Навоий кон металлургия комбинати Келишилган: Тасдиқлайман: нкмк кук раиси нкмк бош муҳандиси

17. Кончилик ишларига нарядларни беришдаги қўшимча талаблар.
17.1. Бир нафар кон устасига бир вақтнинг ўзида кончилик ишларига наряд ва хавфи юқори бўлган ишларни бажаришга наряд-рухсатнома бериш тақиқланади, кон устаси рухсат этувчи этиб тайинланган ҳолат бундан мустасно.
17.2. Нарядни берган ва уни ижрога қабул қилган раҳбарлар смена (сутка) давомида барча иш жойларига, лозим бўлганда энг мураккаб шароитдаги иш жойларидаги ишларга бевосита раҳбарликни амалга оширишни таъминлаган ҳолда боришлари шарт.
17.3. Шахталардаги уюм, кўчки, қудуқларнинг аварияли бузилишларини ушбу ишларга Лойиҳани ишлаб чиққунча ва коннинг (шахтанинг) бош муҳандиси томонидан тасдиқлагунча бартараф этиш ишлари коннинг (шахтанинг) бош муҳандиси билан келишилган наряд-рухсатнома бўйича ва ишлар масъул раҳбарининг бевосита раҳбарлиги остида амалга оширилиши керак. “... лойиҳаси” тасдиқлангандан кейин наряд “... лойиҳаси”га ҳавола қилинган ҳолда одатий тартибда берилади. Шахталардаги уюм, кўчки, қудуқларнинг аварияли бузилишлар ва Хавфи юқори бўлган ишлар рўйхати бўйича бошқа ишларни бартараф этиш бўйича ишларга ушбу ишларни амалга оширишдаги хавфсиз усуллар ва йўлларга махсус ўқишлардан ўтган ходимлар қўйилади.
17.4. Асосий иш жойидан узоқдаги ерости кон лаҳимларига, фақат ушбу лаҳимлар техникавий (кончилик) назорати шахси томонидан кўриб чиқилгандан кейин, бир вақтнинг ўзида иккитадан кам бўлмаган тажрибали ишчиларни жўнатишга рухсат этилади. Малака даражасининг етарлилиги наряд берувчи шахс томонидан аниқланади. Асосий иш жойидан узоқдаги кон лаҳимларининг рўйхати ҳар чоракда шахтанинг бош муҳандиси томонидан тасдиқланади.
17.5. Портлатиш ишлари портлатувчилар томонидан, техникавий (кончилик) назоратининг портлатиш ишларига раҳбарлик қилиш (юритишга масъул) ҳуқуқи мавжуд бўлган шахси раҳбарлиги остида, “Портлатиш ишларида хавфсизликнинг ягона қоидалар” ва бошқа тартибга солувчи ҳужжатларнинг талабларига мувофиқ ёзма нарядлар бўйича амалга оширилиши керак.
17.6. Кончилик машиналарида (экскаваторлар, бурғилаш дастгоҳлари, кончилик-қазиш комбайнлари ва бошқаларда), очиқ кон (кон) раҳбарияти томонидан юритиш тартиби белгиланадиган Сменани қабул қилиш-топшириш китоби доимо бўлиши керак, уни тўлдиришнинг тўғрилиги эса участкаларнинг шунга ваколатли раҳбарлари ва мутахассислари томонидан мунтазам текширилиши керак.
17.7. Кончилик-транспорт жиҳозларининг электр ва механик қисмларини таъмирлашга нарядлар коннинг (шахтанинг) тегишли хизматлари ва участкалари раҳбарлари (мутахассислари) томонидан истеъмолчиларнинг электр қурилмаларидан фойдаланишда ХТҚ (хавфсизлик техникаси қоидалари), жиҳозлардан фойдаланиш бўйича йўриқномалар, Режали-олдиндан таъмирлашларни ўтказиш тўғрисидаги низом ва шу кабиларга мувофиқ расмийлаштирилади. Ижрочиларни таъмирлаш ишларига қўйиш кон устасининг фармойиши бўйича, сменани қабул қилиш-топшириш журналига ёзган ҳолда, кончилик машинасининг (механизмининг) машинисти томонидан амалга оширилади.