Навоий давлат кончилик институти корхона жиҳозлари

1.36. Вальцо–тасмали қуриткич: 1– валец; 2-валка; 3-бункер; 4-пичоқ; 5-қўшимча конвейер; 6-қуритиш камераси; 7 –вентиляторлар; 8-тасма.


6.24. Илмоқли қуритгичлар

Атмосфера босимида узлуксиз ишловчи илмоқли қуритгичлар барча турдаги газламалар, плёнкалар, қоғозлар ва бошқа юпқа материалларни қуритиш учун жуда қулай. Уларда қуритиладиган материал махсус мослама ёрдамида узун илмоқлар кўринишида тортилади ва бу илмоқлар қуритиш камераси бỳйлаб ҳаракатлантирувчи транспортёрга ётқизилади.

Илмоқли қуритгичлардан пастасимон материалларни қуритишда ҳам фойдаланиш мумкин. Бундай қуритгичларда пастасимон материал сиқувчи валецлар ёрдамида турли тасманинг катакчаларига тиқилади. Кейин лента қуритиш камерасига киради ва илмоқлар ҳосил қилади. Ҳар бир илмоқ махсус планкалар ёрдамида занжирли транспортёрга маҳкамланади. Қуритиш камерасига вентиляторлар ёрдамида қуритувчи агент (иссиқ ҳаво) юборилади. Қуритгичнинг охирида илмоқлар махсус ролик ёрдамида ёзилади ва силкитувчи мосламага юборилади. Бу ерда материал тасманинг катакчаларидан уриб туширилади ва бункерга йиғилади, у ердан эса шнекли транспортер ёрдамида чиқариб олинади.
Илмоқли қуритгичларда материал етарлича жадал қурийди. Чунки материал қатлами юпқа бўлади ва қуритувчи агент унинг икки томонидан оқиб ўтади. Бундан ташқари материал дастлаб иссиқ валецлар билан қиздирилади. Лекин олдин кўрган қуритгичларнинг камчиликлари илмоқли қуритгичлар учун ҳам тегишли.

1.37. –расм. Илмоқли қуриткич: 1 –қуритгич; 2-тасма; 3-валецлар; 4-камера; 5-материалли тасма илмоғи; 6- транспортёр ролиги; 7-силкитувчи мослама; 8-бункер;9 –шнек; 10-вентилятор.
6.25. Барабанли қуритгичлар

Донадор ва сочилувчан материалларни атмосфера босимида узлуксиз қуритишда барабанли қуритгичлардан фойдаланилади. Бундай машиналарда нам материал ва қуритувчи агент бир-бирига нисбатан тўғри ёки қарама-қарши ҳаракат қилиши мумкин. Юқори температурали иссиқлик ташувчиларни қўллаш имконияти бўлгани учун барабанли қуритгичлар жуда иқтисодли ҳисобланади. Бундан ташқари уларнинг унумдорлиги катта ва узоқ вақт ишончли ишлайди.

Барабанли қуритгичниг асосий элементи горизонталга нисбатан кичик қияликда (4º атрофида) бандажлар ва роликларга таяниб турадиган барабан ҳисобланади. Барабан тишли узатма ва редуктор орқали уланган электродвигатель ёрдамида секин (5-8 мин‾¹) айланади. Киритиладиган материал дастлаб барабаннинг бошидаги парракли қисмида озроқ қуритилади ва кейин барабаннинг бутун узунлигида жойлаштирилган ички насадкаларга тушади. Бу насадкалар материалнинг текис тақсимланиши ва барабан кесими бўйлаб аралашишини, ҳамда қуритувчи агент билан яхши контактлашишини таъминлайди. Ишлатиб бўлинган газлар атмосферага чиқариб юборишдан олдин циклонда тозаланади.