Навоий давлат кончилик институти корхона жиҳозлари

1.3-расм. Труба ичида иссиқлик алмаштиргичи:
1-ички труба; 2-ташқи труба; 3-улаш тирсаги; 4-улаш патрубкаси; I,II-иссиқлик ташувчилар.
1.4-расм. Суғориладиган иссиқлик алмаштиргич:
1-трубалар; 2-тирсак; 3-тақсимловчи тарнов; 4-сув йиғиладиган идиш.

1.5-расм. Ўрама трубали иссиқлик алмаштиргич:
1-ўрама труба (змеевик); 2-корпус;
3-ички стакан; 4-ўрама трубани маҳкамлаш учун конструкция.
1.6-расм. Блокли иссиқлик алмаштиргич:
1-графит блокар; 2-вертикал каналлар; 3-горизонтал каналлар;
4-ён камералар; 5-қопқоқ.

4.11.5. Циклон иссиқлик алмаштиргичлар


Қуруқ усулда цемент ишлаб чиқаришда ёқилғи сарфини камайтириш ва куйдириш печларининг иш самарадорлигини ошириш мақсадида хом ашё унини иссиқ газлар ёрдамида иситиш учун циклон иссиқлик алмаштиргичларидан фойдаланилади. Бундай ускуналарнинг конструкцияси одатдаги, газларни тозалашга мўлжалланган циклонларникидан деярли фарқ қилмайди. Цемент заводларида кетма-кет ишлайдиган қилиб газ қувурлари ёрдамида уланган циклонлар турли баландликларда темир - бетон қаватларда ўрнатилади. Печдан 1000°С атрофида чиқаётган иссиқ газлар паст қаватдаги 1-босқич циклондан юқоридаги 4-боскич циклонга томон ҳаракатланади ва ўз иссиқлигини хом-ашё ўрнига беради. Кейин чанг тутиш аппаратларида тозаланиб ҳаво сўргич ёрдамида 200 300°С температурада атмосферага чиқарилади. Қуруқ хом - ашё уни юқоридаги циклонлардан пастдагиларига томон ҳаракатланади ва иссиқ газ оқими билан аралашиб 700 800°С гача исийди. Бунда у қисман декарбонизацияланади ва кейин печга тушади.
4.11.6. Панжарали совитгичлар
Цемент ишлаб чиқаришда куйдириш печидан чиқаётган 1000 1200°С температурали клинкерни совитишда панжарали (колосниковый) совитгич (Навоий цемент заводида «Волга-150 СА» маркали) қўлланилади. Бундай ускуналарнинг асосий элементи қўзғалмас ва электродвигател ёрдамида ҳаракатланиб турувчи панжаралар бўлиб, улар асосан иссиқликка чидамли 12Х18H12T маркали пўлатдан тайёрланади. Печдан чиққан клинкер дастлаб совитгич шахтасига тушади. У ерда нисбатан катта босимда ишлашга мўлжалланган қўзғалмас панжалар қия ҳолда ўрнатилган. Клинкер панжаранинг устига берилади ва панжаранинг остидан киритиладиган совуқ ҳаво ёрдамида жадал совитилади. Панжаранинг тешикларидан катта тезликда чиққан ҳаво клинкерни чамбарак юзаси бўйлаб текис тақсимланишини таъминлайди ва уни бир текисда совитади. Кейин клинкер горизонтал, кўзғалмас ва бориб-келиб ҳаракат қилувчи панжаралар ўрнатилган қисмга ўтади ва бу ерда ўрта босимли ҳаво билан совитилади.
Клинкернинг ускуна ичида силжишини ҳаракатланувчи панжаларнинг ўзи амалга оширади. Шунингдек совитгичнинг клинкер чиқариб олинадиган қисмида унинг катта бўлакларини майдалаш мақсадида болғали майдалагич ўрнатилган.
Совитгичда клинкер 50 250°С га совитилади. Бунда ҳаво 500 600°С гача исийди ва печга ёқилғини ёқиш учун берилади.


12 – маъруза