbarning tashkilotchilik madaniyati’ fanida matnlarni tahlil qilishda interaktiv texnologiyalar qo‘llaniladi va internet yangiliklaridan olingan axborotlardan foydalaniladi. Shuningdek fanini o‘zlashtirishlari uchun o‘qitishning yangi ilg‘or pedagogik texnologiyalaridan foydalanish, yangi informatsion texnologiyalarni dars jarayoniga tatbiq qilish muhim ahamiyatga ega. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron darsliklardan foydalaniladi.
Fanning hajmi va mazmuni

Hammasi	Jami (audit.)	Ma'ruza	Amaliy	Seminar	Mustaqil ta’lim