Навоий давлат кончилик институти корхона жиҳозлари

6.22. Камерали ва туннели қуритгичлар

Атмосфера босимида ишлайдиган конвектив қуритгичлардан бири камерали (полкали ҳам дейилади).

1.32 – расм. Қуритгичларнинг классификацияси
қуритгичдир. Даврий ишлайдиган бу қуритгичлар ҳажми катта бўлмаган корхоналарда қўлланилади. Камерали қуритгичда қуритиш температураси катта бўлмайди ва қуритиш режимини аниқ созлаш мумкин. Бу қуритгичларда материал қуритиш камераси ичида жойлаштирилган токчаларда ёки вагонеткаларда қуритилади. Вагонеткалар орасидаги майдон пластинкалар билан учга бўлинади. Ташқи калориферда исиган тоза ҳаво вентилятор билан сўриб олинади ва қуритиш камерасининг остки қисмига берилади. Ўз ҳаракатида ҳаво йўналишида икки марта ва икки марта ички (оралиқ) калориферларда исийди. Шундай қилиб полкалар устидаги нам материал иссиқ ҳаво билан контактлашади ва қурийди. Намни ўзига олиб камерадан чиқаётган ҳавонинг бир қисми шибер ёрдамида қуритишга кираётган тоза ҳавога қўшилади, қолган қисми эса қуритгичдан чиқиб кетади.
Токчалардаги нам материал қатлами қалин ва кўзғалмас бўлганлиги учун бундай қуритгичларнинг унимдорлиги кичик ва уларда қуритишнинг давомийлиги катта. Бундан ташқари камерали қуритгичларга техник хизмат кўрсатиш кўп қўл меҳнатини талаб қилади.
Туннелли қуритгичларда қуритиш камераси ичида нам материал юкланган вагонеткалар, тележкалар ёки конвейрлар ҳаракат қилади. Туннелнинг узунлиги 25-60 м, баландлиги 2-2,5 м бўлади. Қуритиш жараёни давомида вагонеткалар кирадиган ва чиқадиган эшиклар маҳкам ёпиб қўйилади. Жараён тугагандан кейин қуриган материал бир томондан чиқариб олинади, иккинчи томонидан эса нам материал юкланган вагонетка киритилади. Қуритувчи агент (ҳаво, ёнишдан ҳосил бўлган газлар, ўта қизиган буғ) тунель ўқига перпендикуляр ёки баъзида паралел ҳаракат қилиб айланади. Ҳаво қуритгичга кираётганда ва камера ичида бир неча бор иситилади. Ишлатиб бўлинган ҳаво ташқарига чиқариб юборилади. Камеранинг қия полидан вагонеткаларнинг ўзи ҳаракатланади ёки махсус итаргич (масалан лебедка) ёрдамида ҳаракатлантирилади.
Тунелли қуритгичлар учун ҳам камерали қуритгичларнинг камчиликлари бор.