Навоий вилояти Халк таълими бошкармаси

Устозлар
Ўсиб келаётган ёш нав ниҳолга,
Майин шамолнинг ҳам таъсири бордур.
Камолга эришган ҳар бир инсонга,
Албатта устознинг ўгити ёрдур.

Ҳаёт шамчироғи бўлиб порлаган,

Фақат эзгу ишга, йўлга чорлаган.
Шогирди қалбидан чуқур жой олган,
Муқаддас, мўтаъбар азиз устозлар.

Берган меҳрининг ҳеч ишқдир адоғи,

Ҳаётда асқотар берган сабоғи.
Шогирдлар қалбининг дур-у ардоғи,
Осмондек улуғвор азиз устоздир.

Бизлар сайёралар, сизлар-чи қуёш,

Ҳар қандай синовга берасиз бардош.
Бизга доим бўлинг, сиз ўзингиз бош,
Таърифга тил ожиз, азиз устоздир.
Орипова Махлиё

Билим — катта дарё, устоз, сиз — мироб,

Миллат равнақида мураббий — офтоб.
Замонлар ўзгарар, асрлар ўтар,
Қуёшдек ўзгармас Алифбе китоб.

Кундалигим варағида баҳолар,

Гоҳо аъло, гоҳо икки жазолар.
Йўл топдик. Ранж чекканингиз ганж бўлди —
Болаликда тўғриланди хатолар.

Есдалик дафтаримни қўлга олдим,

Ўқувчилик давримга назар солдим.
Кечиргансиз қанча шўхлигимизни,
Сабру-тоқатингизга қойил қолдим.

Кекса устозимнинг сочлари оппоқ,

Кўзлари меҳрибон чақнайди бироқ.
Билим ва маърифат ўргатар ҳамон,
Ҳаёт мактабида чалиб қўнғироқ.

Ўқимасак, такрор ўқитган, толган,

Манглайида қатор ажинлар қолган.
Ўша ажинлари туфайли халқни
Келажакка элтар тўғри йўл солган.
Муаллиф: Сарвиноз Мусатдинова
1 октабр - “Ўқитувчилар ва мураббийлар куни” умумхалқ байрами
“Муаллим оламнинг ёруғ чироғи “
(тадбир сценарийси)


Тадбир мактаб залида ёки синф хонасида ўтказилади. Саҳна устозларни шарафловчи ҳикматли сўзлар, мақоллар, ҳадислардан наъмуналар ёзилган плакатлар, шарлар ва турфа гуллар, ранго-ранг байроқчалар билан ниҳоятда чиройли безатилади.Тадбирга устозлар, ота-оналар ва бошқа меҳмонлар таклиф этилади.Устоз-муаллимларни улуғловчи "Устозлар” қўшиғи оҳиста таралади. Тадбир қатнашчилари бирин-кетин саҳнага чиқишади. Байрам бошловчилар кириш сўзлари билан бошланади.