Навоий кон металлургия комбинати

Масалан.
1. Агар кўздан фарқлаш объектигача бўлган масофа 0,5 метрдан катта бўлса, ёритилганлик жадвалда кўрсатилган қийматдан бир пағона кўтарилиши мумкин.
Ёритилганлик шкаласини (даража кўрсаткичини) поғоналари, Люксда.
2. Одамлар доимо бўлиб турадиган табиий ёритиш бўлмаган жойларда ҳам ёритилганликни бир поғонага кўтариш кўзда тутилади.
3. Булардан ташқари айрим ҳолларда, масалан одам қисқа вақт давомида бўладиган ишлабчиқариш жойларида, ҳамда доимо бошқариб турилмайдиган ускуна жойларида ёритилганлик бир поғонага туширилиши мумкин.
Саноат корхоналарнинг ёрдамчи жойлари учун энг кичик ёритилганлик нормалари алоҳида жадвалда келтирилган (X, XI, XII - даражалар).
Бино ташқарисида бажариладиган ишлар учун энг кичик ёритилганлик фарқлаш обьектининг бурчак ўлчамларига боғлиқ ҳолда нормаланади. (XIV, XVIII - даражалар). Саноат корхоналарининг ҳудудлари учун (йўл, йўлакча, транспорт турар жойлари, темир йўллар учун) энг кичик ёритилганлиги нормалари жадвалда келтирилган. (XIX- XXV).


Назорат саволлари:
1. Ёритишнинг сифати қандай баҳоланади?
2. Ёритиш қоидаларини тушунтириб беринг?
3. Иш юзасида равшанлик қандай таъминлади ва қандай баҳоланади?
4. Ёруғлик техникасида қандай параметр нормаланади?

13-МАЪРУЗА


Ёритиш қурилмаларини лойиҳалаш


Режа:
1. Лойиҳа материалларини ҳажми ва мазмуни.
2. Иш чизмаларининг тушунтириш хати.
3. Ёруғлик манбасини ва системасини танлаш.
4. Ёритиш турлари.


Ёритиш қурилмаларини лойиҳалаш.
Лойиҳа материалларини ҳажми ва мазмуни

Ёритиш қурилмаларининг лойиҳаси икки босқичда тайёрланади:

1. 
   Техник лойиха.
   
2. 
   Иш чизмалари.
   

Лойиҳа учун куйидагилар керак:
Объектни бош режаси, биноларнинг қурилиш ва технологик, ток манбаи ҳақида маълумотлар.
Техник лойиҳа қуйидагиларни ўз ичига олади:
Тушунтириш хати, асосий техник кўрсаткичлар жадвали, чироқулар, электр ускуналар, симлар, кабеллар тўғрисида маълумотлар, сметани.
Иш чизмалари қуйидагиларни ўз ичига олади:
Тушунтириш хати, чироқлар, таъминловчи тармоқлар, щитлар, выключателлар, розеткалар ва бошқаларни қувват бўйича қўйиладиган жой режалари ва характерли кесимлар, чироқлар, щитлар, ёритиш тармоқларини ўтказиш қурилмалар тугунларини конструктив чизмалари, материал ва жиҳозлар учун маълумотлар, смета ва бошқалар.
Иш чизмаларини тайёрлаш:
Иш чизмалари, тасдиқланган техник лойиҳа асосида яратилади ва электр йиғиш ишларини бажариш учун керак бўлади. Иш чизмаларида сметага фақат аниқлик киритилади, умумий ёритиш харажатлари эса ўзгармай қолади. (техник лойиҳага илова қилинган).
Режа билан чизмаларни расмийлаштириш:
Таъминлаш манбасидан гуруҳли иппларгача бўлган тармоқлар таъминловчи тармоқлар дейилади. Гуруҳли щитлардан чироқгача бўлган тармоқлар, гуруҳли тармоқлар дейилади.
Таъминловчи ва гуруҳли тармоқлар, узлуксиз қалин чизиқлар билан белгиланади.