Navoiy davlat pedagogika instituti maktabgacha ta`lim kafedrasi maktabgacha ta`limni tashkil etish va rahbarning tashkilotchilik madaniyati fanidan

Guruhli muloqotni tashkil etish shakllari.
Agar siz pedagogik kengashni noan’anaviy tarzda o’tkazmoqchi bo’lsangiz, munozarali muloqot shakllari haqida o’ylab ko’rishingiz kerak. Ular quyidagi ko’rinishda bo’lishlari mumkin.
Debatlar- ikki tarafning har birini eshitish orqali o’zaro fikr almashinuvi.
-Muzokara - qandaydir munozarali vaziyatni muhokama qilish, to’g’ri qaror chiqarish.
-Munozara- ilmiy va ijtimoiy masala yuzasidan ommaviy munozara.
-Xulosa chiqarish- (preniya)- chiqish, matn, ma’lumot bo’yicha yakuniy xulosa chiqarish;
-“ Davra suhbati”- qandaydir masala yuzasidan o’z chiqish va mulohazalari bo’yicha fikr almashinuv.
Masalan: Agar siz “Qisqa muddatli guruhlar- bu bizning bugunimiz va ertamiz” mavzusi bo’yicha debat o’tkazishni o’ylasangiz, ikki guruhga bo’liningiz. Bu shakl bo’yicha qarshi va yoqlovchi guruhlarga bo’linishingiz mumkin. Har bir guruhdan liderni belgilang. Debat ishtirokchilari qanday yo’nalishlarni tavsiya qilishlarini aniqlang. Shunga asosan rollar bering. Raisni tanlang.
Debatni o’tkazish uchun aniq algoritm bo’lishi kerak, ya’ni:
1.Raisning kirish so’zi, mavzu bilan qatnashuvchilarni tanishtirish, reglamentni tasdiqlash, ishtirokchilarni tanishtirish.
Ko’pchilikning fikrini bilish uchun ovozga qo’yish.
1-tarafning lideriga so’z berish.
1- chi taraf liderining mavzuni ijobiy yoqlash uchun so’z berish. (advokat)
2-chi taraf lideriga so’z berish.
Berilgan mavzuga qarshi chiqish uchun 2-taraf lideriga so’z berish.
U yoki bu fikrni ma’qullash maqsadida xohlovchilarga so’z berish.
U yoki bu fikrga qarshi chiquvchilarga so’z berish.
Fikrlarni ma’qullovchi ovozlarni sanash.
Fikrga qarshi chiquvchi ovozlarni sanash.
Fikrlarni ovozga qo’yish. (ochiq yoki yashirin.)
Xulosalarni ovozga qo’yish. Rais tomonidan natijalarni bildirish.
Shu mavzu bo’yicha “Davra suhbati” shakli qanday bo’ladi? Maktabgacha ta’lim bo’yicha dolzarb masala yuzasidan “Davra suhbati”ni tashkil etish mumkin.
Boshlovchini tanlang. Munozara boshlang, agar yig’ilish vaqtida bellashuv boshlanib ketsa, xulosa chiqaring.
Agar siz munozara shaklida o’tkazmoqchi bo’lsangiz birinchi navbatda boshlovchini belgilang. U boshqarib boradi, xohlovchilarga so’z berish, savollar bilan murojaat qilish, reglamentga asoslanish kerak. Esda tuting, boshlovchi arbitr emas, uning vazifasi- yig’ilish qatnashchilarini fikr almashuvga tortishdan iborat. Munozaradan keyin uning tanqidiy tomoniga e’tibor bering. Nutqning mazmuniga dalillarning chuqurligiga va ilmiyligiga, fikrlarning to’g’riligiga, tushunchalarning to’g’ri ifodalanishiga e’tibor bering.Savollarga javoblar, isbot va tanqiddan to’g’ri foydalanishlariga ahamiyat bering. Munozara olib borish ko’nikma va malakalarini kelgusida takomillashtirish yuzasidan tavsiyalar bering.
Demak, pedagogik kengash – bu muhim va chuqur bilimli ilg’or pedagogik ish tajriba va fan yutuqlariga asoslangan bir xil fikrlovchi jamoani shakllantirish, har bir pedagogning mutaxassislik mahoratini oshiruvchi muhim bilim beruvchi maktabgacha ta’lim muassasasidagi ta’lim- tarbiyaning sifati va samaradorligini oshirishga qaratilgan jamoadir.