Навоий кон металлургия комбинати

Назорат саволлари:


1. Люминесцент чироғида ёруғликни ҳосил бўлиши принципи қандай?
2. Электролюминесценция нима?
3. Фотолюминесценция нима?
4. Люминесцент чироқнинг тушунилишини тушунтиринг?
5. Газ разряди чироғининг хизмат даври нима учун юқори?
11-МАЪРУЗА


Газ разрядли чироқларнинг параметрлари
ва уланиш схемалари


Режа:
1. Люминесцент чироқларининг электр параметлари.
2. Люминесцент чироқларининг ёруғлик параметлари.
3. Люминесцент чироқининг уланиш схемалари.


Энг кўп қўлланиладиган 1 -гуруҳ чироқларнинг (ЛЧ)
асосий параметрлари. Электр параметрлари.
Газ разрядли чироқларида, номинал кучланиш деган параметр йўқ. Чунки, чироқдаги кучланиш, уни улаш учун қўлланиладиган ишга туширишни созловчи асбоб (ПРА) характеристикалари билан аниқланади.
Жадвалда, чироқдаги иш кучланиши қиймати берилади ва унинг энг катта оғиши вольтда кўрсатилади.


Номинал қувват
Бу газ разрядли чироқларининг асосий параметри ҳисобланади. ЛЧ чироқларининг бошқа параметрлари, (улар тажрибадан олинади), чироқда ўлчанади. Чироқ тармоққа, намунали ўлчов дроссели (ғалтак) билан уланади, бунда кучланиш шундай бўлиши, керакки, чироқ сарфлаган қувват номиналга тенг бўлади.
Тармоқдан сарфланган қувват, чироқнинг ўзини ва ПРА нинг қувватлари йиғиндисига тенг.
Ҳар қайси люминесцент чироқлар, қуйидаги қувватларга ишлаб чиқарилади: 15, 20, 30, 40, 65, 80 Вт. Чироқнинг қувватига қараб, унинг узунлиги ва диаметри ўзгаради.


Ток тури
Ўзгармас ва ўзгарувчи токлар, газ разрядли чироқлари учун меъёрланади. Ток тури ўзгариши билан, уларнинг характеристикалари ҳам ўзгаради.
Бу параметрларидан ташқари: разряд тури ва нурланиш соҳаси кўрсатилади.