Навоий вилояти Халк таълими бошкармаси

Ҳақ йўлида ким сенга, бир ҳарф ўқитмиш ранж ила,
Айламак бўлмас адо, онинг ҳақин юз ганж ила
Ўқитувчилар куни: каерда, качон?

Ўзбекистонда 1 октябрь- «Ўқитувчи ва мураббийлар куни» умумхалк байрами сифатида нишонланади.
Ушбу байрам бошқа давлатларда қай тарзда нишонланишини биламизми? Айтиб ўтиш керакки, бу байрам ўзга давлатларда турли сана ва кўринишларда нишонланади. Хатто, шундай давлатлар борки, у ерларда ўқитувчилар куни умуман нишонланмайди ёки устозлар бирлашган Миллатлар Ташкилоти томонидан белгилаб қуйилган билимлар кунидагина табриклаб ўтилади.
Козоғистонда – ўқитувчиларнинг касб байрамлари октябрнинг илк якшанбасида нишонланади. Шу куни ўқитувчиларни гул ва ширинликлар билан қутлашади.
Худди шундай Грузия, Арманистон, Украина ва Молдавияда хам октябрнинг биринчи якшанбаси мураббийлар куни сифатида нишонланар экан.
Россияда - ўқитувчилар байрами 1994 йил 3 октябрдаги қарорга мувофиқ ҳар йили 5 октябрда нишонланади.
Озарбайжонда эса 20 сентябрь мураббийлар кунидир.
Ушбу санада барча ўқитувчилар мактабда уюштирилган байрам тадбири мехмони бўладилар.
Хитойда - 1989 йилдан буён 10 сентябр- ўқитувчилар куни сифатида нишонланади. Нимага айнан 10 сентябрь дейсизми? Сабаби, худди шу куни ХХР Кенгаши маданий инқилоб вақтида йўқотилган интеллектуал меҳнат кучларини ўқув даргоҳларига қайтариш мақсадида қарор қабул қилган.
Японияда - ўқитувчилар куни 1951 йилгача диний байрам сифатида нишонланиб, баҳор ойида ўтказилган. Кейинчалик 4 май устозлар куни деб эълон қилинган.
Хиндистонда - мураббийлар куни ёзнинг бошида уч кун давомида нишонланади.
Туркияда - 6 март ўқитувчилар куни сифатида Мустафо Камол Отатурк томонидан белгиланган.
Индонезия, Бразилия, Куба, Америка, Уругвай, Чили ва бир нечта мамлакатларда 8 сентябрь БМТ томонидан ўқитувчилар куни дея эълон қилинган.
Эътиборли томони шундаки, хеч бир давлатда ўқитувчилар куни умумхалқ байрами сифатида нишонланмас экан.